|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#16
18-04-2009, 06:11 PM
|
||||
|
||||
والله يا خلوووود انت دمك خفيف جدا
اما عن رايى فى الموضوع فهو رغم انه برنامج فكاهى ولكنه فعلا يجسد الواقع تحياتى
__________________
الثورة مستمرة |
|
#17
18-04-2009, 07:20 PM
|
||||
|
||||
|
اقتباس:
ياعمي أنا لسه صغنتت بعيد عنك
يعني في إعدادي وما أدراك ما إعدادي أصعب سنة في أصعب هندسة هندسة المنصورة و لو عايز أي مساعده قولي و أنا سداد (و لا أعرفك) 
__________________
Mahmoud Wafaay
Control - Engineer Mansoura university  |
|
#18
18-04-2009, 09:27 PM
|
||||
|
||||
|
ههههههههه جميل الموضوع يا خالد  بص صراحة كده انا مبؤمنش بالحب خالص و مش بعترف بيه و لو جالى الحب ف يوم من الايام . . هرفضه  نرجع للموضوع بالنسبة للبرامج دى بجد بتشلنى اوى زى جيم تيم واسامة منير واللى بيتصلوا بيه بقى واييييييييييه شلل ببقى خلاص اخر مرة قفلت الموب (الراديو) وقلت والله ما انا سامعاك انت والمايصة اللى بتكلمك دى  المشكلة ان كلوا بيضحك ع كلوا سواء شباب او بنات عالم فاضية بعيد عنك اقتباس:
اووووو فينك ياللى ف بالى . . كلوا بيتسجل وهيتنشر اقتباس:
اقتباس:
هههههههههه وف الاخر مات البطل والبطلة والمخرج والمؤلف والملحن و المتفرجون قريبا ان شاء الله  شكرا ع الموضوع مرة تانية . . استمر 
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
آخر تعديل بواسطة Travel ، 18-04-2009 الساعة 09:32 PM |
|
#20
18-04-2009, 10:33 PM
|
||||
|
||||
|
اقتباس:
هههههههههه أنا مرضتش أقول رايى من الاول علشان عارف انه ممكن يزعل ناس كتير بص يا بومبو ( بتاعتك دى يا خالد ) انا شايف انه مفيش حاجة اسمها حب الحب ده مجرد احساس جميل الانسان بعيش نفسه فيه ويأقلم نفسه على ايه يعنى حاله تعود مش أكتر أما حب الافلام والروايات الرومانسية ما أعتقدش انه موجود فى الحقيقة مش هقولك أنا صلب اوى زى ما ظاهر فى كلامى كده انا كلاسيكى جدا ولو شفت مشهد مؤثر فى فليم أو حتى مسلسل او حتى قريته فى رواية بقعد اعيط وحوارت من دى بس ده شئ وفكرتى عن الحب شئ أخر واللى بيحصل حوالينا ده مش حب دى حالة نقص بيجسدها اناس مراهقين يا عمى ده العيل فى ابتدائى واعدادى النهارده بيقولك انا بحب هههههههههه انا بستغرب أوى الناس دى اللى بتحب وهى أصلا مش اد الحب الحب يعنى ارتباط طب ازاى احب واحدة وانا متأكد انى عمرها ما هرتبط بيها فى يوم من الايام والله العظيم يا خالد كل أصحابى سواء شباب او بنات لما بسألهم ان كانوا متاكدين انهم هيتجوزوفى يوم من الايام كلهم بيقولوا نتمنى بس مصيرنا مش فى ايدينا وكلهم شبه متاكدين ان العلاقات دى مش هتستمر خصوصا الشباب معظم الشباب هذه أحبها وهذه اتزوجها فيه كتير من الشباب يقولك ازاى اتجوز واحدة انا مشيت معها قبل كده وبستغرب أكتر لما اشوف حالة خطوبة مثلا واتفسخت مع انهم المفروض بهدلوا الدنيا غرام ولو فيه حب مكنش اتفصلوا ابدا صحيح ممكن الانسان يتعب فى الاول بس بعدها بينسى وممكن يعيش فصة حب تانية وده دليل انه مفيش حب أصلا الموضوع كبير والكلام كتير وأنا لو تكلمت اكتر من كده هبان ظالم وقاسى وانا محبش ده انا بالنسبة للبرنامج فأنا متابعه على فكرة وانا بحب اسامة والبرنامج كويس الى حد ما بس المشكلة اننا شعب هايف بجد والله احنا شعب هايف فاكرين ان الحاجات دى رومانسية مع انها مش كده خالص وللاسف الهطل بقا سمة من سمات الشعب كل ناس بتقلد بعضها حتى فى الهيافة وقلة الادب ههههههههههه مش بقولك هقول كلام صعب اسكت احسن |
|
#21
18-04-2009, 10:47 PM
|
||||
|
||||
|
اقتباس:
ايه الضحكه الصغيره اللى فوق دى
ايه الكروته دى طيب عليا البتنجان بالطماطم مانا معلق عليكى الا لما اسمع ضحكه كبيره |
|
#22
18-04-2009, 10:55 PM
|
||||
|
||||
|
اقتباس:
وشى جاب الوان وخدودى احمرت
 انا خفيف الدم ! (طيب مانا عارف )بهزر والله انا مش مغرور ولا حاجه هو فعلا موضوع فكاهى بس بيجسد الواقع بس برده معرفناش رايك فى الموضوع |
|
#23
18-04-2009, 11:04 PM
|
||||
|
||||
|
اقتباس:
لا مؤاخذه ثوانى بس عشان الموضوع دا هيضيع فيه رقاب
برنامج مين بالظبط اللى فيه حاجات تافهه كتير البرنامج بتاعى انا والمشمش وهواك ولا برنامج الزميل اسامه سمير(قال ايه مش عارف اسمه يعنى ) انا والنجوم وهواكانا بجد معاكى والله على قد ما حاجات تافهه فى حاجات كويسه بس اكيد التافه اكتر بكتير |
|
#24
18-04-2009, 11:15 PM
|
||||
|
||||
|
اقتباس:
حبيب قلبى يا بومبو
ياعم بومبو دى اللى قالها احمد حلمى اينعم انا بحبها بس لو عايز تقولها هنا بدالى مش هنخسر بعض والله (بس هات 20 جنيه )المهم انا عارف دمى تقيل بس لو انا غبى استحملنى المهم يا مان اولا انت قولت مفيش حاجه اسمها حب وبعد كدا رحت جاى معرف الحب طيب ازاى ؟ تانى حاجه مهمه جدا الحب دا شجره وليها فروع كتير يا مان يعنى فى حب ماما وحب بابا وحب الوطن وحب الله (زى ما قال حاحا) المهم انت كل كلامك على حب الولد والبنت يبقى كان لازم تحدد بص يا مان كلامك اللى جاى كله هلخصه فى عباره واحده بس (محدش بيختار انه يحب ولا لا ) شكرا يا عندليب ع المرور الجميل دا |
|
#25
19-04-2009, 12:03 AM
|
||||
|
||||
|
كلام جميل اوي .. ابدعت في توصيل الفكرة بالطريقه الكوميديه ديه اللي تخلي الواحد من كتر الضحك مايعرفش يرد عالموضوع
من وجهة نظري ان اللي بيحصل النهارده بين الولاد والبنات ده كل لعب عيال وكلام فاضي وزي ماقلتوا انهم بيكونوا عارفين ان كل واحد هيروح لحاله بعد كده (مغفليييييييين ) وده اعتقد ان الفراغ العاطفي اللي المفروض يكون مش موجود الاسرة (نمبر ون) هي المسوؤله عنه .. وشكرا عالموضوع الاكتر من رائع |
|
#26
19-04-2009, 02:45 AM
|
||||
|
||||
|
ها ها ها ها
هاموت من كتر الضحك انا مش عارفه ليه انتوا مضطهدين البرنامج ده اولا احنا لو هانسمع الحكايات مش هانخلص احنا ليه مش نبص على ان ممكن القصص دى حتى لو كانت غير حقيقيق احنا ممكن نتعلم منها بردو لاننا مش ضامنين ممكن نقع فى موقف زى ده ولا لاء اجى بقا لنقطه تانيه اولا انا مش بحب اسمع البرنامج ده ليه اسمعه من الاول اوفر عى نفسى حرقه الدم ومش اسمعه اساسا ولا هو مش يعجبكوا اى حاجه خالص  اما بقا للبرنامج اللى زي جيم تيم وما يشابها فهى برامج تافهه اوى وملهاش لازم خالص ومش عارفه معموله ليه اصلا اما لبرنامج اسامه منير فنا متابعه البرنامج ده علطول لانى شيفاه ممكن استفيد منه نفسى مره اعرف انى مش بحب حاجه مش اتفرج عليها بس خلصت المساله ولا وجع دماغ
__________________
 |
|
#27
19-04-2009, 04:48 AM
|
||||
|
||||
|
هههههههههههههههه جميل اوي الموضوع ده معلش تزعلش مني يعني اصل انا رخمة من ناحية الكوميديا الي ف الموضوع هو كوميدي كوميدي ماشاء الله اقتباس:
هنا حضرتك بتتكلم عن الاستهبال ف الحب من ناحية يمسك ايديها واقفلي انتي الاول واكلام ده اعتقد ان كل واحد بيعبر عن اللي حاسس بي بالطريقة اللي تعجبه ومش من حقنا اننا نقول ع تصرف احد اللي بيتصرفه ده حاسس انه صح نتريق عليه لان ده بيعبر عن مشاعره ده بعيدا عن رأيي ف الحب ثانيا لو بتتكلم ع جيم تيم ده اساسا حاجة للاستعباط ومش عملو حب ده غير ف ايام الفانتين يعني مش له لازمة الكلام عليه ولو بتتكلم عن اسامه منير فد راجل مع نفسه وله معجبينه وربنا يصلح للجميع احال ده غير ان محمود طه اتكلم عليه قبل كده ف موضوع وزي ماقولنا كتير الي مش عاجبه ميسمعهوش انا مش بسمعه عشان م عاجبني لا تقولو بدافع عنه ولا حاجة  بس شكرا ع اموضوع وده مجرد رأي فمش تزعل مني عشان المواضيع اللي من انوع ده كترت اوي ف المنتدى االفتره الاخيرة وعاوزة اعرف رأيك ف القضية العصرية المهمة اللي اسمها الاستهبال ف الحب عشان انت مش قولت رأيك
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله  |
|
#28
19-04-2009, 06:52 AM
|
||||
|
||||
|
اقتباس:
اقتباس:
االابداع لك انت فى مرورك الجميل دا والحمد لله ان الموضوع عجبك وضحكت معانا
بص يا بومبو انا عايز اوضحلك حاجه صغيره بس صدقنى هما مش عارفين ان النهايه هتكون الفراق هما هتلاقيهم اكتر حاجه بيقولوها اوعى تسبنى ونتى اوعى تسبينى عشان هما فى الفتره دى بيحبوا بعض زى ما هما فاهمين وحاسين ومش هقدر برده اقولك ان النهايه لازم تكون الفراق لان كل حاجه فى ايد ربنا بس انا فى الاول وفى الاخر معاك ان الحب دا فراغ عاطفى مسؤله عنه الاسره نمبر ون زى ما قلت شكرا لمرورك يا مان فى رعايه الله |
|
#29
19-04-2009, 07:06 AM
|
||||
|
||||
|
اقتباس:
راى بناء ولازم احترمه وزعلان والله انك اتضايقتى من الموضوع
كان نفسى تضحكى معاانا  بصى يا ستى انا مره واحده سمعت البرنامج دا فى ناس صحابى قالولى حلو وبتاع وكدا فقولت اسمعه يعنى بجد ومن وجهه نظرى حاسس انه برنامج تافه انتى عارفه انا سئلت صحابى بيسمعوه ليه عشان يسمعوا البنات وهما بيتكلموا من تحت البطانيه واللى بباها يدخل عليها يعنى بجد قله ادب لو هما شايفين اللى بيعملوه دا صح كانوا هيتكلموا عادى ثانيا حته استفاد من اللى بيتقال دا فدا صعب جدا لان الموقف اللى هما فيه اكيد مش هيبقى نفس الموقف اللى نا فيه دى نقطه النقطه التانيه ودى الاهم المشاكل العاطفيه ومشاكل الحب دى المفروض تتحل بين الطرفين بس ومفيش اى حد يدخل بينهم والنقطه دى لو مش اتحققت بتبقى سبب مشاكل كتير اوى بين الطرفين امممممممممممممم بالنسبه بقى للبرنامج جيم تيم واتصل 0900 والكلام الفاضى دا دا هبل لاشك برده من وجهه نظرى يارب اكون وضحتلك قصدى ويارب ما اكون سبب انك تضايقى تانى شكرا لمرورك فى رعايه الله |
|
#30
19-04-2009, 07:16 AM
|
||||
|
||||
|
اقتباس:
هههههههههههههههههههههههه
لا والله مش رخمه ولا حاجه خالص والله بصى ياستى انا بتكلم هنا تقريبا عن الحب المثالى شويه وانا فى وجهه نظرى ان الحب المثالى مش هيبقى فيه لمس ايد والكلام دا (مع انى مش بعمل بالكلام دا )المهم كل واحد حر طبعا فى التعبير عن مشاعره ومحدش يقدر يتريق عليه ومش دا اللى انا اقصده والله بس عشان انا شايف ان الحب مش بكدا فاكيد عايز انقد الحاجات دى بس مش اكتر والله وبعدين كدا انتى دخلتى الكوميديا فى المضوع ودا اللى كنت خايف منه امممممممم انا مقصدش برنامج تيم بذاته بس طبعا دا واحد منهم فى برامج هابله كتير اوى زى دى يعنى فى برنامج تقولى فيه اسمك واسم حبيبك ويطلعلك نسبه الحب اللى بينكم طيب والنبى دا كلام اذا كان هى مش عارفه هو بيحبها ولا لاشكرا لمرورك الجميل دا وان شاء الله انتظرى ردى (دا عشان خاطرك وهبقى اول مره اعملها وارد على موضوع انا عامله) بس اكيد مش هعمل كدا لوجه الله يعنى طلعى اى فكه معاكى تقبلى هزارى وشكرا لمرورك ى رعايه الله |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 09:39 PM.
