إلحقونى ياجماعة أنا بقيت مدمن !!!!

[Observer]

المشاركة الأصلية كتبت بواسطة julius caesar

بصراحة ده مش طبيعى
عموما لو مقدرتش تمنع نفسك من دخول النت مع انك عايز ده
فيبقى ده مش طبيعى
صحيح كلنا بنحب السايت ده بس لو عطلنا عن مصالحنا اعتقد أول نصيحة كل الاعضاء هنا هيقولوها ابعد عن المنتدى

انا طبعا مش بقولك سيب المنتدى أنا بقولك بس حاول تظبط نفسك شوية يعنى مش لازم تبقى ليل ونهار أون لاين خصوصا احنا فى الاجازة والوقت تقريبا كله فاضى
عموما عالم النت عالم خطير وشرس لو مقدرتش تتعامل معاه كويس هتخسر كتير وللأسف بتكون انت الخسران لوحدك
حدد جدول لنفسك وتحدى نفسك انك تعمله
وأنا عن نفسى رغم انى فى اجزة دلوقتى
بس ليا ظروف معينة وعشان كده محدد لنفسى ساعة أو اقل كل يوم أقضيها هنا فى المنتدى وفى اغلب الأحيان بتكون بالليل

ومتخليش السايت يعطلك عن حاجة مهمة مثلا زى الصلاة مش تبقى قاعد مثلا وانت مصلتش العصر أو المغرب

لى فكرة مش انت لوحدك اللى كده فيه ناس كتير كده
وانا كنت كده برده
أنا السنة اللى فاتت وأنا فى تالتة ثانوى
قبل الامتحانات بشهور قليلة
كنت بقعد تقريبا عشر ساعات على النت متواصلة واغلب الوفت كان بيبقى فى السايت ده
بس بعد كده قدرت أتغلب على نفسى

الاول حدد هدفك وشوف انت عايز ايه من السايت
وبعدها ظبط نفسك وصدقنى هتقدر لو انت عايز

يوليوس قيصر كلامك أكثر من رائع

أشكرك على ردك ونصائحك الجميلة

وإن شاء الله هحاول أنفذها بجد

واتحكم فى ساعات الدخول على هذا المنتدى الرهيب

شكراً على مرورك ...