البيوت أسرار .. بطل يا عم بلاش تنكش في المستخبي .. خلي الطابق مستور

[اوركيديا]

المشاركة الأصلية كتبت بواسطة نجم المشاعر

ابني دخل من يومين البيت يغني حاجة كده بيقولوا عليه أغنيه تقريباً كانت اسمها (كعبو كعبو) .. ودار بين وبين ابني الحوار التالي :
أنا: يوسف ايه اللي بتقوله دا؟
يوسف : كعبو كعبو
أنا : سمعتها منين يا يوسف؟
يوسف : صاحبي في الحضانة كان بيغنيها والمس كانت بتصقفله وكلنا قعدنا نغني معاه يا بابا.
أنا : بس يا يوسف الكلام دا عيب ميصحش نقوله عمرك سمعت في البيت هنا الكلام دا؟
يوسف : يا بابا مش انت قولتلي اسمع كلام المس ! وبعدين المس ماقلتش لصحبي ولا لينا إن الكلام دا عيب ..
أنا : بس أنا بقولك معنتش تقول الكلام دا لأنه مش أي حاجة نسمعها نرددها يا يوسف .. لازم نعرف إذا كان الكلام دا صح ولا غلط
يوسف : يعني أسمع كلام المس ولا ما أسمعش كلامها ..؟
أنا :
وهنا توقفت عن الرد .. والآن ممكن حد منكم يضع نفسه مكاني ويرد على ابني .. يا ريت حد يرد لأني بجد محتاج أتعلم أرد على كلام يوسف ابني ازاي .. يلا أنا مستني..

طويب
دلوقتى هو الموضوع ده المشكله فيه تعدت مشكله فرد ممكن نحلها
فى ان حضرتك مثلا تكلم الميس او حاجه
المشكله حاليا مشكله مجتمع
اتعود على اسلوب الحياه و الكلام ده
فحاليا الواحد بيعتمد على الوازع الذاتى فى التفريق
يعنى الرسول صلى الله عليه وسلم قال
لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا فلا تظلموا

يعنى المفروض حضرتك تعرف يوسف ايه الصح و ايه الغلط
و ليه كعبو كعبو دى
تستحق


بس انا لفت نظرى حاجه تانيه
يعنى هما كانوا بيغنوا الاغنيه الجميله دى
ممكن يكون عند ابن حضرتك حب للاغانى
بس لما فكر فى كده مش لقى قدامه غير كعبو كعبو
فبالتالى صعب ان حضرتك تخليه يسيب النوعيه دى
بس لو ادتله حل تانى
ممكن يبدع فيه بجد
الانسان مش المفروض يعدى الحاجات اللى الاطفال بيتعلقوا بيها
عشان غالبا بتكون نابعه من حب للحاجه
بس بيعملوا اللى قدامهم
غنى معاه جدو على اى حاجه تخلى عنده ذوق عالى

او احسن
اديله عصفوران عاشقان و هو حينسى كعبو كعبو دى خالص
حتى لو كان فى حضانه


يلا كفايه كده طولت
فى رعايه الله