نشرة اخبار المنتدي

[Lost Dreamer]

بسم الله الرحمن الرحيم

اسعد الله صباحكم اعضاء منتدانا الكرام

طبعا مشرفتنا الاداريه همس امبارح

اعلنت اننا فتحنا خدمة البريد وهي بصراحه اعلنتها بعد ما قولتلها

بساعتين وشكلها هتروح من النشره بدري بدري

طبعا العضو sai لما صدق اننا فتحنا خدمة البريد وراح ملبسنا في اربع اسئله

انما ايه (عجبي)

وده بيدل علي كبته الفضولي وشغفه لفك شفرة ( اسباب اداريه )

ومع اني محذر همس انها متستقبلش او ترد علي اي اسئله

من غير فلوس وده سبب

تاني تخليها تروح برضه بدري بدري

هتوحشينا يا همس

تحذير بسيط كده

ممنوع تلقي اي رساله بريد من قبل المشرفه الاداريه همس

بدون دفع الرسوم التاليه

0.1 ضريبه ملاهي 0.4 رسوم تنميه

وخمسه جنيه تمن الرساله

عشاان انا بجري ورا كوم مراسلين في المحطه

وممكن يروحوني بدل همس لو الفلوس مندفعتش

وكان اول بريد معانا بيسال فيه العضو sai هو :

هو اول سوال ابتداه برخامه بس عادي

1-هو ليه الأسطورة رجع عضو تاني"المشكلة يعني "

2-نفس السؤال عن أحمد رضا

بص انا هقولك حاجه (طبعا انا حذفة كلمة حضرتك الي كانت همس كاتباها عشان للاسف مدفعش الفلوس) نفسي كل الاعضاء تعرفها

استاذ اشرف في حاجات مش بيقولنا عليها .. يمكن ماشي بمبدأ المساواة ... عشان كدا تلاقي في اسئلة احنا مش قادرين نجاوب عليها ومش عارفين نقولكم ايه فيها .. بالتالي الاعضاء او بعض الاعضاء متهمة الادارة انها مش كويسة وفي بالهم اننا عاملين زي اشرف ومش عاوزين نقول وخلاص .. ومش قادرة اعرف مين وصلهم الاحساس دا لحد دلوقتي .. للأسف هقولك مش عارفة ولا حد فينا يعرف

و"من قال لا اعلم فقد افتى "

انا اذود حته بقي من نفسي واظن انا رئيس القناه : طبعا انا مسبتش الموضوع

يعدي بالساهل رحت عامل حوار مع الاسطوره وكان كلاتي

( طبعا الاسطوره بعد ما ساب الاشراف الاداري راح اشتغل تبع جيش الرومان والمعروف ان الاسطوره مبيبقاش ليها زمن معين والله يسامح الي خلاني ارجع بالعصر لورا ( او المغرب مش فاكر) عشان بصراحه انا اخدته من وسط الحرب )

المذيع : السلام عليكم .....ازيك يا اسطوره

الاسطوره : انا تمام والحمد لله بس انا كمان خمس دقايق هسئلك انت كويس ولا لا

عشان لو خسرنا هخلي رجالتي ططحنك

المذيع : احم ..احم هحاول بس اوعي تعمل فيا كده المهم انت تعرف ايه هيا الاسباب الي خلتك تترفع من الاشراف الاداري في عصر الالفيه الثاله عشان متلخبطش

الاسطوره : للاسف والله العظيم معرفش لغاية دلوقتي ايه هيا الاسباب

المذيع : متحلفش يا راجل مصدقينك هو انت شويه بصراحه معنديش اسئله تاني تحب تقول ايه للاداره

الاسطوره : عاوز بس اسلم علي حبيبي اشرف

المذيع :اوعدك انه هيوصل بس متسالنيش انت كويس ولا لا عشان مش عاوز اموت .

طبعا مردش عليا ومشي بالموكب وكالعاده سابوني برضه لايص وسط المعركه

وشكلها هتبقي ظاهره وده ميلقش برئيس قناه زي

لازم نعين حد يختص بالحكايه دي

وكده يا اعضاء منتدانا العزيز

جبنالكوا الاجابه من فم الاسد

لتبقي الاجابه مدفونه مع لغز غرق عبارة السلام

السؤال الثاني

3-بالنسبة للمجموعات الإجتماعية أنا عارف إن أشرف قال أسباب إدارية بس إيه الأسباب دي أنتوا قلتوا إن مفيش أسباب إدارية بعد كدة

مين قال مش في اسباب ادارية .. تقدر تقول اسباب اشرفية والله اعلم

بس انا كل الي اقدر اقوله المجموعات دي عاملة انقسام في المنتدى

بالتالي عدمها كان احسن

وانا شايفة اننا نتجاوز الحتة دي .. طالما كلنا مع بعض هنا وهو دا الشئ الي احنا عاوزين نوصل ليه .. اننا نكون كلنا مع بعض .. خلاص يبقى مش في داعي نزعل عشان المجموعات الاجتماعية .. ونتجاوز الموضوع دا ..

وفي حاجات كنت عايز أسئلها لأشرف أو مشرفة الأقسام الإسلامية

مش بردو المواضيع تبع السنة

لو الموضوع فيه موسيقي يبقي مخالف ولا لأ

واخر سؤال برضه ختمه برخامه

لا ده انت قاصد بقي

طبعا انا مش فاهم سؤالك ولا انا ولا همس

ياريت توضيح

وانا شكلي هستعين بصديق ليا رئيس قناه برضه عقبال متفهمنا سؤالك

شكر خاص جدا للعضو sai علش مشاركته معانا

وشكر خاص جدا جدا بجد للعضوه همس علي الاجابه للاسئله

وانتظرونا مع الفقرهالجايه وبعنوان

يحكي ان :

وده نص للتعريف بيها

منتدى بولوتيكا .. أكيد هيبقى فيه كتير حكاوي .. للناوي .. واللي غاوي .. واللي قاعد ع الكراسي .. واللي فاكر .. عاملي ناسي .. واللي جاي وواجعلي راسي .. واللي عدا .. واللي هدا .. واللي شد وداني شده . . بس ناصر .. صحيح محاور .. او مناور .. مش مشاكس .. أو معاكس .. او سفاقص .. لا دا طيب .. قلبه طيب .. كل الحكاية .. هيجيب حكاية .. من البداية للنهاية .. كلها انتيكا .. من منتدى بولوتيكا ... سلااااااااااااااااااام

جميع الحقوق محفوظه لشنؤة المنتدي @2009

كان معكم محمد ناصر من من داخل معركة الرومان وللاسف مش عارف اطلع

ادعوليييي


(((( بث تجريبي ))))