هل هناك حياة علي كواكب اخري!!!!!!

[محمد.فوكس]

أنا من و لما كنت صغير لغاية فترة قريبة كنت بتغاظ من الكلام بتاع الكتب و المدرسين و الناس ان مفيش حياة على الكواكب الاخرى لأن الظروف غير ملائمة للحياة .. يعني مفيش غلاف جوي ولا اكسجين و درجات الحراة و لا ماء.
و كان رأيي ان"هو لازم يعني ان الكائنات الفضايئة تكون بتتنفس اكسجين و جسمها بيستحمل نفس الضغط اللي احنا بنتسحمله و تكون ما بتتحمل نفس درجات الحرارة اللي احنا بنتحملها و لازم تكون بتشرب ميه؟".
لكن انا غيرت رأيي لكن جزئيا .. فقط بالنسبة لموضوع الماء لأني افتكرت قوله سبحانه و تعالى:"و جعلنا من الماء كل شيء حي".
يبقى كده بقى في اقتناع ان عشان نبحث في اي كوكب لازم يكون في ميه.لكن انا لسه عند رأيي ان مش لازم يكون نفس ضغط الهوا اللي عندنا ولا يكون في اكسجين ممكن يكونوا بيستحملوا درجات حرارة اعلى او اقل مننا.
و اعتقد ان الامريكان و الروس اشتغلوا بالمنهج القرآني ده يعني اشمعنا بيدور في المريخ مع ان درجة حرارته مش زي الارض و مفيهوش ارض خضراء و غلافه الجوي اكيد تركيبه مش زي الارض.. السبب هو اكتشاف الماء.
بالنسبة بقى للمعلومات القيمة اللي جابها الاخ حازم ايمن .. فأنا ليا رد من خلال المعلومات دي على سؤال كان سأله الاستاذ محمد السادات " ان ليه مبنسمعش على الاطباق الطائرة في الا في امريكا او اي دولة اجنبية".
(لو كان الامر ده حقيقي اصلا بتاع الكائنات و الاطباق الطائرة).فأنا شايف ان السب هو ان دول زي امريكا و روسيا هم فقط اللي بيطلعوا رحلات استكشافية للفضاء فيمكن الكائنات جاية تستكشف المكان اللي طلعتلهم منه الصواريخ و المكوكات.
و على فكرة انا طالب في اولى علوم اسكندرية...
ممكن اتجنن في عقلي و ادخل قسم علوم فضاء عشان اجاوب على السؤال ده بس كده يبقى مش هشتغل خالص.
بس هي دي صفة العلماء ممكن يقضي عمره كله في البحث وراء لغز معين.
شكرا..