قوانين الموقع تتنفذ على ((صوت الحق)) قبل اى حد .. هذه جملة لاستاذ عصام نفسه

[مسيو وليد عسكر]

معلش يا استاذ محمد انا ليا سؤال واحد.....
ليه اسلوب التوريه ؟
ماتقول اسماء ولا ده مايصحش وعيب....
قول للاعور انت اعور في عينه وبلاش نلف وندور..لان الصراحه والشجاعه افضل السبل لحل اي مشكله بنواجهها
اولا:عاوزين نتفق علي مبدا...كل قسم في المنتدي له من يقوم عليه دي نقطه ولازم تكون واضحه تماما..
انا مثلا بدخل في الاهداءات وبلاقي عك وكلام فارغ بلاقي المشرف موجود بخرج رغم اني اقدر انقل واشيل بس عارف ان فيه مسئول وهو موجود بالفعل في قسمه.... وماينفعش اتجاوزه مهما حصل في وجوده...
متفقين علي المبدا طبعا...
حضرتك بتقول اننا بنتجاوز واننا عارضنا اختنا هند في اداء عملها.....
كلام جميل....
هي الاخت هند يامستر محمد ليها تتدخل في التعليمي في وجود مشرفي القسم ولا ايه ؟
حضرتك مدرس رياضيات...وعارف ان مابني علي خطا فهو خطا...
لانه من نفس المنطلق تدخل القسم عندك الاخت هند وهي برضه عندها فكره عن الرياضيات.....لانها في كليه الهندسه وتشيل وتحط براحتها في القسم وحضرتك مشرف ومنور القسم وهي متجاهله وجودك لانها مشرفه اداريه ...ماهو حقها ودورها في الاشراف علي كلامك... وهي بتشتغل واحنا اعدين تنابله....
انت بتقول ان الموضوع مكانه مش الكادر ...صح واقر واعترف وايصم يالعشره.علي ده ...بس ياريت ماتعملش زي اللي بيطبق مبدا ولا تقربوا الصلاه ويسكت....ياريت الاول تعرف ليه عاوزين نسيب الموضوع يومين في الكادر...
لاننا بنخلق جوه مدرسي المنتدي روح جديده ياسيد محمد....عوزينهم يخرجوا من حيز النت ويدخلوا اطار جديد ...نتعرف ببعض ونقوي بعض ويكون لينا في كل محافظه وفي كل مدرسه مندوب للبوابه ..اذن الغرض نبيل والهدف سامي...بنستفيد من كثافه الاعضاء يا سيد محمد....ومش بنعك ولا بنهرتل في الكلام ....عارفين دورنا كويس اوي اوي والا....مكنش الاستاذ اشرف والاستاذ محمود القالع والاستاذ جمال المشرف نفسه وصاحب الموضوع كتبوا كلمه واحده. وكان ممكن ببساطه يوصوا بنقل الموضوع ..مش كده ولا ايه؟
هنروح بعيد ليه....
عندك اربع موضوعات مثبته مالهمش دعوه بالكادر اطلاقا ...
واحد ليا في حوار مع الاستاذ سعيد مدني وده مثبت بامر من الاستاذ عصام مدير المنتدي والثاني موضوع للاستاذ عصام نفسه موضوعه لقاء مع وكيل وزاره القليوبيه لحل مشاكل المعلمين والاخرين للاستاذ جمال لتنشيط قسم الوسائل التعليميه.....
اشمعني بقي جت علي الموضوع ده والحميه اشتغلت والكل شايف شغله في النقل ؟
وبعدين تعالي هنا....
عملنا اجتماع الرابطه ولم تحضر ..واجتماع بنها التعليمي ولم تحضر .. واجتماع القناطر وطالبت بانه يكون التاسعه صباحا وكالعاده لم تحضر ....وطلبنا منك تجهيز بنك الاسئله ومارديتش ولا اظهرت اي تعاون.....نقول ايه بقي في ده كله ....
يا استاذ محمد...انا بعد علي المنتدي يالعشر ساعت مش علشان اتخانق مع الناس
لا....علشان عاوز اشتغل..ومش بسافر بنها والقاهره علشان اتفسح ...برضه لا...احنا بنبني صرح جديد ومحتاجين ناس عندها حب للمنتدي وخايفه عليه... وبالمناسبه الاخت هند ارسلت لها علي الخاص وفهمتها علي الايميل وجهه نظري واقتنعت بفضل الله..ومش محتاجين بقي اللي يولع ويشعلل بدل مايهدي..
عاوزين نشتغل بجد ونعمل شيء نفخر بيه في المنتدي.....وياريت من فضلك الكلام يكون له اساس والرد مبني علي وقائع انما الكلام المرسل مالهاش مكان معانا ...ودمتم في رعايه الله...