مصر داخلة الحرب

[msamido]

بص هقولك حاجه

هو انا نفسي بصراحه نحارب لان حرام فعلا اللي بيحصل في لبنان وفلسطين ده

بس اقولك حاجه بص للتاريخ هتلاقينا في اي حرب للعرب احنا اللي بندخل واحنا اللي بنخسر واحنا في الاخر بردوه اللي بنطلع ولاد ستين في سبعين

يعني مثلا افتكر 48 مين دخل معانا الحرب ولا حد واحنا في الاخر اللي شيلنا الليله لوحدنا

تعالي علي 67 في ناس كانت فرحانه في اللي حصل فينا وكمان مين فكر يحارب علشانا كلهم كانوا مستنينا احنا وهم يساعدونا وفيهم اللي ساعدنا وفيهم اللي معملش اي حاجه وفيهم اللي زي الاخ معمر القذافي في وسط الحرب بعت يقول انا عايز الطيران بتاعي مع العلم انه كان مجرد طيران طبي مش اكتر

تعالي بقي ل 73 واللي حصل بعدها السادات لما عمل المعاهده وقال للاخ ياسر عرفات انا هجيبلك تسعين في الميه من فلسطين ولا مش فاكر كام المهم انهم في سنه حاجه وتسعين كانوا هياخدوا حكم ذاتي ويعلنوا دولة فلسطين يعني كان زمنا خلصنا من الحوار ده والاخ عرفات كان موافق بس الاخوه العرب بقي لعبوا في دماغه وطلعوا في دماغه حكاية السادات الخاين وازاي نحط ايدينا في ايد اليهود طيب ما انتم يا ولاد مش عارف ايه بتعملوا ايه دلوقتي وسلام ومش سلام


طيب اقولك حاجه تانيه

لو شفت في اي دستور لاي بلد عربي هتلاقي ان في حالة الحرب يتم الاستعانه بالجيش المصري

يعني هو احنا يعني ايه شغالين عند اهاليكم

بجد العرب دول ما يستاهلوش اي حاجه بس عايز اقولك لو قالوا بردوه ندخل حرب اول واحد هيطوع للجيش انا

بس هقولك حاجه تانيه
خلي مبارك كده في مره يطلع يقول للعرب انا مستعد احارب بس تحاربوا معايا وفي مقابل كل عسكري هتطلعوه هطلع اتنين مصريين هيقولوا لأ روح انت الاول واحنا وراك ولو راح والله ولا هنشوف حد فيهم

ياعم سيبك والله انا ما انا عارف انا بقول ايه