*____{{{حوار مع عضو}}}___*جديد

[Dr.love ferdos paradise]

متابعه معاكم
ان شاء الله
موضوع جميل ياميروووو

[rose 2010]

بصى يا ستى .. ماتقدريش تقنعينى إن فى حد من الشباب كل كلامه عربية فصحى
هتقوليلى أه .. طيب يعنى إحنا بنتكلم بالعامية .. هتقوليلى أه .. طيب هى العامية دى مش هتبوظ اللغة العربية ؟؟ .. هتقوليلى إزاى؟؟ هقولك دلوقتى معظم الطلبة فى أى مكان موتهم و سمهم النحو و يمكن العربى كله بس خلينا فى النحو .. إحنا أصلا لا بنحب نتعلمه ولا عايزين نتعلمه و يمكن المناهج أصلاً عايزة الحرق .. طب مافكرتيش إحنا ليه مش بنحب النحو ؟؟ عارفة أنا لما فكرت لقيت الإجابة هى إننا طول الوقت بنتكلم عامية و بوظنا اللغة و كرهناها .. لكن لو شوفتى الناس فى سوريا مثلاً هتلاقيهم فظاع فى النحو و الصرف وا لكلام اللى مش بيأكل عيش ده .. يبقى هى كده كده بايظة .. مش فارقة لغة روشنة ولا لغة شباب تيجى تبوظ الدنيا .. عاملين بالظبط زى القرعة اللى إسترت مشط علشان تسرح شعرها .. و على رأى المثل ضربوا الأعور على عينه قال خربانة خربانة

دول مش ضربوه على عينه دول بوظو عينه
جم يكحلوه موتوه

.. و كل جيل زى ما قلت بتختلف ثقافتة فى الكلام و كل مدى بيقل التمسك باللغة الأصلية
بصى بقى علشان تفهمى تأيدى للغة الشباب و عدم تأيدى ليها
أنا بأيد لغة الشباب .. أه فعلاً بأيدها لإننا بقينا بنفهم بعض بيها كلمة زى طنش اللى ذكرتيها .. الكلمة دى كبير و صغير بيقولها أقولك حاجة .. الدكاترة عندنا فى الكلية حافظين لغة الشباب دى كلمة كلمة و بنتعلمها منهم كمان .. بالرغم من إنهم مطالبين بإلقاء المحاضرات بالعربية الفصحى لكن هما عايزين يوصلولنا بسهولة و ده طبعاً مش هيحصل إلا لو إتكلموا باللغة بتاعتنا و أنا مش شايفة فى الكلام ده أى عيب خالص إننا نقوله بس المهم نعرف نقوله إمتى ومع مين .. مش أروح أكلم رئيسى فى الشغل ولا دكتورى فى الكلية ولا مدرسى - ولا بلاش مدرسى دى -باللغة دى .. لو عملت كده تبقى قلة أدب لكن عادى لما أكلم أصحابى بيها لإننا زى بعض
بالنسبة للجزء التانى إنى مش مؤيدة اللغة فى حاجات معينة يعنى مش أقول كلمات مش محترمة لحد أو أتكلم باللغة دى مع حد أكبر منى زى ما قلت و لا إنى أقلب العربى إنجليزى و أتكلم فرنكو .. لغة عقيمة جداً و بكرهها موت .. هى دى فعلاً اللى تبوظ اللغة بكل ما فيها من كلمات وت عبيرات .. تعرفى إن فى شباب مش بيعرفوا يكتبوا إلا فرنكو مع إنهم عرب و مصريين .. بس تقولى إيه للروشنة

ماذا اقول
ماذا اقول
؟؟؟؟؟؟
اقدر اقول انك بالكلام ده لخصتلنا
الموضوع كله
وبجد انا اتبسط جدا بكلامى معاكى
ونورتينا فى الموضوع
وانا اسفه جدا جدا ع التاخير
النت وكده
منوراناااااااااااااااااا دايما
وشكرا ياجميل