عروبتي ........ الى متي؟؟؟؟؟

[أحمـدنجـم]

افتقدناك في الفترة السابقة يا أختي الكريمة (سندريلا العراق) نرجو أن تكوني في أتم صحة وأحسن حال وأن يوفقك الله عز وجل في شهادتك الثانوية وتحصلين بإذن الله العلي القدير على أعلى الدرجات وتلتحقين بما تحلمين به من كليات ..

كلماتك التي قرأتها كلمات فاقت كل وصف يمكن أن يصفها .. وكل تعليق يمكن أن يعلق عليها .. فهي نبض أديبة أعتقد أنها لم تجد مشقة في الاتيان بالمعنى واللفظ المناسب للعاطفة التي تجتاحها ..

أختي الكريمة .. (إني مغلوب فانتصر) .. دعاء كريم في كتاب كريم من نبي كريم لرب كريم .. أختاه .. أتدركين معنى قولي .. ؟

لكي يتحقق الدعاء يجب أن يكون الداعي من المستجيبين لله المؤمنين بالله يجب أن يكون العبد من المتقين والتقوى كما علمنا (الخوف من الجليل والعمل بالتنزيل والرضا بالقليل والاستعداد ليوم الرحيل)

قال الحق سبحانه وتعالى : "ولو أن أهل القرى آمنوا واتقوا لفتحنا عليهم بركات"
"وإذا سألك عبادي عني فإني قريب أجيب دعوة الداعي إذا دعاني فليستجيبوا لي وليؤمنوا بي لعلهم يرشدون"

(إني مغلوب فانتصر) (أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب) ...

أختي الكريمة كلماتك رائعة .. واصفة دقيقة .. ولكن اسمحي لي أن أعلق عليها بمشاركة لأختنا (مشتاقة لرضا الله) كانت قد كتبتها في القسم العام بعنوان (دعوة للجهاد .. لنصرة فلسطين) .. وأعتقد .. أنها خير تعليق على كلامك الرائع ..

السلام عليكم ورحمة الله وبركاته

الموضوع باين من عنوانه

بس انا مش هتكلم كلام فاضى ونقعد نعيط على حالنا وخلاص

انا هقول لكل شاب وشابة مسلمين حاجات نقدر بيها اننا نجاهد وربنا يحتسبنا من المجاهدين فعلا واحنا فى مكاننا ووسط اهلنا

كل واحد بيشرب سجاير يجاهد نفسه ويبطلها ويقول فى سبيل الله هحرم نفسى من متعة السجاير

كل بنت مش متحجبة وعايزة تفرح بشبابها وبالميك اب وبلبسها وتخرج مع الشباب وتعيش حياتها تقول لنفسها انا هجاهد وهبطل كل ده

الموظف اللى بيروح شغله الصبح عشان يقضى مصالح الناس لكن مابيقضيش مصالح حد ولا حاجة ده بيزل الناس اللى قدامه ويعطل مصالحهم بقوله جاهد نفسك وحارب كل شئ وحش جواك

الطالب اللى نازل الامتحان ومعتمد على انه هيغش وينجح ويعدى وخلاص بقوله جاهد نفسك لو كنت عايز فلسطين تتحرر

عمر ما الناس اللى هتحرر فلسطين هيكونوا بينجحوا بالغش

الشاب اللى مش بيصحى يصلى الفجر جاهد نفسك وقول ده جهاد فى سبيل الله

اقطع لذة النوم وقوم فى السقعة واتوضا وانزل صلى فى الجامع

وبقول الفجر بالذات لانه اكتر صلاة تقيلة على الانسان وكلنا عارفين كده لكن لازم نجاهد

البنات والولاد اللى بيسمعوا اغانى ليل نهار وعايشين حياتهم بالطول والعرض بقولهم جاهدوا

جاهدوا الشيطان اللى سكن قلبكم وده جهاد كبير جدا

الرسول نفسه يا جماعة لما رجع من الغزوة قال رجعنا من الجهاد الاصغر الى الجهاد الاكبر

الصحابة استغربوا لانهم راجعين من حرب وضرب وموت يعنى كل واحد فيهم جاى الغزوة وبيجاهد فى سبيل الله وبايع روحه ودمه لله سبحانه وتعالى

فسئلوا الرسول وماهو الجهاد الاكبر

فقال (صلى الله عليه وسلم ) جهاد النفس

جهاد النفس ياجماعة هو السلاح اللى فى ايدينا دلوقتى

يعنى نتخيل كده لو مصر بقت زى ماكلنا بنتمناها

يعنى تلاقى كل البنات ماشيين محترمات وملتزمات بتعاليم الله ورسوله

وتلاقى الشباب المسلم كلهم قلبهم معلق بالمساجد وبيحافظوا على اداء الصلوات فى الجماعة وخصوصا صلاة الفجر

وتلاقى الموظفين بيشتغلوا بضمير وبيقضوا مصالح الناس كويس من غير ذل ولا بهدلة

وتلاقى مفيش حاجة اسمها غش ولا وسطة ولا رشوة ولا كل ده

ساعتها بالله عليكم مش هنبقى فعلا نستاهل ان ربنا يجعلنا سبب فى تحرير القدس مسرى النبى عليه افضل الصلاة والسلام ولا ايه؟

انما طول ماحنا فى الحال ده وكل واحد مايهموش غير نفسه وانه يجيب فلوس ويحصل على منصب معين وخلاص صدقونى عمر ماربنا هيستخدمنا عشان نحرر الاقصى الاسير

لاننا مانستهلش الشرف ده

لازم كل واحد يجهز نفسه ويربى نفسه على انه يبقى ليه دور فى تحرير المسجد الاقصى وده مش هيكون الا بجهاد النفس

انا بقول الكلام ده لنفسى قبل ماقوله لاى حد وكل واحد فينا عنده عيوب وغلطات كتير جدا وذنوب تسود وشه يوم القيامة

فياريت لو عايزين نساعد اخواتنا الفلسطينين نجاهد نفسنا لحد مانبقى اهل لتحرير القدس

يعنى من الاخر عايز تحرر فلسطين يبقى تحرر نفسك الأول من كل شئ يغضب ربنا