نصدق مين ولا مين ولا مين ولا مين

[ممدوح مصطفى الانصارى]

بصراحة انا باصدق وزير المالية
تحياتى اخى السندباد

[السندباد المصري]

وانا كمان وكمان

[أبو رحمه]

مدرستي كانت تابعة للجيزة ثم اصبحت تابعة ل 6 اكتوبر لمدة تيرم واحد فقط ثم عادت مرة اخرى تابعة للجيزة من 14-2-2009 وادرة بولاق الدكرور التي نتبعها الآن صرفت الكادر ماعدا مدرستنا والمسئولين بالادارة يقولون اننا لسنا مسئولين عن الشهور السابقة فما حل هذه المشكلة

[الاستاذ/توفيق عزت عبدالعزيز]

ادارة فاقوس الشرقية
للآن لا حس و لا خبر
و اذا سألت اى حد فى الادارة ...اى حد ......... يقولك ....... ما خبرش
حسبى الله و نعم الوكيل

[السندباد المصري]

طيب ايه الحل
علي العموم
امتحانات نهاية العام علي الأبواب
وكما تعودنا كل شئ سوف يتم قبل الأمتحان خوفا من الاضراب وتعطيل الأمتحانات
لا تقلقوا

[سيف سالم]

المشاركة الأصلية كتبت بواسطة السندباد المصري

طيب ايه الحل
علي العموم
امتحانات نهاية العام علي الأبواب
وكما تعودنا كل شئ سوف يتم قبل الأمتحان خوفا من الاضراب وتعطيلالأمتحانات
لا تقلقوا

اتحدي ان يصرح المعلمون باضراب حتى على سبيل الهزار
اعلم ويعلم الجميع ان المعلم...............................

[هدى مجدى]

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى