هيفاء و ما فعلت

[الباش مهندس]

بسم الله الرحمن الرحيم
انا النهارده عندي تعليق بسيط جداً علي موضوع مستر مسعد
واللي كان بعنوان ( هيفاء وما فعلت )

فماذا بعد أن يُطردَ المصلون من مسجد الحسين لترقص بصحنه وعلى أرضه داعرة تدنس شرف دين الأمة ودينك ياسيادة الرئيس بمثل تلك العبارات التي جاء عليها تثني جسمها،وتكسر أعطافها، وغنج ألفاظها وتأوّه عباراتها وهي تسب أشرف أئمتنا وأعلامنا فتقول الساقطة وفي ساحة مسجد الحسين " يلعن أبوه شافعي ومالكي وأبو حنيفة" على و فق مانشربصحيفة الموجز المصرية بالعدد 162ليو م الثلاثاء 26 من مايو 2009م

من وجهة نظري المتواضعة ان الذنب مش علي هيفاء لوحدها
طب لية ! ؟ !
اقولكم انا
عشان هيفاء كان دورها في الفيلم ان هي ممثلة وبس
ممثلة ! يعني اية ممثلة ؟
يعني بتنفذ كل اللي المخرج يقولوا بالحرف الواحد وما تقدرش تزود من عندها اي حاجة ولو صغيرة
والمخرج بدورة بيشتغل علي سيناريو مكتوب ادامو
واللي كتب السيناريو دة كان بردوا ماشي علي كلام المؤلف
ومن الاخر بقا ومعلش يعني اي ممثلة من اللي طالعين جداد دول كانت هتقول نفس الكلمتين دول بردو
((( اصل خلاص الدنيا خربت والدين ضاع )))
نطلع من الكلام ده باية بقا .؟
ان الكلام اللي هيفاء وهبي قالتوا دة هو اساسا ً غلطة اسرة الفيلم كلها
حتي الممثلين التانيين ! ؟
ايوة .. ايوة يا باشا
طب ازاي؟ وهما اية ذنبهم بس ؟
ذنبهم بسيط جداً وهو ان ما حدش فيهم قدر يقول
( لا ... الكلام دة ما ينفعش دا مش من تعاليم الدين )
وخد بالك اوي من كلمة ( ما حدش قدر دي )
ودا اللي يوضح ان ما فيش فيهم راجل اصلاً
( معذرة الي كل الممثلين الرجالة لو في ))
يعني كل اسرة الفيلم اللي اسموا ( دكان شحاتة )
مسئولين عن اي اهانة للاسلام من اي نوع ولازم كلهم يتعاقبوا علي الاهانة دي
ياا عم بقولك كل الاسرة من ممثلين ومخرجين ومنتجين ومعلقين ومصورين ومؤلفين
دا تصدقوا كمان ان الرقابة المصرية علي الافلام كمان مسئولة علي الاهانة دي
يلا ما هي بقت كدا (( خرااااااااااااااابة ))
وبعد كل الكلام دة طبعاً ممكن واحد يفتكرني بحب هيفاء ولا معجب بيها ولا حاجة لا والله يا جماعة انا بس كنت حابب اقول وجهة نظري وبس
ولو في وجهة نظر تانية للموضوع دة ممكن حضرتك تسردها لنا هنا
وفي الاخر طبعاً ما فيش غير جملة واحدة بس لازم تتقال
حسبي الله ونعم الوكيل
ولو في اي حد من الاعضاء الكرام هيشارك اتمني انه يقول الجملة دي الاول وبعدين يتفضل يقول تعليقوا
ودمتم سالمين