|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-12-2008, 02:39 AM
|
||||
|
||||
نقاااااااااااااااااط تفتيش "3"
السلام عليكم و رحمة الله كل سنة و الجميع بخير يارب يكون عيد سعيد على الجميع ماحدش بقى يمل من موضوع نقاط تفتيش انا كنت هعمله موضوع منفصل بس قلت نكمله بقى يمكن حد فينا يفتش فى نفسه ع حاجة من دول و كل واحد فينا يحل مشكلته "عاااااااااااااااااالم فاضية" دول بقى اساس انى اكمل الموضوع صراحة بجد بجد بجد حاجة بقت تقرف -سورى فى اللفظ- ناس كده هواية عندها توقع الناس فى بعض ناس كلمة نمامة كلمة قليلة عليهم ايه ده للدرجة دى فى ناس فاضية اوى كده ييجى واحد يقول لواحد تانى عارف فلان ده بيقول كذا و كذا و كذا و اصلا الفلان ده فى حاله خالص و مالهوش فى الكلام ده ييجو بقى يدخلوه فى حكايات و روايات و افلام كده من صنع ناس مريضة اصلا نفسيا المشكلة الكبيرة ان الناس تكدب و تصدق نفسها و تعيش الكدبة السؤال بقى ياترى العيب فى مين فى اللى بيصدق و لا اللى فى حاله ياترى اللى فى حاله ده لازم يدافع ع نفسه لازم يضيع وقته و يحرق اعصابه عشان يدافع ع نفسه ادام حد المفروض يكون عارفه و لا خلاص بقى هو اللى اختار و هو اللى عايز يفهمه غلط ياترى العيب فى مين فينا فى الطيب و لا الغبى اللى بيصدق كل كلمة يا ترى لو الطيب ده مش دافع عن نفسه هنقول عليه سلبى طيب ليه هو مطالب انه يحرق اعصابه عشان حاجة مش ليه ذنب فيها طيب يا ترى الناس اللى متعتها توقع بين الناس دى بتستمتع بايه؟ بتحبو اوى تشوفو الخناقات كتير و الكره بيكتر و الحب بيروح بجد كلمة واحدة هقولها ليكم و سورى بجد "بلا قرف" سورى بجد ع الكلمة لكل حد مش فيه الصفة دى بس صراحة مش لاقية وصف اوحش من ده عشان اوصف بيه الناس دى بجد حسبنا الله و نعم الوكيل فيكم "تايهين فى الدنيا" الناس اللى بتحس انها تايهة و مش لاقية حد ياخد بايدها ياترى ده بيبقى عيب فينا احنا و لا فى الجيل اللى اكبر عشام مش واخد بايدنا و لا فى الدنيا تفتكرو لو رجعنا لديننا هنبقى تايهين تفتكرو لو رجعنا لمبادءنا هنحس بالتوهان اوقات كتير بحس انى تايهة بحس انى مش بقيت عارفة مين صح و مين غلط ياترى العيب بيبقى فيا ياترى لما مش ابقى عارفة الغلط فى تصرفى و لا فى حكم المجتمع ع التصرف ده بيبقى الغلط فى مين ياترى لما كل يوم نرتكب نفس الغلط يبقى العيب فى مين؟ ياترى لما نرجع لربنا الصبح و نيجى بالليل نقول لا كفاية مش هنقدر نكمل يبقى العيب فى مين؟ ياترى لما تلاقى جيل كامل -الا من رحم ربى -كل هدفه تقليد اعمى للغرب و ياريت حاجات مفيدة بالعكس بنختار الحاجات الوحشة و منها التوهاااااااااااااااان تفتكرو الحل ايه نحط اهدافنا ادام عينا و نتحرك ليها؟ و لا نحط ديننا فى قلبنا و نتحرك بيه؟ طيب ايه رايكم تخيلو كده لو قدر واحد فينا يعمل الاتنين ياترى هيكون تايه؟ "عيب يا ولد .....احترم اللى اكبر منك" الجيل اللى اكبر مننا -بابا و ماما كده يعنى- لما يقولو راى هل المفروض ننفذه بلا مناقشة و بلا تفكير طيب لو اتناقشنا و مش اقتنعنا و عايزين نجرب هل نبقى ناس غير محترمة لاننا مش احترمنا رايهم؟ هل التفكير بيحكمه السن؟ طيب مش ممكن حد فى سننا بس يكون شايف مستقبله كويس و عارف هو بيعمل ايه حتى لو استفاد اكيد بخبرات اللى اكبر منه بس ليه لازم ننفذ و عينينا مغمضة؟ سؤالى للجيل اللى اكبر مننا ليه بتحاسبونا على اننا اصغر من حضراتكم فى السن ؟ "غلطت و اتصلحت ........اعمل ايه تانى؟" مين فينا ملاك؟ مين فينا مش بيغلط كبير و صغير متعلم و جاهل ملتزم و غير ملتزم بنت و ولد هاتو كده حد فيهم مش بيغلط؟ متهيالى مافيش طيب مادام الك بيغلط يبقى مين احسن اللى يغلط و يغلط و يغلط و هيا هيا نفس الغلطة و لا اللى يصلح و يتعلم من غلطته؟ هتقولو طبعا اللى يصلح و يتعلم من غلطته اوك انا مقتنعة بده تماما بس هاتولى دليل واحد ع كلامنا احنا دايما بنقول لازم لما نغلط نصلح الغلط بس اللى يغلط فينا و يصلح الغلط بيبقى كانه عمل غلط اكبر مافيش حد يقول ليه هو يهتم براى الناس لانه عايش فى مجتمع هنقول لازم رايه هو فى نفسه و لازم تكون فى ثقة فى النفس بس برده هو بشر لازم هتيجى لحظة و يضعف و يسمع لكلام الناس السؤال بقى ليه بنهد بعض؟ ليه مش بنشجع بعض ع الصح حتى لو كنا بنعمل الغلط؟ ياريت ياريت ياريت "حب لاخيك ماتحبه لنفسك" الموضوع طول اوى المرة دى بجد فى حاجات كتير اوى كنت عايزة اقولها بس اعذرونى ع الاطالة و معلش لو كانت طريقتى بايخة المرة دى كل سنة و انتو طيبين
 آخر تعديل بواسطة شموخ مسلمة ، 06-12-2008 الساعة 02:46 AM |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 06:37 AM.
