ملتقى طلاب صيدلة الاسكندرية

[Dr.diamond]

المشاركة الأصلية كتبت بواسطة Dr.ahmed91

بداية يا دكتور

الدكتور مشرحتش الجزء اللي هو من ص45 الى ص47 فوق بتاع قوانين فاراداي والتحليل الكهربي

اصل كنت ببيض المحاضرة وفتحت الكتاب .... وقعدت اقرا الجزء ده وكنت ناوي اروحلها اقولها
حضرتك مشرحتيش الجزء ده ليه؟؟؟؟؟؟؟؟

المهم خلينا في المثال...

بصراحة انا لما بشوف طرق الحل بتاعت الكتب دي بيجيلي غثيان

وانا كمانالمفروض ان الحل يفهمنى لا ده بيلغبطنى بعد ما بكون فهمت

عندنا مثال واحد..نرجع بضهرنا ورا سنتين.الباب بتاع الكهربية التامن

حنجيب للالومنيوم حاجة اسمها الكتلة المكافئة اللي هيا = الكتلة الذرية /التكافؤ

يعني 26.982/3 حتطلع 8.994 جرام

وحسب قانون فاراداي

8.994 جم دول محتاجين 96489 كولوم عشان يتفصلوا او يذوبوا
معنى كده ان الكتله المكافئه للعنصر او المركب هى اللى بتحتاج96489 مش كده ؟؟

يبقى ال 1.0000 جرام محتاجين كام؟؟؟؟؟؟

نعمل مقص

حتطلع 10729 كولوم اللي هما شحنة بتشيلها
تمام كده

وبالنسبة للمثال التاني (سيبك برضه من الحل المقرف ده)

عندنا كلور وعندنا الومنيوم

نجيب الكتلة المكافئة للكلور تطلع ب35.45 بالقانون برضه

والالومنيوم 8.994 زي المثال اللي فات

نطبق في قانون فاراداي

اه.نسيت ان واحد فاراداي يعمل 96489 يعني 96500 كولوم تقريبا

القانون بيقول ان كتلة المادة اللي حتنفصل او تترسب
تساوي.كميةالتيار بالكولوم * الكتلة المكافئة وكل ده على 96500 اللي متقربة يعني
هما ليه مش كاتبين لنا الكلام ده فى الكتاب؟؟

تحسبي الالومنيوم حتلاقي 96489*8.994 /96489 تطلع 8.994

ونفس الكلام على الكلور وهيا هيا نفس النواتج

انما نقول ايه......لازم نلعبك الكلام

الكلام ده كان عندى فى مذكرات الكيميا زى الفل بس للأسف راحوا لحال سبيلهم

شكرا بجديا دكتور أفدتنى بسرعه كالعاده

ربنا يرزقك بامتياز كده فى كل المواد