مش اعتذار وبس

[فتاة الاسلام]

السلام عليكم ورحمة الله وبركاتة

انا عارفة انى كل شوية اغيب اغيب وارجع بموضوع واعتذر

بس للاسف المرة دى مش هيكون اعتذار وبس .......... هيكون اعتذار واستقالة

انا بطلب سحب اشرافى من قسم "صوتيات ومرئيات"

حقيقى انا مش عارفة اوفق بين الكلية والنت
والكلية بتاعتى الدراسة فيها الكل يشهد انها صعبة
"هى صحيح سهلة وبينجوا فيها من غير تعب بس دول الطلبة اللى بيذاكروا اخر السنة ومن ملازم بس دول اعلى تقدير بيجيبوه هو مقبول او يشيلوا مادتين ويوم تخرجهم مش بيكون عندهم تحصيل خالص ...ويبقى كويس لو كانوا عارفين ان نظام الحكم فى مصر جمهورى مش ملكى ويعرفوا الفرق بين النظامين"
وانا بصراحة لو فكرت مجرد التفكير بس انة يكون زى زى الطلبة اللى كل همها نحاج وبس "مفيش تحصيل ولا مذاكرة"
فهنا فى العيلة مش هيسمحوا لى بكدة خالص:abdoog8: ...ودة ناتج عن ان الكلية دى بيعتزوا بيها جدا

وانا للاسف محاضراتى التيرم دة بعد الظهر "ماعدا يوم السيكشن" يعنى برجع البيت الساعة 6 او 7 وبروح الاسبوع كلة ماعدا الجمعة طبعا "لو يقدروا ينزلونا الجمعة هيعملوها "
غير الدارسة التانية للغة

السنة اللى فاتت كنت بدخل رغم انى كنت فى الكلية يعنى ....بس اللى جد السنة دة هو انى السنة اللى فاتت انا داخلة الدراسة متاخرة وكان فى تحويل وحاجات كدة ...فكنت ما بين انى هكمل فيها وما بين لا... فمش كنت مهتمية بنسبة مية فى المية "وبحمد ربنا ان دراسة سنة اولى كانت سهلة وتعتبر تاهيل للسنين اللى بعد كدة"
انما السنة دى بعد ما قررت انى اكمل طبعا ...فلازم اهتمامى يكون فيها كبير
فبجد انا حاسة انى مقصرة جدا فى اشرافى بقالى مدة مش بدخل ومش منتظمة
انا حتى داخلة المنتدى حاسة انة متغير .....اية اللى حصل لالوان المشرفين ....فى الوان زيادة

انا شرحت اسبابى
وحقيقى انا بعتذر
وان شاء الله يارب
حد اكفئ واجدر منى يتولى القسم

وانا هدخل المنتدى مش هبعد يعنى .....بس دخولى هيكون على حسب الظروف
وبعتذر لو الكلام مش مرتب او فى غلطات املائية "العربى عندى باظ خالص "

اشوفكم على خير