ألغاز ذهنية خفيفة!!! ((متجدد))

[mohsen ghareeb]

المشاركة الأصلية كتبت بواسطة abosrhan

السلام عليكم ورحمة الله

اولا: نفرض ان الثلاثة ارقام المكونة للعدد هى س ,ص ,ع
اذن صيغة العدد هى س+10ص+100ع
مجموع ارقام العدد=س+ص+ع
اذن العدد - مجموع ارقامه = س+10ص+100ع -س-ص-ع =أ
(وطبعا أ عدد صحيح موجب)

9ص+99ع=أ

ص+11ع=أ/9
حيث ان ص عدد صحيح موجب
و ع ايضا عدد صحيح موجب وكذلك 11ع لان مضاعفات العدد الصحيح =عدد صحيح
اذن ص+11ع=عدد صحيح موجب =أ/9
اذن أ تقبل القسمة على 9 بدون باقى
طيب فى خاصية ظريفة لاى عدد يقبل القسمة على 9
وهى يجب ان يكون يكون مجموع ارقام العدد =9 او مضاعفاتها 18,27 ........
مثلا 81 مجموع ارقامها =9 , 279 مجموع ارقامها = 18

طيب نرجع للغز ونطبق عليه كل الى وصلنا له
صاحبى هيختار عدد وليكن 653 و يجمع ارقامه 6+5+3=14
وبعدين يطرح المجموع من العدد 653-14= 639
وبعدين يحذف رقم رقم وليكن 3 ويقولى الرقمين الباقيين 69
انا هاجمع الرقمين 6+9=15 واختبر المجموع لو كان اصغر من 9
اطرحه من 9 والناتج هيكون الرقم الثالث
لو اكبر من 9 (زى مثالنا) اطرحه من 18 والناتج هيكون الرقم الثالث
18-15=3
شغلنا كله على 9,18 بس حيث اننا فى حدود 3 ارقام
بس فى ملاحظتين على اللغز
اولا:يجب ان يكون العدد الاصلى اللى يختاره صاحبى اكبر من 110
عشان العدد الاخير اللى هيطلع معاه يكون ثلاث ارقام
ثانياوده الاهم) لو الرقمين اللى قالهم لى صاحبى كان مجموعهم =9
هطرح المجموع من 9 ولا 18 (ياريت استاذ محسن يفيدنا في النقطة دى لانى مش لاقي لها حل)
أخيرا الف شكر لاستاذ محسن
والسلام عليكم

وعليكم السلام ورحمة الله وبركاته

بارك الله فيك أستاذنا abosrhan وأكثر من أمثالك فبمثلك تتقدم الأمم وتزدهر الحضارات

أستاذ كبييييييييييييييييييييييييييير جداً
حل رائع يدل على أستاذ رائع
بالنسبة للملحوظة الأولى فهى صحيحة

أما الملحوظة الثانية فمن الممكن طرح المجموع من 9 أو من 18 أى أنّ الحل سيكون فى هذه الحالة صفر أو 9

ومرة أخرى أشكر حضرتك على مشاركاتك المبدعة الرائعة