وزارة مـــــ تــمــت ـــــا

[أسيل رزق]

المشاركة الأصلية كتبت بواسطة بنوته اهلاويه

***

اممم

طبعاً انتى أدرى واحده بالوزارت السابقه
واكيد كان كل وزاره بذكرى معينه
عاوزين سيادتك تذكرى رأيك اللولبى
فى الوزارات السابقة

أحمد رضا : أحمد وزارته كانت طموحة و إصلاحية بشكل كبير و إهتم بالتعليم أكتر و فى مدة حكمه قدر يثقف الشعب الثانوى المصرى

بالنسبة للذكرى اللى فكراها لوزارة أحمد : كان ليه الفضل طبعاً بعد ربنا فى نجاح البرنامج و بحس إنها الحلقة الوحيدة اللى الوزارة إشتغلت فيها بشكل وزارى فعلاً .. تقمص الشخصية بجد .. و الذكرى الأكبر يوم ميلاد لعنة الفراعنة لما أول ما خرج من الوزارة تانى يوم كان إترفع عنه الإشراف الإدارى

نسمة : وزارتها كانت بمبى بمبى بمبى وزارة كلها إنوثة و بلطجة و مطاوى
وسائلها للإصلاح كانت كويسة و شغالة تمام مع الشعب بس عايزة تنفيذ صح أو شدة عن كده
و بعد توليها وزارة البيئة بقيت بمشى فى الشوارع ملاقيش تراب ولا زوبالة بلاقى قطط و واحدة بتجرى وراهم

حكاية الذكرى بقى أثناء الحلقة و بعد إنتهائها كانت نسمة تعبانة أوى طبعاً دى بركة اللعنة و أفتكر كمان كنا دايما فى الفترة دى بنشوف بعض فى الجامعة و بنتكلم فى الوزارة

إسلام : فى نظرى من أكفأ الناس اللى مسكوا المنصب لإنه قريب جداً من الشعب و حاسس بالشباب أوى و قدر ينمى الشباب و يشغلهم و إهتم بكذا وزارة سواء تعليم أو شباب أو صحة ...
و ليه شعبية كبيرة جداً
مشكلته مع الوزارة إنه عصبى أوى و دكتاتورى شويتين و مش بيعجبه حاجة أبداً عامل زى سيد أبو حفيظة
الذكرى إنه أكتر واحد جاله أسئلة من الجمهور
ياسمين : وزيرة الروشنة تحسنى إن الشعب فى حكمها كان بيتحرك كتير

كانت طموحة أوى و قرارتها كانت خفيفة و بسيطة على الشعب و ليها قدرة على تنفيذ قرارتها بشكل كويس و بتحب تشور اللى حواليها و متواضعة و ده بيساعدها إنها تقرب الوزرارت من بعضها و يكون فى مشورة و تبادل آراء و يساعد فى نجاح وزارتها يعنى من الآخر شغااااااال

الذكرى الوحيدة ليها إننا خلصنا الحلقة فى يوم واحد و ماكنش فى أى كروتة و يمكن كانت أقرب حلقة لقلبى فعلاً

عادل : وزارته كانت ممتعة جداً و ممتلئة بالقرارات الحكيمة لو فكر يبقى زعيم شعبى هينجح .. حقيقى تستحق وزارته لقب وزارة الشعب

إتكلم بشكل كويس فى وزارات كتير .. وزارته فيها من إسلام على جيهاد

نهال : نيهو وزارتها شبه وزارة نسمة بالظبط كانت خفيفة بس قرارتها كانت عايزة حزم أكتر و ثقة أكتر فى قرارتها
الذكرى : كانت دايماً تسألنى عن رأيى فى كل سؤال تجاوبه و أقولها يا بنتى زى الفل و ماكنتش تقتنع برده

السادات : أكتر وزارة تعبت الشعب و تعبتنى أنا كمان .. بعض قرارته كانت كويسة و قراراته كانت جد أوى و عدت على خير
الذكرى اللى فكراها إن حلقته إتأجلت 3 مرات وكان دايماً بيفهم أسئلتى غلط يعنى أنا بسأل فى ناحية و هو يجاوب فى ناحية تانية خالص بس كانت كويسة إلى حد ما
جيهاد : وزارتها فيها من وزارة عادل نفس الشغل و التفكير متقارب أوى بتعرف تنفذ قرارتها بس مش لدرجة كبيرة يعنى هى ممتازة فى التفكير و إصدار القرارات لكن التنفيذ عندها أقل شوية .. وزارتها كان ليها طعم مختلف و المناقشة معاها ممتعة جداً
الذكرى : فى آخر البرنامج اقترحت إنى ادخل إختبارات نفسية وسط الاستجواب و تم تنفيذ الفكرة
بسام : هههههه ( لازم الضحكة دى فى الأول )
عجبنى أوى رأى ولاء فيه هههههه قالت إنه ماينفعش يكون وزير لإن معندهوش إحساس بالمسئولية بشكل كافى أو مش بيخاف على مصالح حد
بالرغم من إن الكلام ده ممكن يكون صح بس إحساسى إنه لو مسك المنصب فعلاً هيشتغل بشكل كويس
الذكرى الوحيدة ليه إنه فى وسط الحلقة و إعتذر عن تكملتها و كنت محتاسة أعمل إيه ( أنا محدش عمل فيا كده قبل كده ) بس لعنة الفراعنة عاقبته و دخل كرسى الاعتراف
المجاهد : إهتم بالجانب الدينى فى إصلاح أمور شعبه و حكومته و ده عجبنى جداً فى وزارته و تنفيذه بالمبدأ ده هيساعد فى تطور الحال سواء عند الحكومة أوالشعب ( أنا قلت الجانب الدينى يعنى الإسلام عموماً مش داخل فيه لا إخوان ولا بتنجان )
الذكرى كانت آخر حلقة قبل دخول الإمتحانات و شغلته كتير علشان الوزارة معلش بقى ربنا يجازيه خير
ولاء : أعقل وزارة شفتها لغاية دلوقتى بتتكلم بالمنطق و كلامها وقرارتها مرتبة و بخطوات بتوصلنا لحل المشاكل بطرق عقلانية .. يمكن احمد رضا بيمشى بمنهج المنطق و التفكير زى ولاء لكن أحمد ممكن شعبه مايفهموش كويس لكن ولاء بتقدر توصل لعقل الشعب بطريقة بسيطة
الذكرى :ههههههههههههههههههههههههههههه
و الله كل ما أفتكر أضحك .. حقيقى ولاء أشطر واحدة دخلت الوزارة .. ولاء علشان تجاوب على السؤال اللى بجاوب عليه ده قرأت الموضوع من أوله لآخره علشان تحكم على كل وزارة بمنطق و تكون عارفة هى بتقول إيه و ليه و ماتظلمش حد
محمود طه : وزارته سواء قرارات أو تنفيذ قدمها بشكل كويس و لقى إعجاب من الشعب و إهتم بوزارات كتير خصوصاً الشباب مشكلته إنه عنيد فى رأيه و ده بيكون ملحوظ لو كان متعصب أو موده متغير .. ليدر كويس
الذكرى : كنت معتقدة إنها هتكون حلقة مش لذيذة بسببى أنا و توقعى كان غلط خالص و أكتر واحد تم إستجوابه فى الوزارة و أكتر واحد جاتله أسئلة شخصية من الجمهور و أكتر واحد كان طمعان فى المشبك بتاع المنتج
(خيرة خيرة شباب مصر )

مع ذكر اكتر وزاره حبتيها

واكتر وزاره كرهتيها

لا أنا ماكرهتش حلقات خالص بس ممكن نقول ماحبتهمش زى حلقات تانية
مش هرتبهم علشان محدش يزعل .. أنا حبيت كل الحلقات
أكتر حلقة حبتها هى حلقة الأستاذة سمنة ال... ( الست الموزيعة )
و أكتر وزارة تعبت فيها أو كانت أقل حباً هى حلقة السادات

او لو عاوزه تدرجيها من الاحسن للأخنق

كمزيعه وكفرد فى شعوب الواك واك

مفيش مانع
مش بيهمنا الا راحه الزبون

أخيراً خلصت .. الواحد مش بيحس بمشاكل غيره إلا لما يقع هو فيها