و الان مع الدفعة الثانية من الاسئلة
يا رب تعجبكم
31-بتحب اسمك؟
بصراحة بحبه عشان اسمى
بس مش بحبه لانه مش لايق عليا لانى مش بعرف ادخل السرور على نفسى عشان ادخله على غيرى بس بحاول اعمل كده عشان ينطبق عليا
بدات مش احبه برده عشان كل صحابى اسمائهم(ميادة ونهى ونورا ونورهان ونسمة) وكلهم فى نفس المجموعة والسكشن وانا لوحدى فى الاتنين
وميادة بالذات صديقتى جدا من اعدادى وهى دخلت صيدلة اصلا علشانى مع ان مامتها وباباها كانوا نفسهم تدخل اسنان او بشرى
32-طيب لو مكنش دا اسمك كنت تتمنى يكون اسمك ايه؟
بحب اسم نهى واسماء سهيلة وسمية اخواتى الصغيرين
33-ليه اخترت النيك نيم دا في المنتدى؟
بغيره كل شوية مش بثبت على اسم محدد
34-تفتكر انك هتربي ولادك زي ما اهلك ربوك بالظبط؟
اه
اهلى هما اللى علمونى كل حاجة مع فرق بسيط جدا
35-هل انت شخصية مرحة؟
مش قوى
36-ليك اصحاب كتير؟
لا
ليا زملاء كتير انما اصحاب هما تلاتة بس
37-آخر مرة بكيت فيها امتى؟
البكاء ده عندى شىء طبيعى
اخر مرة النهاردة وانا راجعة مع ماما من عند جدتى عيطت فى السكة
38-آخر مرة ضحكت من قلبك؟
مع جوليت بضحك معاها كتير اوى لحد ما ابقى هاموت خلاص
39-ايه اكتر حاجة ممكن تنرفزك؟
ان حد يتهمنى بحاجة مش فيا هى مش بترفذنى انما بتقهرنى
اكتر حاجة بترفذنى ان حد من اخواتى يتعمد يغيظنى ببقى هاعمل فيهم حاجة
40-بتحب تكون شخصية قيادية؟
لا خالص
41-إيه رأيك في كتابات احمد فؤاد نجم؟
جميلة جدا ونابعة من القلب فعلا عشان كده بتوصل للقلب ايضا
42-تفتكر الدنيا ممكن تمشي من غير الانثى؟ تفتكري انتي انها ممكن تمشي من غير الذكر؟
اكيد لا
كل منهم يكمل الاخر
بس عامة انا مش بحب الاولاد غير اخويا طبعا
43-تعبت ولا لسا؟
اه
عشان المفروض اذاكر
44-تعرف مين هو ملك دولة المغرب؟
لا
45-من وجهه نظرك تفضل السلم ولا الاسانسير مع التعليل؟؟
سؤال غريب مش كدا؟
وانا رايحة لخالتو اه انما عندنا مافيش اسانسير لان العمارة 8 ادوار
46-سافرت برة مصر قبل كدا؟
اه
وانا صغيرة عندى كام سنة سافرت لبابا اليونان وبعدها امريكا
دول غربية مع الاسف
47-رحت فين بقى.؟ ونفسك ترجع تاني ولا لا؟
لا الحمد لله انى مش هناك
48-زهقت؟؟
لا بصراحة
طيب كفاية كدا عليكم ونكمل يوم تاني ان شاااااااااء الله
01-11-2008, 04:47 PM
العرض الشجري
