"ملتقى طلاب 3 ثانوي"

[سري جداا]

السلام عليكم
اولا انا واحدة مشكلتى تعتبر اقرب لمشكلة الفتاة اللى اتكلمت قبلى
بس انا مشكلتى تخطت المرحلة دى شوية بس ارجوكم اللى مش هيعجبه كلامى بلاش يرد عليا عشان مايزودش جرحى لانى بجد مش هقدر استحمل اكتر من كده
نفسى احكى لحد من غير ما ابقى خايفة من اللى هسمعه رغم انى عارفاه كويس
المهم عشان ماطولش عليكوا
انا اعجبت بواحد من فترة كبيرة واتعلقت بيه جدا
كل ده ممكن يكون عادى وبيحصل انما اللى ماحصلش قبل كده ومستحيل ان انسانة طبيعية تعمله انها تروح تصارحه بكده
انا عارفة ومتاكدة ان اى حد هيقرا كلامى هيقول عليا مش مؤدبة ومش محترمة وانا معترفة بكده فعلا لكن نفسى اتكلم مع حد وخلاص
نفسى انسى الجزء ده من حياتى كانه ماحصلش لانى كل مابفتكر بتجرح اوى
وكل ماتيجى سيرة الموضوع ده حتى لو من بعيد بحس ان الكلام عليا انا
حاسة بندم فظيع وحاسة انى منافقة رغم انى حكيت لماما وهى قالتلى خلاص انسى والزمن بينسى كل حاجة
وفعلا كنت قربت انسى كل اللى حصل وكل اللى انا عملته وكل الوقاحة اللى اتصرفت بيها
لكن رجعت تانى وفتحت الموضوع فى قلبى تانى وكنت بضحك على نفسى واقول عادى انا مش بفكر فى كده تانى خلاص
بس اتحول كل الماضى اللى كنت بهرب منه وبقى كابوس بيطاردنى وانا صاحية ووانا نايمة وفى كل وقت
وبجد مش عارفة اعمل ايه

[احمد رضا]

المشاركة الأصلية كتبت بواسطة سري جداا

السلام عليكم
اولا انا واحدة مشكلتى تعتبر اقرب لمشكلة الفتاة اللى اتكلمت قبلى
بس انا مشكلتى تخطت المرحلة دى شوية بس ارجوكم اللى مش هيعجبه كلامى بلاش يرد عليا عشان مايزودش جرحى لانى بجد مش هقدر استحمل اكتر من كده
نفسى احكى لحد من غير ما ابقى خايفة من اللى هسمعه رغم انى عارفاه كويس
المهم عشان ماطولش عليكوا
انا اعجبت بواحد من فترة كبيرة واتعلقت بيه جدا
كل ده ممكن يكون عادى وبيحصل انما اللى ماحصلش قبل كده ومستحيل ان انسانة طبيعية تعمله انها تروح تصارحه بكده
انا عارفة ومتاكدة ان اى حد هيقرا كلامى هيقول عليا مش مؤدبة ومش محترمة وانا معترفة بكده فعلا لكن نفسى اتكلم مع حد وخلاص
نفسى انسى الجزء ده من حياتى كانه ماحصلش لانى كل مابفتكر بتجرح اوى
وكل ماتيجى سيرة الموضوع ده حتى لو من بعيد بحس ان الكلام عليا انا
حاسة بندم فظيع وحاسة انى منافقة رغم انى حكيت لماما وهى قالتلى خلاص انسى والزمن بينسى كل حاجة
وفعلا كنت قربت انسى كل اللى حصل وكل اللى انا عملته وكل الوقاحة اللى اتصرفت بيها
لكن رجعت تانى وفتحت الموضوع فى قلبى تانى وكنت بضحك على نفسى واقول عادى انا مش بفكر فى كده تانى خلاص
بس اتحول كل الماضى اللى كنت بهرب منه وبقى كابوس بيطاردنى وانا صاحية ووانا نايمة وفى كل وقت
وبجد مش عارفة اعمل ايه

أكيد مش كل البني آدمين زي بعض ياأخت ( سري جداً )
مش كُلنا عندنا التقنيات اللي تخلينا نتعامل مع المواقف بحكمة او تعقل
عارفه انا لما قولت للأخت اللي قبليكي متصارحهوش .. هو لإني مكنتش عايزها تحس نفس إحساسك دلوقتي لو طلع الموضوع مش نافع
مشاعرك جميلة جداً بجد .. ومينفعش محدش يحترمك عشان تعبيرك عن مشاعرك ويبقي فيها ظلم قوى جداً لمشاعرك .. للأسف المشاعر مش بنقدر نتحكم فيها
وزي ما ماما قالتلك الوقت صدقيني هينسيكي .. اللي ارتكبتيه خلينا نفترض إنه غلط بس أكيد قصدك مكانش غلط .. اكيد الخير اللي جواكي كان موجود زي ما هوا موجود دلوقتي .. مش عارف حاسك انا ..
ربنا بيغفر لما بيلاقي الإنسان حابب يبقي أحسن .. وصدقيني مشكلتك علي اد طاقتك
" لا يُكلف الله نفساً إلا وسعها "
متقلقيش انتي ادها وادود
ربنا يبارك فيكي يارب
ويبارك ف الخير اللي فيكي
صدقيني فيكي خير اوى
والشخص اللي زيك عمره ما يقل ف نظر حد ( محترم عاقل )

[اوركيديا]

معلش كنت عايزه اعلق على شويه حاجات كده

المشاركة الأصلية كتبت بواسطة برومثيوس

مشاعرك جميلة جداً بجد .. ومينفعش محدش يحترمك عشان تعبيرك عن مشاعرك ويبقي فيها ظلم قوى جداً لمشاعرك .. للأسف المشاعر مش بنقدر نتحكم فيها

امممممم
طيب لما تكون المشاعر هى نفسها غلط
احنا بنتكلم على الفكره نفسها مش على فكره مين قال لمين
ده منظور ضيق للمسأله
اما لو شوفناها من حته اعلى
احنا بنتكلم على ان المشاعر دى نفسها غلط انها تكون موجوده دلوقتى
و غلط ان الانسان يتعلق بحلم مش حيكون دلوقتى لانه بطبيعه الحال مش فيه جواز ليهم فى السن ده
و زى ما قولت الحديث ده كتير
عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح".
و فى كلمه عن ابن القيم بجد بتوصف كل حاجه
ويقول ابن القيم رحمه الله: "القلب إذا أخلص عمله لله لم يتمكن منه العشق فإنه يتمكن من القلب الفارغ"
فالعشق اللى هو يقصده اللى هو العشق اللى قبل الجواز اللى مجرد كلام و بس
هو ده اللى غلط

فكونها انها تعبر اساسا عن مشاعر غلط انها تكون موجوده هى دى القضيه
مش قضيه مين قال لمين

يلا فى رعايه الله