سحقا لكل من تسول له نفسه النيل من المعلم

[جمال سراج]

السلام عليكم
اولا مشكور جدا مستر ليدر لشهامتك وادبك الزائد
ولكن دعنى اقول هو من امته الاعلام يدافع عن المعلم او من امته المعلم بينظر ليه باحترام
بامارة ايه
بامارة مدرسة المشاغبين
ولا فؤاد المهندس ونجيب الريحانى والبنطلون اللى تحت الركبة والنظارة كعب الكباية
ولا الاستاذ مرتضى ودروسه الخصوصية اللى لغايه الفجر
ولا بامارة مكافاة الامتحانات اللى فيه ناس بتخدها 500 جنية وبياعيين الفجل بيستنوها عشان يغلوه عالمدرسين
وبعدين هنروح بعيد ليه
متشوف الحاصل دلوقتى بامارة الكادر اللى لسه مشفناش فلوسه
والضجة الحاصلة عشان تلميذ جاء اجله للاسف والسبب مدرس - خلاص الدنيا قايمة ومش هتقعد - كل المدرسين جزارين وسفاحين ووحشين وبقينا خلاص مادة خام للجرايد
عموما لنا الله

اسمع بقا الكلام الجميل ده لسيدنا ومولانا الامام الشافعى وكفا به ردا على امثال هؤلاء

يخاطبني السفيه بكل قبح***** فاكره ان اكون له مجيبا
يزيد سفاهة فازيد حلما ***** كعود زاده الاحراق طيبا

وايضا

قالوا : سكت و قد خوصمت، قلت لهم: ***** ان الجواب لباب الشر مفتاح
الصمت عن جاهل أو أحمق شرف ***** و فيه ايضا لصون العرض اصلاح
اما ترى الاسد و هي صامتة ؟! ***** والكلب يخسى لعمري و هو نباح

وفى الصبر يقول مولانا

صبرا جميلا ما اقرب الفرج ***** من راقب الله في الامور نجا
من صدق الله لم ينله اذى ***** ومن رجاه يكون حيث رجا