الى كل من حصل عل أكثر من 98% ؟؟؟

[hossam_student]

انا جايب 408 وكتبت طب وبعد كدا صيدله وفى الاخر طب أسنان
انا فعلا شايف ان الطب مجالاتها كتير وكانت عندى ميول لصيدله بس عندى فى البيت فضلوا يزنوا عليا لحد م أقنعونى بطب وقالولى اخوك فيها ومعرفش ايه فكتبتها
على العلم ان بابا صيدلى

[hamada_92]

انا يا جماعة كتبت طب اسكندرية بس حاسس انى شايل هم المدة الطويلة دى والدراسه المعقدة ومش عايز اقضى احلى سنين عمرى بين الكتب بس هل التعب ده حييجى بفايده ويميزنا عن اسنان وصيدلة انا ساعات بفكر فى اسنان لانى مستسهلها بس قريت موادها وحسيت انى مش قابلها لانها مملة والانسان بطبعه بيحب التنوع انا لم تخيلت نفسى قاعد بشد فى ضرس واحد وهو بيصوت كتبت طب على طووووول بس مش عارف حاسس انى حندم فحد يقنعنى اعدل واكتب اسنان ولا على بشرى عدل؟؟؟

[free2polite]

المشاركة الأصلية كتبت بواسطة hamada_92

انا يا جماعة كتبت طب اسكندرية بس حاسس انى شايل هم المدة الطويلة دى والدراسه المعقدة ومش عايز اقضى احلى سنين عمرى بين الكتب بس هل التعب ده حييجى بفايده ويميزنا عن اسنان وصيدلة انا ساعات بفكر فى اسنان لانى مستسهلها بس قريت موادها وحسيت انى مش قابلها لانها مملة والانسان بطبعه بيحب التنوع انا لم تخيلت نفسى قاعد بشد فى ضرس واحد وهو بيصوت كتبت طب على طووووول بس مش عارف حاسس انى حندم فحد يقنعنى اعدل واكتب اسنان ولا على بشرى عدل؟؟؟

بص يا حماده .. أنت كده كده هتقضي أحلى سنين بين الكتب .. بس تفرق كتير بين أنك تقضيها وتتعب وتلاقي تعبك ده في الآخر أضعاف مضاعفة من الفرحه و المكانة و الوظيفه المربحه .. أو أنك تقضيها برده ف خمس سنين بس ... ومع ذلك لو كنت عاوز تكون حاجه لازم هتقضي سنين تانيه في التعب ده .. يعني من ناحية الدراسه والتعليم أنا شايف أنه مفيش فرق .. المهم هتكون ايه بعد كده .. وده هيكون على أساس رغبتك أنت .. حاجه تانيه عايز أقولهالك .. أوعى تدخل طب وأنت مش مقتنع بيه .. وعلى فكرة أنا كمان طب أسكندريه ان شاء الله

[free2polite]

المشاركة الأصلية كتبت بواسطة hossam_student

انا جايب 408 وكتبت طب وبعد كدا صيدله وفى الاخر طب أسنان
انا فعلا شايف ان الطب مجالاتها كتير وكانت عندى ميول لصيدله بس عندى فى البيت فضلوا يزنوا عليا لحد م أقنعونى بطب وقالولى اخوك فيها ومعرفش ايه فكتبتها
على العلم ان بابا صيدلى

بص يا حسام تفرق كتييييير بين أقنعوك و ضغطوا عليك ... بس أنا شايف أنهم أقنعوك بدليل أن باباك صيدلي ومع ذلك قالك ادخل طب لأنه أدرى بمهنته .... ربنا يوفقك في أي كلية تدخلها ان شاء الله .. بس لو دخلت طب يبقى لازم تكون مقتنع بيها جدا جدا جدا