العمل في سن صغير .. مؤيد ام معارض

[**تسابيح**]

نقول الأول انك كنت مختفيه فين كدا ؟؟ دا انتي اللي وحشتينا اكثر يابنتي احنا
مش
عندنا اأغلي منك

بصراحة في موضوع أنا مؤيدة وبره معارضة
فيه ورشه فيها اطفال كثير اووووووي
نصف الاطفال دا في الورشة بيشتغلوا وع الاهانه اللي بيأخذوا والضرب والشتايم
يعني بحس ان اصحاب الورشة دي بيتعملوا مع حيوانات مش بشر ليهم احساس ومشاعر
وغير انهم طول السنة ياعيني بيشتغلوا طول السنة
ازاي الاطفال دي تأخذ فرصتها في اللعب؟؟ تفتكري هينفعوا المجتمع لما تلاقي ولد بيشتغل وهو
عنده 7 سنين ؟؟ ولد عمره ما حس بأمان ولا حب ولا اي حاجة؟؟
اكيد طبعا المجتمع هيفسد عشان كدا انا معترضه ع دا
اما بالنسبة لسنة 16 انا موافقة انهم يشتغلوا وبالذات الاولاد لان يربيهم ع الشخصية القوية
والاعتماد ع النفس دول الناس اللي اول ما يتخرجوا من الكلية بيلاقوا شغل وغير انهم
بيبقي رجاله في شغلهم وفي حياتهم رغم المتاعب اللي هيعانه منها وفي الاخر بجد هينفعوا المجتمع
بس قبل كل حاجة لازم يكونوا هم ذات نفسهم مقتنعين بالشغل دا عشان يشتغلوا بذمة وضمير
انا ليه واحد قريب ع طول بيشتغل في الاجازة في (ورشة )مع انه معاه كليه قمه يعني هو اه لسه مخلص
بس بعد لما يخلص يعني وبعدين انا كنت بسأله ليه بيشتغل 00000 قال لي : كان اللي اتخرج والعربية اللي هجيبها
ان شاء الله تتعطل اقدر اصلحها عشان اقدر اعتمد ع نفسي ومش استني الوظيفة
بجد لازم الانسان يغير وجه نظره عن الشغل في الضغر دا
ع العموم موضوع متميز زي اللي كتبه اكيد
ميرسي ياكميل

[dr.zomba]

اهلا اهلا اهلا سنيوريتا رحمة كفاره

نخش بقي في الموضوع ونقسمه اجزاء

فكرة ان اللي بيشتغل وهو 15 او 16 فما فوق دا ظروفه وحشه دي فكره غلط جدا

انا ليا واحد صاحبي والده عنده مصنع ومشارك في مصنع تاني بسم الله ماشاء الله يعني ربنا يزيده ولاده الاتنين بيشتغلو معاه من وهما في 2 اعدادي مع انهم مش محتاجين خااااالص

وواحد صاحبي تاني والده شغال في الامارات وكل ما بينزل اجازه بيروح يشتغل مع واحد قريبهم
وللاسف انا مأخدتش الفرصه دي وانا اصغر من كدا والواحد فعلا يندم علي كدا لان الخبرات اللي الشباب بيخدوها من الشغل دي كلها خبرات رهيبه جدا ان كان اجتماعيا او في شغله

دا ميمنعش ان في ناس بتشتغل مضطره عشان ظروفها مش اوي يعني

والعيال الصغيره اللي بتشتغل في الورش مثلا والاسطي بتاعهم بيضربهم ويشتمهم العيال دي لما تكبر بتبقي رجاله متميزه لانهم شاربين صنعه من وهما صغيرين وياسلام لو يكملوا تعليمهم في المجال بتاعهم يعني لو عيل اشتغل صبي ميكانيكي وهو صغير ولما كبير دخل هندسة اكيد الواد دا هيبقي متميز جدا جدا

بس في فرق يا رحمة بين برا وهنا بالنسبه للشغل في السن الصغير

برا الشباب الصغير اللي بيشتغل بياخد مرتبه باليوم او بالساعه عشان كدا لو كان محتاج حاجه ومصروفه مش هيكفي بينزل يشتغل يومين تلاته اسبوع يجيب الفلوس اللي هو عايزها ويسيب الشغل بس بيشتغل اي حاجه يمسح اطباق يكنس وعمره مابيعتبرها عيب

انما تيجي هنا مثلا مرتبك بالشهر ولو اشتغلتي اسبوع وخلاص ممكن تاخدي فلوس او متاخديش علي حسب مزاجه بقي واحنا شباب مرفهه هيترفع طبعا علي انه يمسح اطباق او يمسح ويكنس

بصي هي مشكلة مجتمع مش الشباب فقط يعني بس الشباب عليهم الجزء الاكبر لانهم مش بيحاولوا او يدوا نفسهم فرصه للمحاوله

موضوع جميل موضوع ظريف موضوع لطيف

لا فعلا عوده حميده يا طنط رحمه

[nothing]

اولا يا ستى انتى وحشتينى جدا
فينك وفين مواضعيك الجامده كالعاده
اخش بقا فى الموضوع كفايه عليكى كده لحسن تتغرى
ولا موضوعك ده خطير جدا وبقت ظاهرة عمل الصغار منتشر بطريقه كبيره وخطيره فى نفس ذات الوقت(ايه الكلمه الغريبه دى)
ما علينا انا مع ان الشباب وبقول الشباب يشتغلوا فى سن صغيره يعنى نم اول 16 او 17 سنه علشان يقدر يتحمل المسئوليه ويقدر قيمه الفلوس اللى بيصرفها وبتربى عنده حته الاعتماد على النفس وبتدى دفعه ثقه جامده جدا
بس مش يجى طفل لسه عنده قيمه 8 او 7 سنين واروح اشغله اولا الطفل بيبقا لسه صغير يروح المدرسه يتعلملوا كلمتين ينفعوا ولا يروح يشتغل
وكمان الطفل فى السن الصغيره بيلقط اى كلام او افعال بسرعه كبيره جدا بعكس الطفل لما يكبر شويه ويدرك اللى بيعمله ده اذا كان خارج عن المألوف او لاء
وكمان الشغل مش يجى على حساب التعليم يعنى مثلا يشتغل فى اجازة الصيف وهاتبقى الفايده اللى عائده عليه بفايدتين منها هايكون مكسب مالى كويس وكمان هايكتسب خبرات شويه تساعده على فهم الحياه من حوله
معلشى اذا كنت طولت شويه بس الموضوع اكبر من اننا نشوفه ومش نرد عليه
وميرسى على الموضوع الجمي اوى ده لتانى مره يا براءه
وتقبلى مرورى