هو إحنا فعلا ناس بالسذاجة دى؟؟؟!!!!!

[د/ ماجدولين]

السلام عليكم
ازيكم ياجماعة عاملين اية؟؟؟؟
ان شاء الله تكونوا بخير
بصو الموضوع اللى عملتة دة هو وليد الحظة.......مش قعدت أفكر فية فسامحونى على قلة التنظيم
مجرد ما رسالة وصلتنى ع الميل فتحت المنتدى عشان أكتبة لعل وعسى
أول رسالة وصلتنى من مدة عبارة عن مقال للمبدع أحمد خالد توفيق
المقالة بعنوان ثقافة الفورورد
المقالة طويلة عشان كدة هنزل الجزء اللى أنا أقصدة لعدم الإطالة

ما يثير علامات إستفهام حقيقية هى ( رسائل الحماس الدينى ) .. منذ أسبوع وصلتنى رسالة موجهة لى و نحو مائة عنوان آخر ، تقول إن هولندا تنوى إلغاء القرآن ( هكذا فى النص) و قد وضعت موقعاً على الإنترنت ليتم التصويت فيه إن كنا نوافق أم لا .. كيف يمكن أن تلغى هولندا القرآن ؟.. هل يقصدون إلغاء تدريسه أو تداوله ؟.. الرسالة لم توضح .. ثم ما قيمة هذا النوع من التصويت ؟.. إن من يحارب ديناً قد إتخذ قراره مسبقاً و لن يغيره بداعى الديمقراطية ، و الحوار معه قد يؤذى و لا يفيد . على كل حال تطلب الرسالة من المسلمين المتحمسين أن يدخلوا الموقع ليصوتوا ضد إلغاء القرآن و ذلك بالضغط على المستطيل الأحمر .

بصراحة لم ابتلع هذه الرسالة ، و دخلت الموقع لأجده مكتوباً بالهولندية التى لا يجدى معها أن تعرف بعض الألمانية مع الفتاكة المصرية ، و هكذا استعملت مترجم ( ألتافيستا ) لأحول النص من الهولندية إلى الإنجليزية فكان كالتالى :
■ هل توافق على التجنيد الإجبارى للبالغين فى هولندا ؟... ( نعم / لا )
المستطيل الأحمر يعنى أنك ضد التجنيد الإجبارى ، و هذا يعنى أن المسلمين فى العالم كله قد أدلوا بصوتهم معارضين التجنيد الإجبارى للبالغين فى هولندا !

ما هذا السخف ؟.. هناك من يسخر منا بلا انقطاع و نحن فى كل مرة نلتقط الطعم بسذاجة و حماس . لابد أن هذه الرسالة قد تم تمريرها لعدة آلاف من المسلمين المتحمسين الذين دخلوا الموقع ضد التجنيد الإجبارى ، ثم مرر كل منهم الرسالة لمائة واحد آخر .. لابد أن مبتكر هذه الدعابة قد آلمته بطنه من فرط الضحك ..

قرأت المقالة وعجبتنى وبعتها لبعض الناس ع الميل
ومن شوية وصلتنى رسالة بعنوان
ensoro el eslam‎
الرسالة تحوى نفس المضمون السابق الذى أشار الية الدكتور أحمد
أضغط على الزر الأحمر والكلام الهبل دة
أنا محاولتش مجرد المحاولة انى ادوس ع اللنك
ومعلش عشان أنا حذفتها فمش هقدر أجيب النص الأصلى
لكن اللى غايظنى بجد ان الرسالة مبعوتة لكتر من 100 عنوان غيرى
والله وأعلم كام واحد ضغط ع اللينك وشارك
احنا بقينا بنلغى عقلنا كدة ببساطة؟؟؟؟؟؟
اللى جايز البعض مش يعرفة أنة بحسب عدد زوار المواقع
يقفز بة ذلك مقدمة صفحات البحث
وبالتالى اى رسالة من هذا النوع تدعوا الى زيارة موقع يعادى الأسلام لغرض الدفاع أو الكلام دة
تقفز بهذا الموقع الى الأمام
وتخلية موقع محترم يتوافد علية الزوار بعد ما كان موقع ملوش لازمة فى عالم النت
ياريت نفكر بجد يا جماعة قبل ما نعمل أى حاجة زى كدة
وافتكر ان نصرتك لدينك أسمى من دخولك لهذة المواقع اللى مش لاقيالها وصف
واللى جايز ان زيارتك للمواقع دى تضر أكتر ما تفيد
ربنا يهدى الجميع ياااااااااااااااارب