لست عذراء هل تتزوجنى ؟؟؟

[مستر أحمد حمدى]

المشاركة الأصلية كتبت بواسطة ra2of

انا هوافق بجد علشان كل ابن أدم خطاء و خير الخطائين التوابين
يعني لو هي تابت بجد وانسانة محترمة و ممكن اكون حبيتها و بعد كده عرفت كيده
انا هوافق و انا
بقي الحوار ده في موضوع زيوا مضايقني اوي
يعني مثلا لو بنت قضت فترة كيده طيش و عمليت حاجات كتير غلط .. لما بتيجي تنصلح و تتوب مجتمعنا مبيقبلهاش ولا ولاد ولا بنات بيقولوا مش ديه ال كانت ............. مشش ديه العمليت ...................
و مبيسمحهاش في حين أن لو ولد مثلا عمل حاجات كتير غلط و لنفرض شرب مخدرات و بطل ياااااااه ده احنا بنعميلوا فرح
و بنفرح بيه و كده
بجد بجد احنا لازم نغير نظرتنا في بعض الحاجات و العادات ديه .

بس اكيد لو اتزوجتم وشفتها بتتكلم فى التليفون بصوت منخفض حتشك فيها ولو لقيتها خرجت بدون اذنك حتشك فيها وحتفتكر اللى عملته

[ymymym]

المشاركة الأصلية كتبت بواسطة ahmedhamdi88888888

بس اكيد لو اتزوجتم وشفتها بتتكلم فى التليفون بصوت منخفض حتشك فيها ولو لقيتها خرجت بدون اذنك حتشك فيها وحتفتكر اللى عملته

هو انا مش فاهمه في ايه بالظبط ؟
انا قلت رايي قبل كده بس يا استاذ احمد اللورد بيقولك لو هي تابت هل انت هتتجوزها يعني لو هي فعلا محترمه تابت يعني مفيش مفر يعني بمعني اصح بيقولك زيها زي اي بنت محترمه بس الفرق انها غلطت الغلطه دي هتعمل ايه هل هتتجوزها ولا لأ اما بقي حكايه انها بتتكلم في التليفون بصوت واطي وتخرج من غير اذنك ليه الشك يدخل قلبك يعني ؟
بجد مش عارفه اعتبرها واحده عاديه وهي فعلا بتبقي عاديه بس هي عملت غلط زي مثلا ما واحد فوت فرض من صلاته زي ما واحد مثلا بص علي بنت بصه وحشه غلط غلطه زي ما واحد كلم بنت في التليفون كل شويه وعلي الايمل ليه ده نغفر له يعني ؟
غلطه زيها زي غيرها بس الناس بتاخدها علي انها عاوزه الحرق وعاوزه الحرق مش مره واحده بس لأ عاوزه الحرق لغايه ما تموت لأ طبعا في حاجه اسمها الرأفه الرحمه
الستر
اه منكرش ان الغلطه دي عقوبتها شديده بس زي ما قلتلك نرحم نستر مش معني ان واحد ميوافقش عليها يبقي هو انسان سيء لأ بس اللي ياخدها يبقي احسن منه

والصراحه اي واحد لو بعد الشر جت في طريقه بنت زي دي وكان عاوز يتجوزها يسال عنها كويس محترمه وبنت ناس وتستحمل العيشه وكويسه خلاص ليه لأ واتغاضي عن اللي هي عملته لعل في يوم من الايام الشخص ده هيحتاج ان واحد يستر عليه او يرحمه ساعتها معتقدش انه هيلاقي بجد
غير كده حطوا في بالكم برضه اختكم لو حصلها كده هتعمل ايه
هتتبري منها مثلا لأ طبعا
طب لو بنتك هترميها في الشارع مش عارفه ده رايي
وارجو اني مكونش متعصبه او تحسوا اني بتكلم بعصبيه بس انا حطيت بنتي في بعد الشر عليها في موقف زي ده هعمل ايه ؟
او جوزي هيتمني ايه ؟
بس سلام