جمهورية بورسعيد المستقلة والكادر

[ledo2005]

بسم الله الرحمن الرحيم
يبدو أننا هنا فى محافظة بورسعيد وكأننا نتبع جمهورية أخرى أو دولة أخرى . فعلى الرغم من أن بعض المحافظات قامت بالصرف للمرحلة الثانية الكادر مثل كفر الشيخ والقاهرة.
فالإدارات التعليمية عندنا فى بورسعيد هى ودن من طين وودن من عجين. والإجابة الدائمة لم يصل لنا أى تعليمات بالصرف.
حتى سكرتير الصرف بالمدرسة قام اليوم بتحرير استمارة مرتب شهر فبراير بدون أى كادر ولا يحزنون.
فالتحية جمهورية بورسعيد العربية الحرة المستقلة

[EhabIsmail]

انا بشكرك علي الموضوع وفعلا احنا في جمهوريه لوحدها والدليل علي ذلك ان المرتب بتاعنا او المكافأة بتاعت الامتحانات اقل من اي محافظه في الجمهورية وذلك لان نقابتنا العزيزة بتلهط من المرتب والمكافأة الي تقدر تلهطه
ومحدش بيسأل فينا
حسبي الله ونعم الوكيل في المديرية والنقابة الي كلها نصابيين وحراميه

[sayedsayeh]

اية حكاية الهط هو علشان الملهاط فى النقابة(التكية) ولا علشان الالفى حالف ليبيعنا العظم والجلد ( بياع جلود)ولا اقول اية

شعب إذا صفعت وجوهه بالنعال اشتكت النعال بأى زنب تصفع

[ابو بسملة]

ايه الحلاوة دى ياسادة

[haifree]

الكارثة الاكبر من كل دا ان الالفي قاعد على المكتب وبيصدر اقتراحات انه في حالة صرف الكادر لابد ان المدرسين يتبرعوا بمبلغ محترم لاهل غزة بفلسطين واحنا طبعا مع الفلسطينيين لكن مش مع الالفي اللى بيحب نظام الاوامر وسياسة الامر الواقع لان اعتقد التبرع حرية شخصية وليس فيه الزام لاى انسان .

[mohsenhalem]

الوزارة بتتعامل مع بورسعيد على أن المعلمين فيها تجار ومش محتاجين حاجة بدليل تحويل نصيب بورسعيد من كمنترول الثانوية العامة بالقاهرة إلى المنصورة وبذلك لم يعد لمعلمين بورسعيد أى نصيب فى المراقبة والتصحيح وكأن معلميها أغنياء مش محتاجين وكطفاية الدقهلية تأخذ كل المراقبة والتصحيح - هذا جزء من الكثير

[hashem60]

لكم الله يامعلمي بور سعيد

[hgooo]

فلتحيا جمهورية بورسعيد الحرة المستقلة ونقابتها الحرة الآبية هههههههه ( ولك الله يا أبو العربى )