زوجة واحدة لا تكفى ..,,

[nanes]

المشاركة الأصلية كتبت بواسطة sharp nails

السلام عليكم
وعليكم السلام ياختي
ازيكوا ياجماعه يارب الكل بخير ان شاء الله
الحمد لله بخير .. انجزي وادخلي ف الموضوع
النهاردة الموضوع عجيب حبتين
شوفو البت لسه هتقول عجيب وغريب
ندخل فالموضوع
اخيرا .. ارغي يا ست الاموره

طبعا كلنا ملاحظين عدد البنات المهول الى فى كل حتة
فالشارع بنات فالمدرسة بنات فالجامعة بنات فالتلفزيون بنات
اها ملاحظين .. خير هو مطلوب القبض عليهم ...
...............................................

المهم انا جيت فى بالى كدة وقولت اشوف كدة السيكشن بتاعى
فيه كام بنت وكام ولد
_وياريتنى ما شوفت_
لقيت 60 بنت واربع ولاد

طب والحل
البنات دية كلها هتتجوز امتى وازاى ؟؟!!!

بت يا نسمه ... يخربيت اللي دخلك كلية .. حضرتك رايحه تشوفي سكشن ِ(نِ) طبيعي جدا تلاقي نسبة الولاد قليله جدااا ..نادر .. نصار .. نصر ..ِأخرهم كده يعني
لكن روحي شوفي كمية الولاد في حرف ِ(مِ) ولا ِ(أِ)..
هفضل افهم فيكي لحد امتا
واكيد دة سبب كبير فى العنوسة
ان البنات تقريبا ضعف الولاد ويمكن اكتر

طب نتكلم عن الشاب الاول
يجى ياعينى الشاب من دول يخلص الثانوى وفرح بمجموع حلو
دخله كلية طب _وياريته ما دخل _خد عندك
7 سنين دراسة اخد شهادة التخرج وفرح
يلاقى نفسه 3 سنين جيش يخرج مالجيش
لسة بيقول صباح الخير يامصر
وهو عنده كام سنة 27 دة اذا اخد الكلية صافى السنة بسنتها

وكذلك نفس المعاناة شباب صيدلة وهندسة
لكن بتوع تجارة واداب والذى منه يمكن هما وخدين من الطيب نصيب

المهم يعنى دول الشباب ياعينى حالهم مايل
لا معاهم يعيشوا نفسم ولا معاهم يفتحوا بيت
معاهم ربنا ..

طب انا جيت بصيت كدة عالنماذج الى حوليا
لقيت من 37 لحد قولوا 50 سنة كدة
ماشاء الله ميسورى الحال وبدل العربية اتنين
وعنده شركة او مكتب او عيادة او غيره
وماشاء الله يعنى ربنا فاتح عليهم وخلاص وقفوا على رجليهم
وكونوا نفسهم حلو اوى

فبقول لوحدة صحبتى
اية المانع لما الراجل من دول يتجوز بدل الواحدة اتنين او تلاتة ؟؟!!
_ياريتنى ما قولت برضه_كانت هتحدفنى تحت عربية
ومحدفتكيش ليه نفسي افهم ... ولا غلاسه والسلام
هى شايفة ومقتنعة ان مش من حق الراجل يتجوز طالما الست الى متجوزها مفهاش عيب ...
قولتلها طب ما ربنا محلل اربعة للراجل ومش لازم هو يتجوز
عشان الاولانيه فيها حاجة
اية المانع لما هو مقتدر انه يتجوز البنات دية
وان الراجل بيقدر انه يحب اكتر من واحدة فى وقت واحد
بس هى كان ردها عنيف اوى
قالتلى انا لو اتحطيت فالموقف دة
وجوزى اتجوز عليا هقتله واقتلها

هو ده الكلام ... احب الدم الحامي ... انما تقوليلي ايه المانع ومش مانع

بس ان من وجهة نظرى ان دة من حق الراجل وان ربنا محلل كدة
ولو بصينا عليها من الجانب الدنيوى
هنلاقى ان كل زوجة هتحرص انها تكون احسن واحدة فالتانين
وهتحرص انها تريحه اكتر من الباقى
وبكدة الكل هيكون مرتاح

يا راجل .. يعني انتي شايفة ان ده حل مناسب .. خلاص بدام انتي فدائية اوي كده اما ربنا يكرمك ابقي خلي جوزك يتجوز عليكي تلاته ...

انا مش شايفة اي مانع من الموانع

يبقى البسي نضارة يا فالحه

انتوا اية رأيكوا

لو كنتى بنت
تقبلى تكونى زوجة تانية او تالتة او رابعة
لألألألألألألألألألأ
او تكونى زوجة اولى وجوزك يتجوز عليكى
هتكونى راضية ولا لا؟؟
لألألألألأ
مع ذكر السبب طبعا

بصي يا نيسو .. انا زي الفريك محبش شريك .. انتي متخيله الموضوع بسيط جدا ومش في حاجه وانها واحد زائد واحد يساوي اتنين .. لا يا حببتي لا يمكن تتحسب بالمنطق ده .. وبعدين الراجل اما بيتجوز اتنين وتلاته مش بيبقى قصده يساهم ف الحد من العنوسة ولا حاجه .. ده بتبقى دناوة مش اكتر (ِ عارفه يعني ايه ولا ِ) فراغة عين يعني
وبعدين خدي بالك ربنا بيقول ..ولن تعدلوا .. يعني خلي تعدد الزوجات للحالات اللي تستاهل .... بيتهيقلي احسن للوحده انها تفضل مش متجوزة من المرمطه وزوجه تانيه
وعلى ايه ده كلو .. يعني اللي اتجوزوا اخدوا ايه ..

لو كنت شاب قول رأيك فالموضوع وربنا معاك

شكرا يا نسوم على طرح الموضوع ..هو موضوع مختلف وكويس .. مع اني مختلفه معاكي نهائي وتماما .... بس اقولك وحشتيني يا بت