بعض ملامح الفساد في مدارس و اداره و توجيه كفر شكر

[طالبة ثانوى محبطة]

انا طالبة فى الصف الاول الثانوى ومنتقلة للصف الثانى الثانوى فى مدرسة كفر شكر الثانوية بنات وكان فصل بنت المديرة اللى هى ادى فيه افضل بنات وافضل مدرسين وكان فصلى من اسوأ الفصول اللى فى المدرسة مهو مفيش عدل فى تقسيم الفصول المهم وصلت فساد الفصل ان البنات كانت بتشغل الموبايل وترقص ع الاغانى واما نزلنا نشكى للمديرة لم تأخذ حل رادع وقالت مبتجوش تؤلوا فى ساعتها ليه ولا عبرتنا مع العلم انها عارفة البنات اللى نزلتلها دى انهم من اوائل الاعدادى ومازالت البنات ترقص وجينا اؤلنا للاشراف المدرسين جم ولقوهم فى اخر رقصهم عارفين راحو قايلين ايه؟ مش ناديتو لينا من بدرى ليه كنا نيجى نتفرج بالذمة ده رد لمدرسين مربيين اجيال ومديرة عندها بنات واحنا زى بناتها