معلم نتشرف به ونذكره

[هويدااحمد76]

يسعدنى ان اكون اول من يعطى الحق لاصحابه بالنسبة لى أدين بالفضل بعد الله تعالى لمدرسين اثروا فى شخصيتى منذ المرحلة الابتدائية منهم مدرس اللغة العربية الذى حببنى فيها وكان نعم الاب الحنون على اولاده
ومعلم اللغة الانجليزية فى المرحلة الاعدادية حببنى فى الانجليزى بعد ما كنت اكره المادة بسبب مدرس سابق له ومن فضل الله ان المدرس اللى كان كرهنى فى المادة نقل وجاء العبقرى مستر محمد والله فى الاول رسبت فى امتحان الشهر مع الاستاذ السابق له وبمجرد ما مستر محمد جاء وشرح لنا وعمل امتحان فى اخر الشهر وطلعت الاولى على الصفوف الاولى وكرمنى الاستاذ فى التابور وكانت دفعة لى وفضل يدرس لى حتى الصف الثالث الاعدادى والنتيجة اننى دخلت كلية التربية قسم لغة انجليزية وحصلت على تقدير جيد واتغيرت حياتى الى الافضل بفضل الله وجهد الاستاذ محمد والمفاجأة اننى لم ارى مستر محمد منذ كنت فى الصف الثالث الاعدادى وحتى انهيت دراستى فى الكلية وعملت شهرين وقالوا لى فى المدرسة فيه موجه انجليزى كنت مرعوبة فى الاول ودخلت مكتب المدير وكانت قدامى بخبط فى بعضها ولسه المدير هيعرفنى بيه فوجدته مستر محمد ورحبت به واثنى عليه امام المدير وقالوا دى تلميذتى النابغة وخلوا بالكم عليها وتمنيت ان يكون من ادرس لهم يعاملونى بالمثل وقد كان واول ناس درست لهم عام 1998 دخل 3 منهم كلية الطب وواحد هندسة واخرى الالسن ورابعة الاداب وما زالت علاقتى بهم مستمرة مرة ركبت ميكروباص وعند دفع الاجرة فوجئت بطالب منهم بيقولى خلاص يا مس والله انا لم اراه بل هو الذى رانى وقالى خلاص انت استاذتى وخيرك سابق وساعدتينا كتير فرد عليه احد الركاب وقاله ربنا يكتر من امثالك يا ابنى