ايه اكتر حاجة بضيقك؟؟؟؟؟؟؟؟؟؟

[thequeenlove]

يااااااااااااااااااااه الحاجات اللى بتضايقنى كتير اوى
بس اقرب حاجه خليتنى متضايق جدا النهارده
وانا نازل الصبح رحت المكتبه وبعد كده وانا رايح الشركه ومعايا تصاميم كنت شغال فيها تقريبا تلات ايام متواصلين
بقمة البساطه وانا فى المترو واحد واقف جانبى وميشرب كنز والمترو فرمل مر ه واحده لقيت الكنز ده كله عندى فى الشنطه
وطبعا كل التصاميم باظت وبكل بساطه الباشا قام باصص لى وقلى سورى طيب لو كنتو مكانى كنتم هتعملو ايه واللى يغيظنى اكتر انى مسكت نفسى وقلتله ولا يهمك ومعرفش واله انا سكت ساعتها ازاى مع انى ..... احم كفايه كفايه
شكرا ليكى على الموضوع الجميل
وبليز اى حد داخل الموضوع يغنى بحبك وحشتينى

يا عينى عليك يا كابو
والله صعبان عليا موووووووت
معلش معلش

خيرها فى غيرها
بس كله منك
مانت لو كنت عملت التوقيع بتاعى مكنش حصل الى حصل
ههههههههههههههه
فرحانة فيك
وبعدين الى خلاك تشتغل 3 ايام
اشتغل غيرهم يا راجل
كله علشان مصر
( مش عاارفة ليه حاسة انى بكلم احمد عرابى )
ما علينا

انا اكتر حاجة بضايقنى انا اشوف حد بيكدب قدامى
او حد تانى يكون بارد ويكلمنى ببرود
( للعلم بالشئ انا باردة جداااا)

بس اكيد البرود ليه وقته بس مش فى كل الاحوال
وبضايق موت لما اشووف الى اسمه مهند دة

او اى بنت بتتكلم عنه لانى بصراحة بتخنق منه
انا مش عارفة على ايه بيقطعوا بعض علشانه

وهو الى فيه شكل وبس
اه وكمان حاجة
بضايق جداااااا لما حد بيشتم او بيتريق على كريستيانو رونالدو
ميرسى يا قمراية على الموضوع الجميل دة

[:: [ K A B B O W ] ::]

المشاركة الأصلية كتبت بواسطة thequeenlove

يا عينى عليك يا كابو
والله صعبان عليا موووووووت
معلش معلش

خيرها فى غيرها

حاسس انك فرحانه فيا والله

بس كله منك
مانت لو كنت عملت التوقيع بتاعى مكنش حصل الى حصل

بقى كده ماشى ماشى يالا من هنا مفيش تواقيع بقى وخلى التوقيع الحزين اللى انتى حاطاه ده ينفعك ممعملش تواقيع لناس حزينه

ههههههههههههههه
فرحانة فيك

والله كنت حاسس ماشى هيجيلك يوم يا كوين لا يوم ايه ده اسبوع كامل

وبعدين الى خلاك تشتغل 3 ايام
اشتغل غيرهم يا راجل

اه ما انتى مش عارفه التلات ايام دول ميطلع عينا فيهم ازاى . انت اخرك ماسكه العربيه بتاعتك دى وقاعده تلعبى خدى الشلين ده بقى وروحى هاتى مصاصه

كله علشان مصر
( مش عاارفة ليه حاسة انى بكلم احمد عرابى )

احمد عرابى .... احمد عرابى ..... احمد عرابى ...... مش ده اللى كان طالع مع انطونيو بندارس فى فيلمه الاخير اللى مش عارف اسمه لانى مش فاضى اتفرج
لا لا استنى انا كنت شفت اسمه عدى عليا كده فى كتاب التاريخ بس مقعدش كتير عدى عليا وشرب الشاى ومشى على طول

ما علينا

ام هند

انا اكتر حاجة بضايقنى انا اشوف حد بيكدب قدامى
او حد تانى يكون بارد ويكلمنى ببرود
( للعلم بالشئ انا باردة جداااا)

ايه البرود ده كله انتى دخله تلاجه ولا ايه

بس اكيد البرود ليه وقته بس مش فى كل الاحوال
وبضايق موت لما اشووف الى اسمه مهند دة

انا اظاهر يا ناس معتش عارف حاجه عن الدنيا مسمع الاسم ده كتير اوى وميقولوا انه كان فى مثلث .... احم قصدى مسلسل معلش بقه الشغل ليه تاثيره برده

او اى بنت بتتكلم عنه لانى بصراحة بتخنق منه
انا مش عارفة على ايه بيقطعوا بعض علشانه

وهو الى فيه شكل وبس
اه وكمان حاجة
بضايق جداااااا لما حد بيشتم او بيتريق على كريستيانو رونالدو

بجد بتضايقى لما حد يشتم فى كريستيانو
ده انا ممحبوش خالص .. قمة البرود ... يااااااه فى حد فى الدنيا بالرخامه دى ( كده تخلينى اشتم فى اكتر لعيب محبه مش مشكله كله يهون علشان ادايقك )

ميرسى يا قمراية على الموضوع الجميل دة

بليز غيرى توقيعك ده بقه
بلاش حزن بقه