نفسى يعملونا كدة (انت كمان نفسك فى كدة)

[7abiby el-awlany]

المشاركة الأصلية كتبت بواسطة marwa 2008

السلام عليكم ورحمه الله وبركاته

كنت بقرأ امبارح جرنان الاهرام تحديدا فى صفحة الحوادث لقيت خبر عن حادثة

وهى بكل بساطة انقلاب اتوبيس سياحى بطريق اسوان ابو سمبل

ومات فى الحادثة دى 6 بلجيكين واصيب 26

انا بعد مشفت الخبر مكنتش هكمل

لانة ميهمنيش فى حاجة
لكن عينى وعقت على جملة وهى بتقول

(وزير الدفاع يرسل طائرة طبية لنقل المصابين الى القاهرة)

وساعتها دار فى دماغى حاجات كتير قوى

1- لو كان الاتوبيس دة ركابة مصريين كان سيادة الوزير بعت طيارة ولا حتى كان هيبعت توك توك

2- لو كان الحادث دة وقع فى بلجيكا وكان الى فى الاتوبيس مصريين كانوا عملوا معانا كدة

3-كان فين سيادة الوزير ساعة ماكان الاف من الناس بيصارعوا الامواج فى حادث العباره

طبعا انا مش معترضة خالص انة يعمل كدة لانهم مهما كان ضيوف فى بلدنا
لكن لية احنا كمان مبيعملوش معانا كدة

عايزين صورتنا قدام الغرب تبان عال العال

لكن صورتنا قدام نفسنا ملهاش لازمة

قد كدة احنا منسويش حاجة فى نظرهم

وعادى جدا ان ملايين يموتوا مننا قصاد واحد منهم يعيش

ياترى وزير الدفاع لو كان قرا خبر ان مصريين هما الى كانوا فى الاتوبيس

كان هيبقى دة رد فعلة ولا كان هيقول هل من مزيد

ياترى وزير الصحة كان هيكلف فريق طبى للاشراف على نقل المصابين

احنا اولى تحافظوا علينا وعلى ارواحنا

فى امان الله

1- لو الاتوبيس ده ركابه مصريين ، كانوا اتأخروا طبعا ، ويطلعوا يعيطوا ويقولوا لازم نستسلم لقدرنا ونؤمن بيه احنا مسلمين ، وخلوا الاهمال ما يشغلناش عن الدعاء للمفقودين
2- طبعا الاتوبيس ده لو كان مصري وفي بلجيكا ، فالموضوع مختلف تماما ، دي اوروبا يا بنتي ، يعني اقل واجب هيستنوا لما الركاب يموتوا الاول وبعدين يشحنوهم على مصر في علب سلمون
3- اعتقد هو كان نايم ساعة العبارة
4- كان احتمال كل خريجي الطب الجداد يتوظفوا ، على اساس انهم يشوفوا جثث ع الطبيعة