أسئلة القوة

بورسعيدى · #1 21-04-2006, 04:37 AM

أسئلة القوة

طريقة بسيطة و فعالة جداً.. تساعدك على انك تبني نظرتك الإيجابية للأمور و للحياة..
اسأل نفسك الأسئلة دي في بداية كل يوم.. هاتلاقي انها بتجبرك على انك تفكر بشكل إيجابي.. لأنك لا يمكن هاتقدر تجاوب على الأسئلة دي إلا بمنظور إيجابي
لأنك لو حاولت تنظرلها بمنظور سلبي.. مش هاتلاقي إجابة أساساً
اسأل نفسك الأسئلة دي.. و ركز على ان إجاباتك تكون واضحة و محددة.. وكل ماكانت الإجابة واضحة و محددة.. كل ماكانت نظرتك للأمور أكثر إيجابية..
-إيه أكتر شئ أو مين أكتر شخص في حياتك بيشعرك بسعادة أكبر؟
-إيه أكتر شئ أو مين أكتر شخص في حياتك بيشعرك انك محبوب أكتر؟
-إيه أكتر شئ أو مين أكتر شخص في حياتك بيشعرك انك أغنى؟
-إيه أكتر شئ أو مين أكتر شخص في حياتك بيشعرك بحماس أكبر؟
-إيه أكتر شئ أو مين أكتر شخص في حياتك بيشعرك بقوة أكبر؟
كل سؤال بتجاوب عليه من الأسئلة دي هاتلاقيه بيرسم جزء من تصورك لحياتك .. لغاية ماتوصل لصورة عامة شاملة لحياتك.. كبر الصورة دي.. و ضخمها.. [/COLOR]مثلاً.. لما تفكر في ايه اكتر شئ بيحسسك بالسعادة في الدنيا.. لاحظ الصور اللي بتيجي في عقلك.. خلي ألوانها أكثر إشراقاً..زي مابتزود ألوان الصورة في التلفزيون بالظبط..
علي الأصوات في عقلك.. خليها دولبي ستيريو..
خلي المشاعر المصاحبة للصورة فياضة.. ضخمها.. و خليها تملا عليك كيانك..

خلصت إجابة الأسئلة بالشكل ده؟
مبروك .. رؤيتك لحياتك بقت أفضل..
دلوقت.. انت جاهز..و مستعد انك "تحيا" يوم جديد من عمرك..