انا لااكذب ولكنى اتجمل!

[**(elktra)**]

المشاركة الأصلية كتبت بواسطة الشفق الباكي

هاى ياجماعه

ازيكم
تمام الحمد لله
يارب تكونوا تمام
والمزاج يبقى ميه ميه
مش عايزه حد مكشر فى موضوعى
كله داخل اسارير وجهه متفتحه
اممممممم
بصراحه بقى الموضوع فى دماغى من زمان جدا جدا
وان الاسلوب والكلام يجى فى دماغى مفيش فايده فقولت احاول اكتب جايز ربنا يفتحها فى وشى
فبالراحه عليا كده وانتو بتقرأوا ويعنى عدولى الاسلوب والكلام شويه
احنا هم حاجه عندنا الفكره طبعااااااا
ده اكيد
سيبونى فى حالى بقى عايزه اعبر عن الكلام
اكيد كلنا شوفنا الفيلم دا او معظمنا
اها ومش عجبني
من الاخر الفيلم بيحكى عن واحد عايش فى المقابر ودخل الجامعه
ونسج لاصحابه وزمايله قصه انه من عيله كبيره واهله قضاه وحاجات كده
وطبعا كل دا كدب
وفى الاخر حب واحده من عيله وباباها طبعا مش موافق
وفى الاخر الكل اكتشف ان كل دا كدب انه كان بيكدب عليهم طول الفتره دى
نتكلم شويه على تصرفه
التصرف دا صح ولاغلط
غلط بكل تاكيد
هو التصرف دا ممكن يكون مرضى شويه ولا ايه رايك
لا مش مرضي ده كدب وتصرفه كان مليون % غلط
ياترى المجتمع هو اللى فرض عليه كده
لا مش حكاية فرض عليه
بالعكس ده ربنا جعل الناس طبقات
جعل الغني والفقير والقوي والضعيف
مش خلق الفقير علشان يكدب ويقول انا غني لا
ده علشان اختبار هل انت فعلا راضي عن حياتك
ولا انت عايش في الحياة بالكدب والغش والخداع
والصفات دي بقت ظاهرة اوي في عصرنا ده
ربنا يستر
يعنى لما الانسان يبقى عايش وسط ناس
اهم حاجه عندها الماده وانت اهلك مين وباباك بيشتغل ايه ياترى هيقدر يستحمل ضغطهم عليه ويقول الحقيقه
طيب افرضي مش قال الحقيقة
هيبقي عايش ازاي
يعني هل في اخر مشواره هيتجوز
اصله هيتكشف ولا ايه

ولا هيكدب علشان يفضل عايش معاهم وينظروله نظره كويسه
عايش معاهم فين
طيب وبعد ما ينظروله النظرة الكويسة
هيجوزه بنتهم مثلا
دي بقي من رابع المستحيلات
مع العلم ان احنا فى مجتمع نظرته لطبقه معينه مش كويسه خالص
انت لو مكانه
كنت هتقول الحقيقه ولا هتكدب زيه؟
لا طبعا هقول الحقيقة
الحياة لازم نعيشها بصدق واخلاص وحب
والصفات دي خرجت سفرية ومش ترجع تاني
الا لو حصلت معجزة مع البشرية كلها
واتغير فكر الانسان
عن الحقد والغيرة والحسد
بعيدا عن الموقف دا
انت ممكن تكدب فى اى موقف علشان تظهر بشكل احلى ادام الناس
هل الكدب دا تجمل فعلا ؟
لالا الكدب كدب لو حتي ايه
مجرد ممر وطريقه مكشوف للناس كلها
وهيتعرف عاجلا ام آجلا
طيب ايه رايكم
فى الناس اللى بتفتخر بفلوسها مثلا
او بمنصب اهلها او غيره ؟
دول احرار بقي
طريقة تفكيرهم ومنطقهم بيختلف من شخص لاخر
اكيد بياثر سلبا على الاشخاص الفقراء
لابد من مراعاة شعورهم هنا بقي
ماانا بعتبر دا فخر وفى نوع من التجمل ادام الناس
يعنى هو ممكن يبقى شخص لايحترم
وبيخلى الناس تحترمه بالماك اب اللى بيحطه القناع اللى بيلبسه

ياترى تعتبروا اللى بيتجمل بالطريقه دى طريقه انه يقول منصبى وفلوسى والناس تشوفه محترم على هذا الاساس
مساوى للى كدب فى وظيفه اهله بردو علشان الناس تنظرله نظره ما ؟
لا شوفي بتاع المناصب ده انسان مريض نفسي
اكيد هيتعالج في يوم
لكنه انسان مادي جدا ومش محترم في داخله
واخطاءه هتبقي معروفة
اما بقي للي بيكدب تجمل
فده انسان مريض برده
لكنه مش راضي عن حياته
بايده يغيرها لكن مش بالكدب


انتو فاهمين اللى بقوله ولا انا اسلوبى عاد معقد
لالالا ده اسلوبك رائع
ما شاء الله عليكي
بارك الله فيكي
عاامة اسيبكم دلوقتى
واللى حاسس ان اسلوبى مكلكع يقووول
هنزل التبسيط فى المراجعه
واللى يعيش للمراجعه بقى يبقى يجى ياخد التبسيط
ياللا بيس بقى

ملحوظه :العنوان مقتبس

موضوع اكثر من رائع
وده واقع احنا بنعيشه وبنعاني منه
جزاكي الله خيرا