جداول المحاضرات (جامعة القاهرة) "الترم الثانى" 2008 / 2009

[vampire1188]

ميرسي اوووووووووووي يافامبير عامجهود الجامد اوووووووووي دة بس كالعادة انا مش عارفه ايه اخبار الدكاترة بتوعي مجموعه و

ربنا يخليكي يا دودو ..

بالنسبة لسؤالك انا ماكدبش عليكي .. اللي درسلي في كل الدكاترة اللي هايدوكوا الترم دا هوا واحد بس

دكتورة نوال قاسم .. وهيا دكتورة كويسة وانا عن نفسي جايب معاها 18 والحمدلله ..

بس انتي هاتتلاقيها متسلطة ورغاية وماتحبش حد يسألها ..

ولو حد بعتلها ورقة فيها سؤال لازم تعرف مين اللي باعتها

وبالرغم من انها رغاية وبتكتب كتير جداااا .. بس لو ركزتي في شرحها هاتتلاقيه كويس

انا عن نفسي ماكدبش عليكي ماكنتش بحضرلها بانتظام .. يعني تخاطيف كدا .

محاضرة ممكن احضرها واللي بعدها لأ ..

بس عشان تطمني الدكتورة في الاخر خااااااالص قبل مابتخلص المنهج بمحاضرة بتدي ورقة فيها اسئلة

60% من الاسئلة دي بييجي منها فى الامتحان .. واي حاجة تقول عليها مهمة في المحاضرة ركزي عليها اوي

اما بالنسبة لباقي الدكاترة فانا ماعرفش فيهم غير دكتورة هالة الخولي ودي اسمع انها كويسة .. غير انها كمان مديرة مركز البحوث اللي في ضهر مدرج العيوطي .. وفيه دكتور كامل عمران برده اسمع انه كويس

وكان فيه برده شوية تعليقات من بعض الاعضاء هنا على الدكاترة دول .. >>

بالنسبة لسؤالك عند الدكاترة
شركات اشخاص هالة الخولي
د هالة ادتنى محاسبة الترم الاول فى تانية صراحة شرحها حلو ومنتظمة بتجى المحاضرات بس بتيجى متاخرة بس امتحانها ماكنش حلو بالمرة

اكونت ا سامه زكي
الدكتور ده شرحه تحفة ورجل تحس انه محترم كدا سمعت انه من سنتين بس جه يدرس لانه كان فى اميركا

بزنس احمد فهمي
شرحه حلو بس بيخرج عن موضوع الشرح كتير وبيربط الاحداث بالشرح وماتعرفش تفصل ايه الل فى المنهج وايه اللى براه

ودا تعليق عضو تاني برده >>

احمد فهمى شرحه جامد جدا وامتحانه كان حلو
واسامة زكى كمان كان بيدينى السنة اللى فاتت والسنة دى هو شرحه كويس برضه بس ماكانش هو اللى بيحط الامتحان عندى وهو فعلا كان مسافر ياطمطومة ولسه جاى من سنتين بس قبل ما يسافر كان بيدرس هنا شوية برضه وبعدين سافر قعد اربع سنين كده باين

فيه بقى سؤالك عن موضوع ان دكتورين يدرسوا مادة واحده .. هوا الموضوع دا صراحة بيبقي رخم وغتت

بس العملية بتمشي عادي وهتتعودي على كدا ..