|
||||||
| معرض الصور و التصاميم و الفنون المتنوعة ( ممنوع وضع مواد خاضعة لحقوق الملكية والنشر ) |
|
|
أدوات الموضوع | انواع عرض الموضوع |
|
#1
07-12-2008, 12:37 AM
|
||||
|
||||
دلع خروفك....يبوس سكينتك
موضوعنا انهاردة مشكلة.... بيتهيالى بتقابل كل خروف اشتريته......... خروفك....حاسس انه وحيد..!!!!!!!!!!!!!!  خايف من المستقبل!!!!!!!!!!......و فى وشه نظره العته و البلاهة و القلق...؟؟  بتجيله احلام مرعبة!!!!!!....و بيتخيل ان خلاص...النهاية قربت؟؟...و هنستخدم كل حتة فى لحمه و فروه!!!  حاسس انه دايما متراقب........من العيال اللى يتشلوا .....اللى عمالين يغنوا....و يقولوا ............ الجاموسة جت.......و عمرهم ما غنوا للخروف.... متراقب ...و مش حاسس بالامان حتى فى وسط اهله؟!!!!!!!!!...  خلاص.....دلوقتى....كل مشاكلك اتحلت....مع........ منتجع monier ....لمعالجة الادمان........يوووووووه.... منتجع منير ......لمعالجة الخرفان............ ما تخافش......هتتأكد بنفسك....قبل ما تدفع...... اسعارنا ليس لها مثيل.....ارخص من مسحوق الغسيل....سعر المنتج ثابت...سعر الشحن ثابت...هنهشتكهولك لحد المدبح..... و دلوقتى جولة داخل المنتجع كى يطمئن قلبك و قلب خروفك....... بما اننا عارفين ان اهم حاجة فى الخروف....هيا أخلاقه....بنربيه على الغالى من يوم ما بيحط اول حافر ليه فى الارض.....اولا رضاعة طبيعية....مش احنا بتوع لبن enjoy و لا حتى رايب.....و الانسان النضيف بيقعد فى المكان النضيف حضرتك.......  عايز لعب....ياااااااخد....دباديب ياااااااااخد.........و من غير بذر..........  لأن شعارنا.....راحة الزيون......هيا المضمون... و طبعا....لازم الخروف يحس انه وسط اهله.....يعنى اكنه عايش معاك بالظبط....هنعامله اكنه ابنك....(و الله أعلم)...يمكن ديه الحقيقة......هتمثل؟؟ يبقى نعمل تحليل DNA و نشوف...  ...اهوه...كله زى ما الكتاب بيقول.....الفرو السليم....فى الجسم السليم.... كل يوم تمارين الصباح لابد منها.......و طبعا كشف المنشطات واجب لان الخروف بيبقى معجب بصحته.... و اللى يتمسك....بنشيله كل قرونه......(هو الخروف بقرن؟!!!....انا مش فاكر بقى ما جتش على ديه)  خلاص بعد شرب اللبن...و التمارين الصحية.....لازم يفرغ طاقته فى حاجة مفيدة..... و مفيش أحسن من الالعاب الرياضية عشان يبقى ال strength بتاعه عالى......... هنديله استمارة و يختار منها الالعاب اللى يحب يمارسها.....من الالعاب الموجودة....  ايوة ما تستغربش....معانا خروفك بيقرا و يكتب...و يختار العابه بنفسه...  و القراءة خير من العلاج....(وزارة التعليم و الصحة)....... و الرياضة الاولى هيا.........كرة القدم............  هنختار مركزه فى الملعب.....على حسب امكانياته..... لو واد حريف كدة؟!!!!!!! و مالوش زى.....حازم امام الخرفان المصرية يعنى.....يبقى يلعب striker (مهاجم يعنى)...  اما بقى لو بيحب يأنتخ و يفضل نايم فى منطقة ال 18 بتاعة فريقه....يبقى defender و توكل على الله....  (ما بيلعبش basket ده هيلعب الاوت.....) اما بقى لو الفيتنس بتاعته عالية بقى....و خروف صح الصح....و بيبيع كبدة صح الصح.....يبقى goal keeper ..تمام اوووووووى.........  نيجى بقى لاقل مستوى....  لو خروفك سيس....و اكيد خروف تيييييييت....يبقى ينضم لفريق المشجعات...(اهوه نكسب فيه ثواب)....  اوبااااااااا.....خروفك روش طحن.....روش كييييييك يعنى!!!!!!!!!!....يبقى لعبته موجودة معانا....  خروفك!!..........بلطجى......عايش عافية!!!!!.....عايز يستقوى على مخاليق ربنا؟!!!!!!..... يبقى لقينا الحل......الجيم هو المكان المناسب......  طب خروفك....بيحب التعلم....بيحب التفكير!!!!!!!!!......باصص فى السما و بيفكر امتى هيطلع القمر و يبقى الخرروف لايكا.....او الكلبة لايكا (لو احتمال يتحول فى الفضاء)....مش هتفرق....  عايز.....اصحاب من نوع أخر (ما تفهمونيش غلط مش بنات...نوع غير الخرفان).....جديان مثلا....  اه ممكن يختار صاحب معتوه.....بس تحت عينينا..... هيقفوا على كورنيش المنتجع و يعاكسوا و يغمزوا لاى نعجة ماشية....بس برضه قدام عينينا.....  و مفاجأة السنة ديه.....المخيم الصيفى...مجانااااااااااا....  عنده ميول نسائية.!!!!!!!!!!!!!!!....امممم......و ماله؟....لكل خروف كبوة ... نستحمله برضه...عندنا اقوى فصول اقتصاد منزلى....  عايز يتجوز؟!!!!!!!!!!!.....و احنا فى ديك الساعة....ده الف من تتمناه.....ده الخروف الذهبى....  اهوه برضه الراجل يحب يأنتج و يبقى .....فى جو relaxation ....  و فى نهاية الموضوع.....استضافة برنامج العاشرة مساءا....للخروف المتخرج من منتجعنا... و بنسأله....بمناسبة راس السنة الجديدة!!!....تحب تعمل ايه؟؟ و من غير تفكير هيرد..... انا خلاص حققت كل اللى بتمناه....شغال مدير بنك...عندى عربية اخر موديل....متجوز نعجة شيك جداا...و اولادى بيقولولى يا عمى عشان ماعنديش اخوات.....بيتهيألى كدة خلاص.....اروح اتدبح بقى......    هاااااااااااااااااااه!!!!!!!!!!....مستنى ايه؟؟.....هات خروفك و تعالى.....او اتصل بينا على الفرو الساخن.... اتصل دلوقتى و استمتع بالعرض المجانى....اكياس بلاستيك عشان تحط فيها اللحمة!!!!!!!!!!!!! يلا بقى كفاية كدة.............عشان عايز انام...... كل سنة و انتوا طيبين.... فراشة الحاج منير تتمنى لكم عيدا سعيدا .....  و اهدى الموضوع طبعا لأصحابى اللى عارفين نفسهم طبعا.....عشان مش هشوفهم فى العيد 
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر آخر تعديل بواسطة استاذ بدوى الدجوى ، 13-12-2008 الساعة 01:18 AM 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 04:10 AM.
