إهداء .. لكل من .. علا .. (كااااادره)

[أحمـدنجـم]

إهداء .. لكل من .. علا .. (كادره)

********************************

أنا ناجح في الكادر يا عالم هنوني يلا وباركولي

قولوا لمراتي عنتر رايح للجواهرجي يجيب اللولي

خلوها تعلي الزغرودة لولي لولي لولي لولي لووووولي

ما انا ناجح في الكادر يا عالم هنوني يلا وباركولي

****************

قبل نتيجتي ما تظهر ايدي على قلبي كانت محطوطة

وابني سألني :

ممكن تسقط يعني يا بابا ؟وخدودي احمرت كالقوطة

عيب يا ضنايا بطرف صباعي دي اجابتي كانت مظبوطة

هز دماغه .. غمز لي بعينه يقصد ايه الواد فطوطة ؟

***************

طول الليل وانا قاعد بدعي انجح وابقى في عينه مثال

اوعو تقولوا ان الجيل دا جيل تفكيره لعب عيال

بدعي واقول يا كريم اكرمني وبكدري يتعدل حال

طب لو هسقط هقبى مدرس والله مصيبة لكون زبال؟

**************

الست مراتي قاعدة بتحسب كام هيزود كادري الدخل

ونتيجة حسبتها متين أو خمسين فوقهم بالعدل

يعني اساسي مرتب عنتر لو ينجح راح يبقى الدوبل

كادر الدوبل ودوبل الكادر وكادري يكدر كدرك كادره

وكدر كدري أكدر كدرك يتكدر كدرنا بالكدر

تطلع ايه ؟

دي فزورة وايه الحل؟

*************

قالوا هتظهر يوم السبت ليوم الأحد ليوم الجمعة

قالوا الريس هيقول خطبة شافية مانعة سانعة جانعة خانعة

شانعة ثانعة فانعة ضانعة جامعة

بعد خطابه هتظهر لازم وانا خايف لتفر الدمعة

لو هسقط تنسيقي يا عالم هيوديني في ايوها جامعة؟

************

حانت ساعة صفري وقلبي آه يا عيني آه يا كبدي عليه

كل مدرس شايل كوده ورايح نته مش قادر يمشي برجليه

متخفي خايف م الطلبة لا يشوفوا خوفه في عنيه

ونتيجتك جتلك يا سي عنتر فتح عينك . . شايف ايه؟

************

أنا ناجح في الكادر يا عالم هنوني يلا وباركولي

قولوا لمراتي عنتر رايح للجواهرجي يجيب اللولي

خلوها تزغرد كام زغرودة لولي لولي لولي لولي لووووولي

ما انا ناجح في الكادر يا عالم هنوني يلا وباركولي

************

إلى كل معلم ومعلمة .. مبروك .. لقد .. علاااااا (كاااااااااااااااااادرك)