مكرر

[جمال سراج]

المشاركة الأصلية كتبت بواسطة ابلة هدى

استاذى الفاضل لا حرمنا الله من علمك

اليوم كنت أصحح بكنترول الزقازيق لقطاع الشرقية وحدث ما يحدث كل يوم وهذا هو اليوم الثالث ...

أتممنا التصحيح على الساعة 12 ظهرا وعلمنا أنه لا يوجد ورق للتصحيح هذا اليوم وبدأنا بالطبع نفكر مثل كل يوم ف الانصراف لكن هيهات والأبواب مغلقة وكالعادة بدأ بعض المدرسين الرجال فى تسلق الأسوار والنط من عليها

بينما الحال هكذا وقبل الساعة الثانية بعشرة دقائق فتح أحدهم الباب ومرر شخص وطبعا خرج معه من استطاع الخروج بينما تمضى الدقائق ثقيلة مملة بدون عمل وسط هذا الحر الخانق وطبعا سألنا " اشمعنى ده خرج؟؟؟؟؟؟؟" أجاب فاتح الباب " ده دكتور !!!" يعنى ايه دكتور مش موجود باللجنة ؟؟؟ يعنى لازم يستنى ميعادها؟؟؟؟ قالوا لاء ده تبع التأمين الصحى شغله للساعة اتنين وبس !!!!!!!!!!!!!!

بعدها بشوية فتح باب آخر وخرج من خرج ومعهم من استطاع الخروج حظا !!!!!! ونحن واقفون ؟؟؟ ومن هؤلاء؟؟؟ ناس من الكنترول !!!!! واتفضلوا يا أساتذة مافيش خروج !!!!

المهم ذهبت لصلاة الظهر بالمسجد اللى حالته تعبانة موكيت مقطع لا يكمل أرضية المسجد وسقف مهلهل لا يعلم به سوى الله تعالى لكن حسبنا الله ونعم الوكيل
المهم وجدت احدى الزميلات تعبانة جدا جدا لا تستطيع التقاط انفاسها وبعض الزميلات يحاولن اطعامها والتهوية بالاوراق عليها وحالتها صعبة شفاها الله وعافانا المهم عرضت المساعدة فطلبت لو اجيب الطبيب؟؟؟ طبعا انا عارفة ان الطبيب انصرف !!!!!
المهم ذهبت وبحثت عن اى مسئول وفين وفيييييييين اما وجدنا يعتبر نائب رئيس الكنترول المهم قلت له الطبيب انصرف من اكتر من ساعة والمدرسة هتموت مين يلحقها ؟؟؟ قالوا خلاص هو معاه رقم الدكتور وطبعا حضرته اتعصب وانتى مالك؟؟؟ واتفضلى احنا هنتصرف انا هاتصل عليه معايا رقمه؟؟؟؟؟؟؟؟؟ المهم قلت له ومن سمح له بانه يمشى من اكتر من ساعة كانت الساعة 3 الا عشرة تقريبا فاتنرفز وقال اتفضلى انا باطلبه ما تعطليناش !!!!!!!!! المهم على تلاتة وربع حضر سعادة الطبيب واما اتكرم ودخل لم يكن معه السماعة وعلى ما طلبها خمس دقايق كمان المهم واما جابوهاله وطبعا حب يقيس لها الضغط قال : مش معايا جهاز الضغط ف العربية برة ؟؟؟؟؟؟؟؟؟ وطبعا ما جابوش واكتفى بالكلام العامى ادوها شوية عصاير وكده وسلام !!!!!!!!!! وخرج وهى ما زالت مستلقية تعبانة

المهم بعدها قولت للمسئول عن التصحيح حضرتك كده الدكتور اما يخرج بإذن مين والناس اللى تتعب مين مسئول عنها والناس اللى بتخرج اما هى تبع الكنترول فين تصريحاتها بالخروج واللا الخروج لناس وناس ؟؟؟ طبعا اللى فتحلهم الباب حب يلم الموضوع واتحايل عليا عشان اسكت والموضوع ينتهى وقولت للمسئول اياه انا هاكتب شكوى من اللى بيحصل ده وعاوزين تحقيق لو سمحت كده ما ينفعش لو سمحت ورقة قاللى مافيش ورق والموضوع اتحول لمحايلة من الجماعة اللى بيفتحوا الباب وخلاص طبعا مشيت وروحت وفتحم

هم بيتحججوا ان الغلق للباب على الناس عشان يتحسب اليوم بيومين؟ طيب مقدر الدرجات بيتحاسب بعدد الورق ليه يتقفل عليه ؟؟ كمان ما رأيك فيما حدث وهل جميع اماكن التصحيح لا تفتح الا فى هذذا الوقت وعلى الجميع الانتظار الممل والمرهق فى الحر دون سبب؟؟؟
أرجو ان اكون قد اوصلت ما اود ايصاله وان ترد على سريعا

وتقبل اسمى تحياتى

ليسمح لى أستاذى الفاضل/

محمد السيد الفخرانى-

هذا الإنسان المخلص الذى يتقى الله فى عمله -

هذا الشخص الذى كرس جهده ووقته لخدمة الزملاء والأبناء والرد على استفساراتهم وتساؤلاتهم حول قضايا ومشاكل العمل -

فجزاه الله عنا خيرا وجعل سعيه وعمله ملاذا له وشفاعة وظلا فى الآخرة حيث لا ظل إلا ظل الله .... آمين

الأخت والزميلة الفاضلة / أبلــــــه هدى

ياريت تتقدمى بشكوى فورا للوزارة – عن طريق الفاكس - وايضا للنيابة الادارية للتحقيق - بس لازم تستغلى وجودك فى التصحيح وتحصلى على شهادة زملاءك حضور الموقف او الناس الجدعان اللى يهمهم الصالح العام ومش بيخافوا لما يشهدوا الحق – هذا مطلوب وهام جدا كدليل فى التحقيق لانه زى ما حضرتك عارفه انه فيه ناس كل الل يلزمها الارشينات اللى من ورا التصحيح مثلا - وازاى تروح بدرى لولادها - وازاى ترتاح -

دون الوضع فى الاعتبار الصالع العام واحترام المعلم لعمله وتوقيره واجلاله لعمله وبالتالى أدى إلى احتكار الكثيرين من جانب الفئات الوظيفية الأخرى وربما من جانب بعض المسؤلين وليس جميعهم بالطبع لمهنة المعلم

ونسى هؤلاء الزملاء جميعا - وأيضا هؤلاء المسؤلون - نسى الجميع أو ربما تناسوا أنهم محاسبون على الصغير قبل الكبير - يوم العرض على الله تعالى - ونسى هؤلاء الزملاء أن اتقانهم لعملهم مثلا من دواعى جلب الرزق الحلال ومن دواعى جلب البركة فى الرزق والأولاد مثلا - وأن الحرص الزائد عن المطلوب ليس حرصا اصلا بل نقمة لا تجلب الا كل شر وسنحاسب عليها.

أعتقد أن السيد الأستاذ الدكتور / وزير التربية والتعليم - لا يسمح مطلقا بمثل هذه السخافات من هؤلاء الذين لا هم لهم سوى جمع الأموال فقط - دون النظر الى الزملاء المعلمين نظرة الانسان المكرم الذى يحتاج الى رعاية معنوية بما فيها الرعاية الصحية قبل الرعاية المادية

نطالب السيد الاستاذ الدكتور الوزير - بارسال من يحقق فى هذا الأمر ومعاقبة المسؤل عن هذا التهريج الوظيفى المخل بالمهنة - طبعا اذا ثبت بالادلة وجود تقصير - مما ادى الى زيادة معاناة الزميلة الاستاذة المريضة بلجنة التصحيح بكنترول الزقازيق لقطاع الشرقية

وكلنا أمل فى معاقبة التسيب والمتسيبين واحقاق الحق ان شاء الله

ونحن بدورنا هنا ندعم هذه السيدة الزميلة المريضة ونطالب بالتحقيق مع الطبيب الذى غادر مكان اللجنة قبل انتهاء العمل الرسمى وايضا لتقصيره فى ممارسة عمله اثناء الكشف الطبى على هذه الزميلة وايضا نطالب بالتحقيق مع من وراءه من مسؤلى هذه اللجنة – اذا ثبـــت بالدليل أن هناك تقصيرا منه وأيضا بالتحقيق مع المسؤل العام عن هذه اللجنةواتخاذ الاجراءات المطلوبة فى حالة ثبــــوت أى تقصير

بكنترول الزقازيق لقطاع الشرقية

تقديرى واحترامى للجميع