ملتقى طلاب صيدلة الاسكندرية

[Dr.ahmed91]

بناء على طلب د/روني

عشان تعرفي بس اني مش بطنش ولا حاجة (مع اني كنت مطنش....بس سماح المرة دي)

المهم ندخل في موضوعنا......مبدأ الشك لهايزنبرج......

في الاول.. بور عمل نظريته الشهيرة وطلع بفروض كتيييير كان من بينها انه ممكن نحدد مكان الالكترون وسرعته مع بعض بكل دقة ويقين في نفس الوقت..يعني الالكترون اللي في المكان الفلاني ده بيدور بسرعة كذا

طبعا هايزنبرج معجبوش الكلام ده عشان وهو قاعد في معمل الفيزياء مكنش عارف يشتغل ويطلعها صح؟؟
المهم هايزنبرج قعد يفكر ويدرس ويعمل تجارب وابحاث وطبعا دي حاجات معقدة اساسها حاجة اسمها المصفوفات (MATRIX) في رياضة 2

بعده كده طلع بنتيجة انه مستحيل اننا نحدد مكان وسرعة الالكترون مع بعض..مش حيبقى الكلام دقيق وفيه نسبة كبيرة من الخطأ..بس انا ممكن اطلع واحدة شبه مؤكده وواحدة تقريبية

طب ايه يا هايزنبرج اللي خلاك تقول كده؟؟ قال اصل احنا لما جينا نصور الالكترون عشان نعرف مكان الاكترونات طلعت من الالات اشعة X وفوتونات ضوء خلت الالكترونات تكتسب طاقة وتغير سرعتها

يعني انا ساعتها عرفت مكان الاترون بس عشان اعرفها غيرت سرعة الالكترون ومعرفتش احسبهم مع بعض

طب ايه المطلوب منك تعرفيه؟؟ في الحتة دي ومش اكتر من كده

تعرفي تعريف النظرية...تحفظي القانون..تعرفي كل حاجة في القانون ايه؟؟ وتعرفي تحل المثال اللي عليها....بس كده مش اكتر
..والقانون جاي من مصفوفة طبعا
مش علينا ولا نعرفها

وممكن تدخلي هنا حتلاقي كام سطر حلوين قوي.....

http://ar.wikipedia.org/wiki/%D9%85%D8%A8%D8%AF%D8%A3_%D8%B9%D8%AF%D9%85_%D8%A7 %D9%84%D9%8A%D9%82%D9%8A%D9%86


بالنسبة لشرودنجر........

قدر من خلال كل اللي عمله بلانك و هايزنبرج وبور انه بطرق حسابية معقدة جدااااااا
يوصل لمعادلة (اللي في المذكرة)...حستفاد بيها ايه؟؟؟ حطبقها على الالكترون وهو بيتحرك في الذرة
واجيب منها مستويات الطاقة المسموح بيها( يعني اللي بيتحرك بينها الالكترون في السحابة) واحدد كمان الاماكن
اللي حيزيد فيها احتمال اني الاقي الالكترون ( الاوربيتالات)

طب لما حل المعادلة ايه اللي حصل؟؟؟ طلعله 3 ارقام؟؟؟؟؟؟؟

اللي هما اعداد الكم الرئيسي والثانوي والمغناطيسي ... بحسابات خاصة برضه مش علينا

المهم برضه عشان ألخص.......... تعرفي ايه هنا؟؟؟

تحفظي المعادلة....وتعرفي كل حاجة في المعادلة بتعبر عن ايه؟؟
مفيش مسائل عليها....تكوني بتعرفي تحسبي اعداد الكم N M L وتعرفي كل واحد منهم بيديكي ايه

يعني N ده لما يبقى 1 يعني ايه؟؟ وكده

اللي انا عايزك تعرفيه ان الجزء ده الناس قعدت عمرها كله تدرس فيه واحنا ما علينا الا قشيرات ضئيلة

يعني نعرف اللي علينا دلوقتي وخلاص

وحاجة كمان برضه..ابدأي ذاكري شابتر 6.....لأنه اهم شابتر حاليا
واكتر من نص الامتحان بيجي فيه