استفسار بخصوص المرحلة التانية .. ياريت تدخلوا وتكسبوا فيا ثواب

[بوبوسا]

المشاركة الأصلية كتبت بواسطة أميرة الحب

السلام عليكم

إزيكم يا أحلى أعضاء؟
يارب تكونوا بخير

دلوقتي يا جماعة بالنسبة للمرحلة التانية احنا هنبدأ نكتب الرغبات امتا ؟؟
من يوم الاربعاء ان شاء الله
وهل في شرايح زي المرحلة الاولى ؟... ونظامها بيبقا ازاي ؟؟
في شرايح زي المرحله الاولى
يعني بيبقا اسبوع مثلا وبيعلنوا هما كل يوم ويقولوا مثلا النهاردة من مجموع كذا لكذا يكتبوا الرغبات ؟؟
زي المرحله الاولى حوالي 4 او 5 ايام وبيعلنوا ان مثلا الربعاء من مجموع - الى- والخميس من- الى - لنهاية المرحله
ولا بيبقا ايه ؟؟... واحنا بنعرف ازاي ؟؟
بيعلنوا قبل المرحله التانيه بيوم في النت والجرايد

والنتيجة بتظهر بعدها بكام يوم ... واحنا هتوصلنا النتيجة ازاي .. وبعدها بأد ايه نروح الجامعة نقدم ( نودي الملف بتاعنا ) ؟؟
-توصل االنتيجة عن طريق الموبايل والايميل في الاول وبعد كده عن طريق البوسطه يبعتوا نتيجة الترشيح
-بنروح نقدم في الكليه بعد مايوصل جواب الترشيح من البوسطه يعني تاني يوم من وصول جواب الترشيح

يعني بالنسبة للمرحلة التانية بتخلص كتابة الرغبات والنتيجة وتقديم الملف امتا ؟.. يعني يوم كام تقريباً ؟؟
مالهاش يوم محدد

ايه ده انا كتبت اسئلة كتير .. ايه الرغي ده

معلش استحملوني وجزاكم ربي كل خير

ياريت اكون قدرت اوصلك الاجابات ولو عايزه اي سؤال اكتبيه وهبقى ارد على حضرتك