ملتقى طلاب صيدلة الاسكندرية

[طـفـلـة الامـس]

اول الهدف من التجربة دى هو عنوانها يعنى حضرتك المفروض تعين التوتر السطحى لسائل باستخدام الانبوبة الشعرية

فى بداية التجربة بيوضح ان السوائل مش بتكون فى نفس المستوى يعنى بتلاحظ انها منخفضة فى منتصف السطح او مقعرة بمعنى اصح وده بسبب التوتر السطحى للسائل

واما السائل بيكون موضوع فى انبوبة بيكون فى حالة اتزان وذلك تحت تاثير قوتين القوة الاولى بتاعة التوتر السطحى ودى بتعمل بزاوية والشكل المرسوم هايوضحلك مكانها بالضبط وبتاثر لفوق والتانية وزن السائل وبياثر لتحت .

كده عندك قوتين متساويتين فهما اللى بيخلوا السائل فى حالة اتزان هتساوى القانونين ببعض وتقدر تحسب التوتر السطحى للسائل

طيب بعد كده بقى خطوات التجربة

هاتجيب البيكر زى الموضح فى الرسم وتحط فيه كمية من السائل اللى عايز تعين التوتر السطحى له

بعد كده هاتتاكد ان الانبوبة الشعرية خالية تماما من اى حاجة جافة تماما وبعد كده هاتثبت الانبوبة بحيث تكون عمودية ونهايتها السفلى مغموسة فى السائل

وباستخدام الانبوبة المطاطية هاتسحب الهوا من الانبوبة فها تلاحظ ارتفاع عمود السائل جوا الانبوبة وبعدين هاتسحب الh بداية من مستوى السائل فى الانبوبة الشعرية لحد بداية مستوى السائل فى البيكر

اخر خطوة بقى هاتحسب التوتر السطحى للسائل من المعادلة اللى طلعتها فى الاول وعندك عجلة الجاذبية قيمتها 9.8 وكثافة السائل وبس هاتعين بقى التوتر السطحى وخلاص

لو فيه حاجة مش واضحة ممكن تقول