أحب مصر ؟ على ايه

[alfares3000]

المشاركة الأصلية كتبت بواسطة حودة الجندى

الاستاذ الفاضل شكرا لك على هذا الطرح المتميز
و اود ان اقول ان مفيش حد يقدر يفكر ان يكره مصر لان مصر دى ام الدنيا مصر التاريخ مصر الاديان السماوية مصر النور قبل ان يراه العلم و لو قعدت اتكلم عن مصر بلدى فلن اوفيها حقها
لكن تعالى نقول مع بعضنا مصر بتاع مين؟ مصر اللى بيعشقها هم الغلابة مين اللى بينهب خير مصر الغلابة و الاغنياء؟ مين اللى بيبع مصر .......؟
علشان تروح مصلحة ايا كانت لازم تربط على واسطة (كوسة ) .العيب مش فى البلد العيب فى الناس اللى فى البلد
تقعد مع الواحد يكلمك احلى كلام فى الدين و كل واحد يقولك انا عمرى ما اكذب و عمرى ....................
طيب الفساد ده من الناس يخليك تكره الناس و ليس المكان
و فيه مقولة بتقول اسأل عن الجار قبل الدار .
البلد دى بتاع اللى ايده طايلة
دا انت متعرفش تتكلم مع ظابط و لا وكيل نيابة بيحسسوك ان هم من طبقه النبلاء و احنا الحرافيش .
طيب خلى ظابط شرطة و لا وكيل النيابة يروح مصلحة و شوف ايه اللى هيحصل حتلاقى احلى مقابلة و تخلص المصلحة فى لمح البصر و لو انت من الغلابة يبقى حظك مش فايت إزاى تتجرأ و تتطلب اى طلب هو انت نسيت نفسك
و لو انت وقعت مع باشا من رجال الاعمال يقولك انت متعرفش انى انا اقدر اشترى مليون زيك بفلوسى
و نرجع و نقول احبك يا بلدى احبك يا بلدى احبك يا مصر مهما حصل و هيحصل

أخى العزيز الف شكر على اهتمامك وردك الجميل وانا متفق معك لان العيب مش فى مصر ولكن فى بعض من يعيشوا على ارضها ولا يعرفوا قيمتها لكن فى الاخر حبى لمصر يفرض على حب كل المصريين ونطلب من الله ان يهدى السيئين ويصلح حالهم ويرجعهم الى الصواب لانه يا اخى لو طلبنا الهلاك لرجال الاعمال والمسئولين وضباط الشرطة احنا كلنا هانخسر والكاسب الوحيد هو عدونا وهو عدو مصر . اللهم يارب انصر مصر والمصريين ودمتم جميعا بالف الف خير وعافية