لو عندك معلومة متبخلش

[د. رغد]

السلام عليكم
انا السنة اللي فاتت عملت تظلم في مادة الاحياء و كنت ناقصة 3 درجات و نصف مع ان الامتحان كان حلو
و رحت كشفت علي الورقة و بعدين قالولنا انتظروا نتيجة التظلم و استنيناه فترة و بعد كده اتصلوا بينا و قاللولنا ان النتيجة ظهرت و ان لي درجات هناك
ذهبت هناك و انا في قمة السعادة لأنه قال درجات مش درجة واحدة و لا حتي نصف
بس فيه ناس قالولي انه ربما كان يقصد ان لي درجات مش المقصود عدد محدد من الدرجات
المهم رحنا هناك و انا كان عندي امل اخذ درجات كتير بعد التظلم لكن لما رحت قالولي اني اخذت نصف درجة فقط لأنها كانت اخطاء فنية و ليست رصد او تجميع درجات
بس انا اعرف واحدة صحبتي راحت اتظلمت في الاحياء و اخذت درجة و اعرف شخص اتظلم في الكيمياء و اخذ 8 درجات
باختصار الاخطاء الفنية صعب تأخذ درجات فيها لكن اخطاء الرصد و التجميع ان شاء الله تأخذهم
و لو حاسس فعلا انك مظلوم انصحك تتظلم دي ثانوية عامة النص درجة بتفرق