بدون حساسية رسالة إلى رئيس الجمهورية

[أبو هلا]

مليون سلام وتحية 00لمبارك الإنسان 00صاحـب الحكمة فـ عالمنا00 ولسانــها والبيــان
حامى بلادنا بطلنا00 نسر انتصار رمضـان 00حارس العـدل فـ بلادنا 00اللــى حكمه ميـزان
سلام لك من معلم 00 قضى عمره فى التعليم 00 ولو فتشنا جيبـه 00 ممكن نلاقـى ملاليـــم
الهدمة نفس الهدمة 00والجزمة هى كمان00 على حاله بدون تجمل 00أوضح شاهد عيــان
ولولا ســــتر الله وإعارة 0000 كان راح يعمل إيه المسكين ؟
كانوا ولاده شحتوا فـ حارة 0000 وقعدوا جنب الحيط مســاكين
ظلموا وقالوا: معلم مافيــا 0000 ظلمــوا وقالوا: لص لعـين
خلوا ولاده جوه الفصـــل 0000 وبره الفصل بيه ساخــرين
فيه بعضنا شغال منشـــار 0000 زى طاحـــونة ليل ونهار
مش ناكرين يا رئســنا لكن 00 00 معظمنا فقرا ومســـاكين
يوم ما بـ ناخد قرش مكافأة 000 نفرح بسدادنا للــــــدين
نرجع منها جايبــين فرخة0000 وكيلو زتون وقول بيضــتين
فـ البترول أو فـ الغازات000أو فـ بنوك الدولــــة العامـة
أو فى هيئة لاتصــالات 0000 أو فـ غــيرهـا من الوزارات
راتب الواحد فيها يهيـص 0000 يرجع لولاده بشــربـــات
يوم ما بيقبض فيها مكافأة0000 يعمل عمرة جوه البـــــيت
جايز برضه يروح ويصيف 0000 أو من شوقه يزور البيــت
قلت سؤالى يا ريس إيــه؟0000 هو أنا عبد وهو بيــــه ؟
همـــا ولاده لحـم ودم 0000 و إحنا ولادنا يا ريس إيـه ؟
ليه راتبه هو فـ السمــا؟ 000 وأنا راتبى بيفلفص ليــــه؟
دايما تهمتنا يا رئســـنا 0000 وزارتـــنا وزارة خدمـات
ما هو كلنا خدام يا سيـادنا 0000 ما هو كلنا كده مــ القـوات
ليه نتساوى بقى فى الخدمة 0000 وعند القسمة مش إخـوات ؟
مين علم أولاده ميـــن؟ 0000مش برده مدرس مســـكين؟
إذا كان عمله فى التـعدين 0000 عمــلى فى الروح ويا الطين
إذا كان عمله كله خطـورة 0000 أنا عايش وقلبــــى حزين
شغلنا جوه الفصـل ياريس 0000 فرن بيحرق فينا سنيــــن
مش كل الطلبة ولاد نـاس 0000 ناس منهم سفلة و رذلـــين
عازرك والله ياريس دا أنت 0000 شغلك والله مع ملايــــين
طالب إنى أعيش مستـور 0000 أنا مش طالب أبني قصــور
طالب إنى أعيش بكرامـة 0000 أنا مش طالـب أبني عمــارة

******

مليون بيــبوسوا إيديك 0000 مليــون كده ملك إيديــــك
وبيعلنوا تأييـــــدهم0000 يا رئســنا فـ لانتــــخابات
كل معلم على أرضــك0000 يا رئسنـا لـيـــك مشـــتاق
طامع تنصفه يا رئسـنا0000 فـ زمان كلـــه أزمـــــات

مع تحيات
أبوهانى ومازن وهلا