عيد مختلف مع موقع الثانوية وعبقرينو

[الاستاذ محمد سرور]

المشاركة الأصلية كتبت بواسطة عبقرينومان

السلام عليكم

العنوان مش ليه دعوة بالموضوع صح

المهم انا هتكلم هنا زي ما هتتكلموا عن العيد

العيد في مصر مختلف عن اي بلد

بمعنى ان العيد يبقي ليه شكل تاني وهيصة وفرحة وبهجة وزيارات وخروجات وزحمة غير اي بلد عربي اخر


وكمان تلاقي كل بيوت مصر من امبارح ناشرة الغسيل والملايات والمفارش

كله بينظف البيت وبيروقه وكأنه مش هينظفه تاني

طيب فين النظافة دي على طول يعني علشان العيد

وكمان العيد الكبير بيكون ليه بهجة عن العيد الصغير

يعني من كام يوم وآدم مشتاق للعيد وبيسألني كل شويا عن العيد بيفكرني بأيام زمان

لانه بصراحة العيد واحنا صغيرين بس واحنا بنلعب ونأخذ العيدية

واحنا بنفكر ازاي هنصرف العيدية وهنحوش منها ولا هنصرفها كلها

طيب هنجيب بيها ايه

وكمان اجمل حكاية الايام دي بعد صلاة العيد ونسلم على بعض

وتبدأ تلف على الحبايب والأقارب والصحاب

وبالليل تحلى الخروجة مع الأهل

بس بصراحة انا بقضي العيد في بيت ابويا

والسنة دي العيد له مذاق خاص علشان كمية الرسائل الخاصة الرهيبة اللي وصلتني بتهنئة العيد

انت ايه حكايتك في العيد

وبتعمل ايه في العيد

والبيت عندكم اتروق ولا لسا

والخروف اشتريت ولا هتشتري لحمة

وكمان اخبار العيد معاك زي زمان وانت صغير ولا خلاص مش بقي ليه طعم معاك

وفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال

وحسبي الله في كل من حرم حجيج غزة من الحج هذا العام

وكمان ايه رايكم في لوجو الموقع بتاع العيد عجبكم

ومستني كل واحد يقولي ويحكيلنا عن العيد

هو العيد معايا كل اللى انت قلته
وزى ما هو عندك بالظبط

لكن مع اختلاف هذا العام
ان العيد متزامن مع عيد ميلادى فكان للخرفان وجهة نظر مختلفة فى عيد ميلادى
وحاولوا استغلال هذا التزامن مع مصلحتهم



بس على مين
تورتة عيد ميلادى السنة دى حتكون ضانى مش كيك ان شاء الله