صاحبى هو صاحبى!!!!!!!!!!

[Rien]

ف اخر ابتدائى
كان ليا جروب حلو اوى وكنا بنحب بعض اوى
وقولنا مش هاننسى بعض ولازم ندخل مدرسة واحدة وبتاع
جيت انا روحت مدرسة ف اعدادى بقيت فيها لوحدى
مش معايا حد من الجروب ده غير واحدة ومابقيناش زى الاول
وخلاص كدة خلصت
ده كان الجزء بتاع الطفولة

ف اعدادى بقى
برضو ف سنة تالتة
كنت مشتركة ف نشاط ف المكتبة
وكان جروب المكتبة ده اصحاب اوى برضو
وعايزين نفضل مع بعض على طول
وبمجرد ما السنة انتهت
الصحوبية انتهت
غالبا انا اللى فقر وكل مادخل مدرسة الاقى نفسى لوحدى
ماطلعش معايا ف ثانوى غير بنت واحدة وماكانتش تبع الجروب ده خالص
بس احنا كنا اصحاب .. مش جامدين اوى بس اصحاب
وهى دلوقتى اكتر انسانة باثق فيها ف الدنيا
وحاليا انا ف مرحلة الجروب بتاع ثانوى
واللى كلنا برضو عايزين ندخل نفس الكلية
ويمكن ده الهدف اللى جمعنا من الاول مش عايزين الكلية عشان نفضل اصحاب
والله اعلم باللى هايحصل
بس اللى واثقة منه
ان اكتر جروب مش هاعرف انساه
بتاع ثانوى
---
حاجة كمان
الصحاب ف كل مرحلة بيكونوا كتير
وبيتغيروا
بس الصديق اللى بتعتبره نفسك
بيكون واحد ومعاك ف كل مرحلة
شكرا يا احمد عالموضوع