ايه رائيك فى جوز الغربان اللى هناك دول

[الدويدار الصغير]

بسم الله الرحمن الرحيم

مره كان فى حبيبين قاعدين مع بعض وهما

حسنيه وجعيدى على شط الترعه

اصلهم عقبال عندك بيحبو بعض بقالهم 6 سنين وحب المفروض ينتهى بالنهايه الطبيعيه بالجواز طبعا

قعدت حسنيه بتقوله

* بقولك ايه يا جعيدى

*نعم قولى يابت عايزه ايه

* ايه رائيك فى جوز الغربنا اللى هناك دول

* الله مالهم يابت هما ليهم شكل اساسا هما سود

* اه مش شايفهم على شجره مع بعض

* قالها وانا اعملهم ايه يعنى اصطادهم يعنى ولا ايه

* قالتله ايه رائيك فى صوتهم

* قالها غربان هيبقى صوتهم عامل ازاى هوا انا هتوه عنه

* قالتله منفساكش ياض تبقى زيهم كده

* اتحشمى يابت انتى هتهللى ولا ايه غراب ايه اللى هبقى زيه ده

* ايه هوا انا غلطت انا بسالك سؤال

* بت انتى اتحشمى لحسن ارميكى فى الترعه دى وامشى

* قالتله طب ايه رائيك فى الخرفان اللى هناك دى

* اهيه عماله تماءماء من اول اليوم وعملينلى وجع دماغ منه لله ابويا

* ايه رائيك فى اولادهم

* يعنى هيكون ايه رائى يعنى ؟ خرفان صغيره هيكون ايه يعنى

* منفسكش تبقى زيهم ؟؟؟

* جرى ايه يا بت انتى عماله تغلطى وانا ساكتلك خروف ايه اللى هبقى زيه

اقولك حاجه يا بت انا هغور واسيبلك الترعه كلها

* قالتله لا استنى

* استنى ايه تانى ؟ لما تخلينى طور

* هههههههههه متعقل يا واد

* ايه يابت عايزه ايه

* مش ناوى تروح تكلم ابويا

* اه طبعا طبعا ربنا يسهل

* ربنا يسهل ان شاء الله بس مش ناوى تتنيل على عينك

* ما قولتلك ربنا يسهل هتوجعى دماغى ليه

طبعا راح سايبها وماشى من غير اى جمله مفيده



القصه دى كلها مش تهييس منى ولا حاجه بس كل القصه

ان الانسان لازم يختصر ويجيب من الاخر

اه ربنا يسهل فى كل وقت ويارب يسهل على طول

بس فى الاول والاخر الانسان لما ينوى على حاجه لازم يعملها

مش ناوى يبقى يختصر ويقول مش هعمل لان الكلام المعلق ده مالوش لازمه

وده مش فى قصه حب وجواز بس

لا ده المفروض يبقى فى اى حاجه سواء الحياه العمليه او العائليه او غيره

كلمه اخير

كن صريح تكسب رضى الاخرين حتى لو لا تفعل ما يريدون

ولا تماطل حتى لا يمل منك الن اس