أسباب انخفاض مرتب المتعاقدين

[د/ايمن محمود البتشتى]

كلام كلام كلام لكن فعل مفيش
هما عطينكوم ودن مسدودة
ياجماعة متتعبوش اعصابكم
التثبيت جاى لما جمال اقصد الرئيس جمال محمد حسنى مبارك يتولى كرسى العرش
وده طبعا فى الانتخابات الجديدة 2011م
وربنا يدينا وايكم طول العمر

[أ/ سعيد موسى]

المشاركة الأصلية كتبت بواسطة esawi

لسه فى صبر بعد 4 سنين؟!!!
خلاص لقد فاض بنا الكيل
وحقنا لن يعود الا بالضغط عليهم
حتى لو ادى بنا لترك العمل والله هيكون اكرم لنا
انا لو كنت شغال فى شركة او سافرت فى الاربع سنين دول كان هيبقى حالى غير ما انا فيه

اولا لازم تعرف انك طالما دخلت على شغل الحكومه مستواك المادى سوف يبقى على وضع معين مهما كان مرتبك فأنصحك ان تعتبر شغل الحكومه مجرد نوايه تسند زير وطبعا تدور على دخل تانى سواء دروس او عمل حر ......الخ اما نقطه الضغط عليهم !!!!! تضغط على مين هو لو كل المتعاقدين تركوا العمل ماذا يحدث لاشىء تعيينات جديده ويجيبوا غيركم طبعا ارجوا ان لاتفهمنى خطأ او اننى اقل من شأنكم لاطبعا بصراحه انتم اضافه جميله للعمليه التعليميه فى الازهر وجميع الزملاء المتعاقدين فى معهدى اكن لهم كل احترام وتقدير ولكننى اقولك الواقع مع الحكومه ( الحكومه ملهاش دراع علشان تتلوى ) جمله قالها كمال الشناوى فى الارهاب والكباب فالذى اقصده ياصديقى مفيش قدامك غير الصبر ومين عارف بكره فى اييه اخوك سعيد موسى

[teacher120]

اعتقد ان المتعاقدين قوه ضغط بس لو اتحدوا جميعا الازهر يوجد به 75 الف متعاقد

والتربيه والتعليم مالا يقل عن 250 الف

كل الى عاوزينه نحسسهم بينا اننا بنى ادمين عاوزين نحس بلامان ونعيش عيشه محترمه ونتثبت دا حقنا وبعدين يبقوا يختبرونا زى اساتذتنا ما حصل معاهم

هل دا كتير علينا؟



http://www.thanwya.com/vb/showthread.php?t=149154

[teacher120]

المشاركة الأصلية كتبت بواسطة د/ايمن محمود البتشتى

كلام كلام كلام لكن فعل مفيش
هما عطينكوم ودن مسدودة
ياجماعة متتعبوش اعصابكم
التثبيت جاى لما جمال اقصد الرئيس جمال محمد حسنى مبارك يتولى كرسى العرش
وده طبعا فى الانتخابات الجديدة 2011م
وربنا يدينا وايكم طول العمر

ياريت يا جماعه مندخلش فى مواضيع تانيه احنا ملناش دعوه بالسياسه احنا بنتكلم فى اكل عيشنا حتى لا نفهم خطا

مجرد نصيحه

[أ/ هشام العيسوى]

استاذى الفاضل
لايضيع حق وراءه مطالب
ونحن لن نتظر الظروف حتى تاتى لنا بحقنا
سنسعى لحقنا وبكل قوة
وحركة لو كلنا تحدنا وسبنا الشغل هم يجيبوا مكانا دى مش بالسهولة اللى حضرتك متصورها ستئدى لانهيار العملية التعليمية
شفت حضرتك لما سائقى النقل العام اتحدوا واعتصموا ايه اللى حصل؟
تحققت كل مطالبهم
كان ممكن بكل سهولة يجيبوا ناس مكانهم
وغيرها وغيرها من المواقف
ارجو ان تكون مصدر دفع لنا وليس العكس
وجزاك الله خيرا

المشاركة الأصلية كتبت بواسطة begoflora

اولا لازم تعرف انك طالما دخلت على شغل الحكومه مستواك المادى سوف يبقى على وضع معين مهما كان مرتبك فأنصحك ان تعتبر شغل الحكومه مجرد نوايه تسند زير وطبعا تدور على دخل تانى سواء دروس او عمل حر ......الخ اما نقطه الضغط عليهم !!!!! تضغط على مين هو لو كل المتعاقدين تركوا العمل ماذا يحدث لاشىء تعيينات جديده ويجيبوا غيركم طبعا ارجوا ان لاتفهمنى خطأ او اننى اقل من شأنكم لاطبعا بصراحه انتم اضافه جميله للعمليه التعليميه فى الازهر وجميع الزملاء المتعاقدين فى معهدى اكن لهم كل احترام وتقدير ولكننى اقولك الواقع مع الحكومه ( الحكومه ملهاش دراع علشان تتلوى ) جمله قالها كمال الشناوى فى الارهاب والكباب فالذى اقصده ياصديقى مفيش قدامك غير الصبر ومين عارف بكره فى اييه اخوك سعيد موسى

[مينومينو]

بصراحه أنا حزين على الى بيحصل ولازم يراعو مشاعر الناس
وبعدين المفروض المرتب يزيد مش ينقص
وعموما مجلس الشعب حالياً بيناقش زيادة المرتبات
الله المستعان

[متعاقدة 2009]

السلام عليكم ورحمة الله

طيب انا بقى لسه تعاقد جديد

لسه لم اقبض شىء

يعنى انا اتعاقدت والمرتبات قلت خيـــــر.. خير ان شاء الله
ربنا يستر وكمان شوية يخلوا المدرسين يدرسوا وكمان يدفعوا فلوس

ومش عايزة اقولكم على اللى بيحصل للمتعاقدين فى تخليص ورقهم واكيد كلكم مريتم بدا ومدى الروتين والذل

ومدى النظرة ,,,,, ليهم

ال ايه الموظف بيقولى انتى بقلم رصاص فى ثانية يمسحوكى بااستيكة

انا مش مزعلنى غير حاجة واحدة اننا بعد تعبنا ومذاكرتنا دى نتمسح بااستيكة طيب يمسحونا بكوركتور حتى اشيك

هنقول ايه غير " لنــــــــــا الله"

[ا/طه طاحون]

والله انا شايف ان الوزاره اوالمشيخه بتلاعبنا بالبيضه والحجر مفيش تثبيت قولنا ماشى ضحكو علينا وقالوا ان التعاقد افضل من التثبيت
قولناا تكرموا وكتر خيركم
بس الى حصل السنه دى من قله المرتبات بنقول اللله يخرب بيتكم
مفيش تعيين قولنا ماشى ومفيش مرتبات كمان دا حرام

بالعقد او بالتثبيت بردو مدرس هنفضل وراك وراك لحد متفلس
هذه اصبحت مقوله مشهوره[

[أ/ سعيد موسى]

المشاركة الأصلية كتبت بواسطة esawi

استاذى الفاضل
لايضيع حق وراءه مطالب
ونحن لن نتظر الظروف حتى تاتى لنا بحقنا
سنسعى لحقنا وبكل قوة
وحركة لو كلنا تحدنا وسبنا الشغل هم يجيبوا مكانا دى مش بالسهولة اللى حضرتك متصورها ستئدى لانهيار العملية التعليمية
شفت حضرتك لما سائقى النقل العام اتحدوا واعتصموا ايه اللى حصل؟
تحققت كل مطالبهم
كان ممكن بكل سهولة يجيبوا ناس مكانهم
وغيرها وغيرها من المواقف
ارجو ان تكون مصدر دفع لنا وليس العكس
وجزاك الله خيرا

استاذ عيسوى الله وحده يعلم اننى معكم واتمنى الخير لكل الناس وطبعا انتم اولكم لانكم جميعا اخوتى ثانيا نروح للمثل اللى جبته سائقى النقل العام عارف ايه المطالب اللى كانوا عايزنها وايه المطالب اللى وافقوا عليها لاشىء المرور يخفض المخالفات اللى بيعملوها ماشى يعنى ميتخصمش منهم فلوس مخالفات مش يخدوا فلوس ثانيا كان فيه حافز او بدل كان 17 قرش عارف بالقرش معرفش خلوه جنيه من الاخر ولاحاجه والمحافظ فى اجتماعهم قال الاضراب ينتهى وفعلا انتهى كله الصبح رجع لعمله مع ملاحظه ان النقل وسيله عامه يعنى ممكن تقلب البلد فى يوم وعندما قلت يجيبوا غيركم لم اقصد ان اقلل من شأنكم او اثبط الهمم كما ذكرت وانت تعلم ذلك كل اللى اقصده التفكير بعقلانيه بعيد عن الانفعال لااكثر عموما انتم اكثر الناس عارفين مصلحتكم وفقكم الله وتقبل تحياتى

[senenra7eel]

حاجه اخر استهبال والله انا لما اتصلت بالمطقة فى المنصورة قالولى موضوع العلاوات ده طيب دلوقتى هما اللى غلطوا فى حساب مرتبنا يبقى هما اللى يتحملوا الغلط ده مش احنا يعنى جاين بعد اربع سنين يقولوا اسفين كنا بنقبضكم فلوس زياد ه والوقتى هنخصمها منكم يعنى مش كفاية ان المرتب فجأة هيقل لاء كمان هيخصمو ا بأثر رجعى حسبى الله ونعم الوكيل

[مينومينو]

المشاركة الأصلية كتبت بواسطة senenra7eel

حاجه اخر استهبال والله انا لما اتصلت بالمطقة فى المنصورة قالولى موضوع العلاوات ده طيب دلوقتى هما اللى غلطوا فى حساب مرتبنا يبقى هما اللى يتحملوا الغلط ده مش احنا يعنى جاين بعد اربع سنين يقولوا اسفين كنا بنقبضكم فلوس زياد ه والوقتى هنخصمها منكم يعنى مش كفاية ان المرتب فجأة هيقل لاء كمان هيخصمو ا بأثر رجعى حسبى الله ونعم الوكيل

أهلا بسنين رحيل
فلوس الحكومه مافيش فيها جدال
لكن احنا المفروض نطلب توقيع أقصى العقوب على المخطئ
بصراحه عيب كبير لما حاجه زى دى تحصل ويكون فيه خطأ زى ده
أنا شخصيا لسه مش مصدق وباتمنى المرتبات ترجع تانى زى ماكانت
قول يارب

[أ/ هشام العيسوى]

استاذى الفاضل
اعرف مدى تعاطفكم معنا
ونقدر ذلك
لكن لابد لنا من وقفة قوية حتى تعود حقوقنا المسلوبة
انا كمان لى حاجة تانية واكيد فى متعاقدين كتير بيعانوا منها
احنا اوائل الكليات الذين لم نكرم ولم يقدر مجهودنا وتعبنا واترمينا رمية ال................
انت متصور ان المتعاقدين لو لم يذهبوا يوما الى المدارس والمعاهد سيكون الامر سهلا؟!!!
هناك معاهد فيها اكتر من 20 متعاقد وبيمثلوا 90% من قوة العمل فيها
ان شاء الله لن نتوقف وسنستمر
ومش هتفرق اننا نكون على وضعنا دا او نكون خارج الشغل
سواااااء
بل اقولك ان التدريس معطلنى عن اعمال كتير خارجية ان شاء الله هبدا افوقلها من السنة دى وهسيبنى من شغل المعهد دا

المشاركة الأصلية كتبت بواسطة begoflora

استاذ عيسوى الله وحده يعلم اننى معكم واتمنى الخير لكل الناس وطبعا انتم اولكم لانكم جميعا اخوتى ثانيا نروح للمثل اللى جبته سائقى النقل العام عارف ايه المطالب اللى كانوا عايزنها وايه المطالب اللى وافقوا عليها لاشىء المرور يخفض المخالفات اللى بيعملوها ماشى يعنى ميتخصمش منهم فلوس مخالفات مش يخدوا فلوس ثانيا كان فيه حافز او بدل كان 17 قرش عارف بالقرش معرفش خلوه جنيه من الاخر ولاحاجه والمحافظ فى اجتماعهم قال الاضراب ينتهى وفعلا انتهى كله الصبح رجع لعمله مع ملاحظه ان النقل وسيله عامه يعنى ممكن تقلب البلد فى يوم وعندما قلت يجيبوا غيركم لم اقصد ان اقلل من شأنكم او اثبط الهمم كما ذكرت وانت تعلم ذلك كل اللى اقصده التفكير بعقلانيه بعيد عن الانفعال لااكثر عموما انتم اكثر الناس عارفين مصلحتكم وفقكم الله وتقبل تحياتى

[مينومينو]

المشاركة الأصلية كتبت بواسطة esawi

استاذى الفاضل
اعرف مدى تعاطفكم معنا
ونقدر ذلك
لكن لابد لنا من وقفة قوية حتى تعود حقوقنا المسلوبة
انا كمان لى حاجة تانية واكيد فى متعاقدين كتير بيعانوا منها
احنا اوائل الكليات الذين لم نكرم ولم يقدر مجهودنا وتعبنا واترمينا رمية ال................
انت متصور ان المتعاقدين لو لم يذهبوا يوما الى المدارس والمعاهد سيكون الامر سهلا؟!!!
هناك معاهد فيها اكتر من 20 متعاقد وبيمثلوا 90% من قوة العمل فيها
ان شاء الله لن نتوقف وسنستمر
ومش هتفرق اننا نكون على وضعنا دا او نكون خارج الشغل
سواااااء
بل اقولك ان التدريس معطلنى عن اعمال كتير خارجية ان شاء الله هبدا افوقلها من السنة دى وهسيبنى من شغل المعهد دا

الله المستعان

[السيد أحمد محمد]

حسبنا الله ونعم الوكيل وأقترح نعمل آضراب عن العمل بعد بدء الدراسة

[shaimaa zaki]

المشاركة الأصلية كتبت بواسطة متعاقدة 2009

السلام عليكم ورحمة الله

طيب انا بقى لسه تعاقد جديد

لسه لم اقبض شىء

يعنى انا اتعاقدت والمرتبات قلت خيـــــر.. خير ان شاء الله
ربنا يستر وكمان شوية يخلوا المدرسين يدرسوا وكمان يدفعوا فلوس

ومش عايزة اقولكم على اللى بيحصل للمتعاقدين فى تخليص ورقهم واكيد كلكم مريتم بدا ومدى الروتين والذل

ومدى النظرة ,,,,, ليهم

ال ايه الموظف بيقولى انتى بقلم رصاص فى ثانية يمسحوكى بااستيكة

انا مش مزعلنى غير حاجة واحدة اننا بعد تعبنا ومذاكرتنا دى نتمسح بااستيكة طيب يمسحونا بكوركتور حتى اشيك

هنقول ايه غير " لنــــــــــا الله"

دلوقتي انا عرفت السبب
نورتم الازهر
وشكم وش السعد
يعني انتم تيجوا علشان مرتبنا ينقص





باهزر والله
احنا دائما حظنا نحس
اشمعنى دي اللي هيكون حظنا عدل
بدل مانحس بزيادة في شهر 7 بيكافئونا بالخصم
كل شهر 7 وانتم طيبين