شكوى للادارة

[الاستاذ محمد سرور]

السلام عليكم ورحمة الله وبركاته

بداية انتم كلكم اخوات ومش دى المشكلة اللى تزعلكم من بعض
ولا رأى مين اللى يمشى ولا كرامة مين اللى نحافظ عليها

كلكم ماشاء محترمين وكرامتكم واحدة يعنى مفيش حد ليه كرامة مستقلة عن التانى لان كلكم اخوات وكلكم بتمثلوا ادارة المنتدى

تعالوا معايا نحل الموضوع بهدوء وبشكل عملى وبراحة خطوة خطوة

اولا : الموضوع نفسه رائع وفيه كلام مفيد لكل الناس حد ينكر دة او مختلف معايا
ثانيا : فى كام واحد محتاج يقرأ الموضوع دة ويعدل بعض سلوكياته على النت ....كتير صح
ثالثا : هو الموضوع بينجح لانه موضوع كويس ولا الردود عليه هى اللى بتنجحه او هى اللى بتوقعه
انا شايف ان الموضوع نفسه هو المقياس بغض النظر عن الردود
رابعا : لمصلحة مين يتم حذف موضوع زى دة ... لمصلحة الشيطان اللى مش عايز يخلى حد يشوف موضوعه زى دة ويراجع نفسه فى تصرافته على النت .... وهو نفسه الشيطان اللى خلى اسلوب الكلام على هذا الموضوع بهذه الصورة ... وهو نفس الشيطان اللى خلى كل واحد ياخذ الموضوع على انه مسألة كرامة بغض النظر عن مصلحة الاخرين ومنفعتهم فى رؤية مثل هذا الموضوع الذى قد يكون سبب فى هداية بعض الافراد

هو نفس الشيطان اللى كلنا ح نحرق دمه مع بعض الان ونثبت الموضوع فى القسم العام وغلقه وحذف جميع الردود منه ليظل الموضوع رسالة الى كل زائر للموقع ونأخذ الاجر عندما يقرأ احد هذا الموضوع ويعمل به ومش محتاجين رده على الموضوع بس محتاجين انه يعمل بالنصائح اللى فى الموضوع


يا ترى مين ح يسبق ويحذف الردود من الموضوع ويغلق الموضوع ويثبته فى القسم العام ويلحق يحرق دم الشيطان وياخذ اجر عظيم فى كل مرة واحد يقرأ الموضوع

ولا ايه رأيك نسيب اختكم همس تاخذ الخير دة وتعمله هى

اترككم فى رعاية الله