" قلة أدب " !!!

[أسيل رزق]

المشاركة الأصلية كتبت بواسطة مستر/جمال سراج

اسمحيلى حضرتك اعلق على الحته دى بدون زعل

ياريت نعرف ان الحرية ليست حرية مطلقة فيما يؤذى ويضر الآخرين - صحيح ربنا اللى هيحاسبنا
بس شايف ان الاغلبية طالما صح يبقى لازم الكل يتقبل الاغلبية مش العكس
يعنى مثلا واحد بيسرق اقوله متسرقش - يقولى انا حر - اقوله هتروح النار ربنا اللى هيحسبك - تبقى خلصت كدا
هتقولى دى حاجة واللبس القصير- الصاخب - الخارج مثلا حاجة تانية
اقولك من وجهة نظرى دى زى دى بل ربما اكثر لانه بيعمم الخطا ويؤدى بالمجتمع الى الانحلال والتسيب
يا اختى فيه صغيرين بيقلدوا وهما مش فاهميين
اكيد انتى مثقفة وعارفة ما يحدث ببلاد كتير بالغرب من حالات الزنا والفجور مثلا - اصله الانحلال الاخلاقى
مش بس كدا حالات الانفصال والطلاق وغيره ايضا بسبب كدا
هل نقدر نسمى دى حرية - هما بيسموها حرية
لكن فى تصورى واعتقادى الشخصى دا انحلال ونتيجة طبيعية للانحلال الاخلاقى الغير موجه والذى تم قبوله بدعوى الحرية والتقدم
الكلام كتير - والاراء جميلة والحوار زى العسل
ربنا يوفقك على أدبك واسلوبك الجميل والهادىء فى الحوار والنقاش
وربنا يهدينا كلنا ويوفقنا للخير

اليكى تحياتى

يعنى حضرتك شايف إننا نقول إن دى قلة أدب وبس؟؟
ولا المفروض نقيم عليها الحد علشان لابسة مينى جيب
تقريباً الرسول ماكنش بيجبر النساء على الدخول فى الاسلام ولا كان بيقولهم انتو مش محترمين لكن كان بيستخدم الدعوة الاسلامية و الموعظة الحسنة معاهم .. تقبلوها خير وبركة ماتقبلوهاش كان بيعمل إيه؟؟ بيضربهم ولا بيعلقلهم حبل المشنقة
طيب قول حضرتك إيه الحل لما مايتقبلوش النصحية ؟؟
نقول أه البنت دى قليلة الأدب و نسكت
هو ده الحل؟؟
ولا نقول هى حرة وربنا يهديها ؟؟ مهو مش معقول هنمنعها بالغضب !!
و آسفة على المُداخلة للمرة الرابعة