أحب مصر ؟ على ايه

[جمال سراج]

المشاركة الأصلية كتبت بواسطة alfares3000

عمرى ما سمعتها من أحد قالها بصدق ولكن لا يستطيع احد ان ينكر اننا نتعرض لازمات ومشاكل ومصاعب واذا زعلنا نزعل من اشخاص من مؤسسات من هيئات لكن من مصر لالالالالا واوعوا المشاكل تخلينا نزعل من مصر ساعتها يفرح فينا عدونا بتحقيق هدفه اوعوا الازمات تنسينا فضل مصر علينا خلوا الازمات تقوينا توحدنا تربطنا برابطة واحدة رابطة معلمى مصر شمالها وجنوبها شرقها وغربها خلوا الحاجة الى المال دافع لنا كيف نساعد بعض انا مش غريب عليكم انا معلم مثلكم ومش اكتر منكم وطنية ولكن خايف المشاكل اللى حولينا تخلينا نقول أحب مصر ؟ على ايه ولكن قول مصر هاتفضل غاليه على.... وبحبك يامصر وانت كمان قول بحبك يامصر

بارك الله فيك
اكيد كلنا بنحب مصر
ومصر فوق الجميع
لانها بلدنا ولها فضل علينا كلنا
مصر- الامن والامان - مصر الخير
مصر السلام
مصر الناس الطيبين
مصر الاصالة والعراقة والتاريخ
احنا بنحب مصر عشان دينا بيعلمنا كدا - مش بنحبها كلام وخلاص او انشودة نتغنى بها منظرة ومباهاه
الرسول صلى الله عليه وسلم عندما خرج من مكة مهاجرا خاطب مكة ( موطنه) قائلا
" والله إنك لأحب البلاد الى نفسى ، ولو ان اهلك اخرجونى منها ما خرجت ابدا" او كما قال صلى الله عليه وسلم
احنا بنحب مصر بمشاكلها وهمومها واحزانها وافراحها
احنا بنحب مصر بكل وفى كل الاحوال
احنا بنحب مصر بكل رموزها وشخصياتها وبنحترمهم وبنقدرهم باى حال رغم انف الحاقدون مش عشان حاجة ولكن لان المفروض نكون كدا
احنا بنحب مصر بكل ناسها واماكنها وشوارعها وحواريها وعششها وقصورها وفيلاتها( ايه يعنى ما الاختلاف دا طبيعة الدنيا كلها) هو حد يملك لنفسه شىء - دا ربنا هو المنعم ليه نحقد ونحسد - ربنا يرضينا جميعا
يا سادة اعلموا ان الله لا يغير ما بقوم حتى يغيروا ما بانفسهم
يعنى لازم تشتغل وتتعب وتشوف شغلك بضمير وباتقان عشان ربنا يباركلك ويكرمك
بلاش شعارات فارغة وجععجعة كدابة
خلينا واقعيين وعمليين وتوكل على الله
ولكن مع هذا بلدنا صاحبة النعم والفضل علينا بعد الله تعالى
يا سادة فيه مثل انجليزى حلو قوى اسمحولى
Love me - Love my dog
من احبنى احب كلبى معى
يعنى اللى بيحب حد يحبه بعيوبة ومميزاته
مش لما نكون بخير منفتكرش وقت الشدة ولما نكون فى شدة منفتكرش وقت الرخاء

بلادى بلادى لكى حبلى وفؤادى


قالوا اليس الحسن فى كل الدنا *** فعلام لم تختر سواها موطنا
فأجبتهم إنى أحب الأحسنا *** أبدا وأحسن ما رأيت بلادى

شكرا لموضوعك المميز
دمت والجميع بكل خير
وتحيا مصر
رغم أنف الحاقدين
وهنفضل نحب بلدنا فى كل وقت وفى اى وضع وباى وضع ان شاء الله