|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#11
04-07-2009, 08:01 AM
|
|||
|
|||
السلام عليكم ورحمة الله وبركاته روائعكم أعجبتنى وردت الى ما حرمت منه وما كنت أعشقه الأدب والشعر والفنون. جزاكم الله خيراً وتقبلوا مشاركتى: هما مين ؟ هما مين و إ حنا مين .. ؟ هما الأمرا و السلاطين .. هما المال و الحكم معاهم .. و إحنا الفقرا المحرومين حزر فزر شغّـل مخك شوف مين فينا بيحكم مين ؟!! .............. إحنا مين و هما مين .. إحنا الفعلا البنايين إحنا السنة و إحنا الفرض إحنا الناس بالطول و العرض من عافيتنا تقوم الارض .. و عرقنا يخضر بساتين حزر فزر شغل مخك شوف مين فينا بيخدم مين ..؟؟!! ................ هما مين و إحنا مين ؟؟ هما الامرا و السلاطين هما الفيلا و العربية حيوانات استهلاكية شغلتهم حشو المصارين حزر فزر شغل مخك شوف مين فينا بياكل مين ..؟؟!!! .................... إحنا مين و هما مين إحنا قرنفل على ياسمين إحنا الحرب : حطبها و نارها و إحنا الجيش اللي يحررها و إحنا الشهدا بكل مدارها منكسرين أو منتصرين حزر فزر شغل مخك شوف مين فينا بيقتل مين ..؟؟!!! ................ هما مين و إحنا مين هما الامرا و السلاطين هما مناظر بالمزيكا و الزفة و شغل البوليتيكا و دماغهم طبعاً استيكا بس البركة فى النياشين حزر .. فزر شغل مخك شوف مين فينا بيخدع مين ..؟؟؟!!! ..................... هما مين و إحنا مين هما الامرا و السلاطين هما بيلبسوا أخر موضة و إحنا بنسكن سبعة في أوضة هما بياكلوا حمام و فراخ و إحنا الفول دوخنا و داخ هما بيمشوا بطيارات و إحنا نموت بالاوتوبيسات هما حياتهم بامبى جميلة هما فصيلة و إحنا فصيلة حادي يا بادي يا عبد الهادي يا اللي عليك قصد الغنوا دي لما الشعب يقوم و ينادي يا إحنا يا هما في الدنيا دي حزر فزر .. شغل مخك شوف مين فينا حيغلب مين
__________________
آخر تعديل بواسطة Soaad-532 ، 04-07-2009 الساعة 08:09 AM |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 02:11 PM.
