مذكرات طالب فاشل

[Dr\heba]

يا جماعه هو اكيد مش قصده يجرح فى حد عادى يعنى مفيش حد قبل كده شتم فى مدرس وبعدين هو مكتبش اسم حد المهم امال انت دخلت طب ازاى ان شاء الله مفيش مذاكره خالص كده مش معقول وبعدين مالهم بقى بتوع صيدله ان شاء الله دول احسن ناس

[dr\villa]

المشاركة الأصلية كتبت بواسطة dr\heba elsayed

يا جماعه هو اكيد مش قصده يجرح فى حد عادى يعنى مفيش حد قبل كده شتم فى مدرس وبعدين هو مكتبش اسم حد المهم امال انت دخلت طب ازاى ان شاء الله مفيش مذاكره خالص كده مش معقول وبعدين مالهم بقى بتوع صيدله ان شاء الله دول احسن ناس

هو حد قال حاجه عن بتوع صيدله دول احسن ناس
لا طبعا هذاكر بس لاسباب معينه ؟؟؟؟؟؟؟؟؟؟؟ هبقي اكتبها
سلام بقي عشان هكتب الرابعه دلوقتي

[dr\villa]

الحلقه الرابعه:


نكمل بقي يلا بينا طبعا بنام الساعه 12 عشان اصحي الساعه 4.5 صباحا عشان امشي من البيت الساعه 5 عشان اروح ابيع لبن الساعه 6 سوري قصدي اروح درس الاحياء الساعه 6 المهم ما بيبقاش فيه مواصلات خالص وطبعا بيطلع عيني علي ملاقي مواصلات المهم سيبكوا من الحوار ده بروح الدرس في ميعادي بالظبط الساعه 6 مش عارف ايه الصدفه الغريبه دي كنت دايما بروح الساعه 6 وطبعا ما بكنتش شايف قدامي ولا ذاكرت حاجه ؟؟؟؟؟؟؟ وطبعا المس هتسأل والواحد هيبقي شكله زباله طبعا لو ماجوبش بس احسن حاجه في الموضوع اللي احنا كلنا ولاد ؟؟؟؟؟؟؟؟ واحد خفيف يقولي ايه يعني احسن في ايه؟؟؟؟؟؟ اقوله احسن في اللي احنا كلنا كنا فشله ما بنذاكرش للحاجات التافهه دي لكن لو معانا بنات طبعا هيكونوا مذاكرين وهيبقي شكلنا وحش اوي وكمان احسن لان لو واحد حب ينام في الحصه بينام براحته ؟؟؟؟ واحد برده يقولي ينام؟؟؟؟؟؟؟؟؟؟ اقوله مش ينام يعني ينام لا يبقي عادي بس مش مع المس خالص يعني مقضيها و عايش ومنفض للكلام اللي بيتقال

ويا سلام بقي لو المس شافته ؟؟؟؟؟؟؟؟؟؟؟؟؟ هتسأله في حاجه طبعا وهيكون رده

هااااااااااااااااااااا والله هي الاجابه اممممممممممممممم............( في سره بيقول مفيش حماااار يجاوب وانا هاكمل واقول ( صح كده انا موافق علي كل كلمه قالها)) مش مشكله سيبكوا من الحكايه دي المس دي صراحه كانت بترغي اكتر من نص الحصه؟؟؟؟؟؟احكيلكوا الحكايه اصل المس دي كانت مسافره البحرين !!!!!!!!!! فكل ما يحصل موقف تقول انا لما كنت في البحرين حصل ....................... و...............( في سرنا خلاص كفايه احنا ابتدينا نكره البحرين)

وبسبب الموضوع ده بقينا كل ما تحصل حاجه ويجي واحد عايز يهزر يقول انا لما كنت في البحرين وبعد ما يقول كده كله بيموت من الضحك من غير ما يكمل ؟؟؟؟؟؟؟ والمشكله انا المس دي هي اللي كانت بتدينا في المدرسه وطبعا كان في طلبه ما بتاخدش عندها فكانت مصممه انها تحكي نفس الحكايات اللي كانت بتحكيها في الدرس وفي الاخر تقولي صح يا (أ) ارد انا طبعا اووووووووووووف اه صح يا جماعه المس لما كانت في البحرين...................

علي فكره صحابنا الاكبر مننا كانوا قايلين نفس الحكايات لينا
يلا مش مشكله ما احنا بنسمع الافلام مره واتنين وعشره

طبعا كنا بنام في المدرسه في جميع الحصص الا حصه الفيزياء لان المستر ده ما كنش حد بياخد معاه درس عشان كده كان بيشرح كويس واحنا حاسين بكده بس الغريب اللي ما كناش بنفهم حاجه بس كنا بنحبه لانه بيجتهد معانا ؟؟؟؟؟؟؟؟ المهم احكيلكوا عن حصه الفلسفه في المدرسه والله حصه بمعني الكلمه ؟؟؟؟؟؟؟؟؟؟؟؟؟ كان المستر بيفضل يشتم علي الاهلي واحنا بنبقي فرحانين ؟؟؟؟؟؟؟ ( عذرا للاهلويه) اصل احنا اسماعلويه وطبعا الناظر اهلاوي واحنا عارفين فطبعا لو جه انتوا عارفين بقي............... ؟؟؟؟ بس ساعات كان بيجي وطبعا المستر
بدل ما يقول مانويل جوزيه ده مدرب فاشل عايزين لما الاهلي يجي اسماعيليه نروح الاستاد نبهدله
كان بيقول اول ما الناظر يدخل مانويل جوزيه حر ولا مجبر؟؟؟؟؟؟؟؟؟؟
طبعا احنا نرد بصوت عالي هو حسب رأي فلان فأنه مجبر لان..............
وحسب رأي علان فأنه حر لان...............
وساعات يكون الاسماعيلي مغلوب ؟؟؟؟؟؟؟ فالمستر طبعا ما بيقدرش يقول كلمه في الكوره ؟ طبعا كله متوقع دلوقتي انه هيشرح؟؟؟؟؟؟؟؟ لا طبعا عيب هو بينام ولما الناظر يقرب ادوني missed يا رجاله وطبعا احنا بنبقي نايمين كلنا الا واحد كان بيقعد يذاكر كله كان بيشجعه وطبعا مش بيشجعوه علي المذاكره دول بيشجعوه انه ما ينامش بالمره يشوف الطريق !!!!!!!!!

وكالعاده بنروح من المدرسه الاستفاده صفر والصداع علي الاخر؟؟؟؟؟؟؟؟؟؟

يتبع بقيه اليوم...................................

[**تسابيح**]

اروح ابيع لبن الساعه 6

احنا كنا بنبيع لبن 6 ونصف
واحسن وقت هو من 4 الفجر لحد 8 الصباح
بيبقي فيه الواحد مركز بجد

وبسبب الموضوع ده بقينا كل ما تحصل حاجه ويجي واحد عايز يهزر يقول انا لما كنت في البحرين وبعد ما يقول كده كله بيموت من الضحك من غير ما يكمل ؟؟؟؟؟؟؟

هههههههههههه

دا انتم كنتم عايشين حياتكم اهو

علي فكره صحابنا الاكبر مننا كانوا قايلين نفس الحكايات لينا
يلا مش مشكله ما احنا بنسمع الافلام مره واتنين وعشره

التكرار بيعمل الشطار

كان بيقول اول ما الناظر يدخل مانويل جوزيه حر ولا مجبر؟؟؟؟؟؟؟؟؟؟
طبعا احنا نرد بصوت عالي هو حسب رأي فلان فأنه مجبر لان..............

حسب رأي الجبرية

وحسب رأي علان فأنه حر لان...............

دي بقي حسب رأي محمد عبده وابن رشد

وساعات يكون الاسماعيلي مغلوب ؟؟؟؟؟؟؟ فالمستر طبعا ما بيقدرش يقول كلمه في الكوره ؟ طبعا كله متوقع دلوقتي انه هيشرح؟؟؟؟؟؟؟؟ لا طبعا عيب هو بينام ولما الناظر يقرب ادوني missed يا رجاله وطبعا احنا بنبقي نايمين كلنا الا واحد كان بيقعد يذاكر كله كان بيشجعه وطبعا مش بيشجعوه علي المذاكره دول بيشجعوه انه ما ينامش بالمره يشوف الطريق !!!!!!!!!

ههههههههههههههه

لاحكايات دمها خفيف
بس انت جبت كام في الفلسفة ع كدا والفيزيا
متابعين

[dr\villa]

المشاركة الأصلية كتبت بواسطة تسابيح النجوم

بس انت جبت كام في الفلسفة ع كدا والفيزيا

متابعين

الفلسفه 50
الفيزياء 50

[dr\villa]

سوري يا جماعه كان عندي النهارده ماتش في الدوره الرمضانيه وكنت ناسي ولسه جاي من نص ساعه شويه كده وهبقي اكتب الحلقه الخامسه

[dr\villa]

الحلقه الخامسه:
نكمل بقي اليوم بتاعنا طبعا كل واحد بيروح من المدرسه ينام عشان كان صاحي بدري وبعد كده يصحي يروح الدروس بتاعته وعلي غير العاده انا كنت فرحان النهارده علشان النهارده درس الفيزياء مادتي المفضله لدرجه اللي انا رحت عند 5 مدرسين بس طبعا مش في وقت واحد !!!!!!!!!!!!! انا مكنتش بروح عند اي مستر عشان المستر اللي قبله وحش وانا مكنتش فاهم لا مش عشان كده !!!! انا كنت بروح عشان اشوف المستر ده بيشرح ازاي؟؟؟؟؟؟؟؟؟ وكمان المدرسين اللي كنت بسبهم كانوا صحاب بابا فكانوا بيستغربوا ويقولوله هو مشي ليه ده هو كويس وانا بعامله كويس!!!!!!!!! وطبعا بابا ما قولكوش بقي كان بيعمل ايه؟؟؟؟؟؟؟؟؟؟؟ بس يرده كنت بروح عند المستر اللي في دماغي لدرجه اللي انا رحت عند مستر عشان كنت اسمع انه اهلاااااااااوي فقلت اما اروح اشوفه بيقول علي الاسماعيلي لقيته عايش علي حلم الدوري ( بس يا خساره ده طلع حقيقه وخدوه في الاخر يلا مش مشكله ما الحكام قايمه بالواجب) ما علينا سبكوا من الحوار ده نكمل بقي بروح اشوف ايه درس الفيزياء اللي هناخده النهارده وطبعا بشوفه من كتاب المدرسه عشان كان مليان صور بس الصراحه كان كتاب غبي اوي مش عارف ليه كان بيلف ويدور المهم كنت بروح الدرس والمستر كل ما يجي يشرح حاجه ( ارد واقول انا كنت قريت في مجله المانيه وساعات كنت بقول فرنسيه تصدر باللغه الانجليزيه ان كذا وكذا وطبعا انا ببقي قريت في كتاب المدرسه وطبعا صحابي بيبقوا عارفين ويفضلوا يضحكوا وانا كنت بتضحك والمستر يقول بتضحكوا علي ايه يرد واحد يقوله لا ولا حاجه افتكرنا موقف يرد المستر كلكوا افتكرتوا الموقف في نفس الوقت
وطبعا لو كلامي غلط وغالبا كان بيبقي غلط يرد المستر بس يا حبيبي تبقي اقره في مجله اسبانيه المره الجايه
ولو صح يقول بسخريه اسيبكوا مع البروفيسير العظيم ده اللي هو انا يكمل الدرس يرد صحابي ده حمااااااااااااااار يكمل ايه

نيجي بقي نكلم عن المستر ده شويه هو مكنش ذكي خالص هو كان متوسط بس كان شايف نفسه عبقري وطريقته ف تدريس الفيزياء زي طريقه مدرس الفلسفه اللي كنت باخد معاه درس وهي الطريقه العظيمه التكرار يعلم الحمار قصدي الشطار كان بيفضل يكر في القانون من غير ما ناخد اي مسائل ويوم ما يحل مسأله يقولنا خلاص كده يا ولاد ريحتكوا من المسائل اللي هتحلوها في البيت
المهم كالعاده نطلع من الدرس نلعب كده ماتشين كوره بعدين نروح وبعد ما اخد شاور تفتكروا هاعمل ايه؟؟؟؟؟؟؟؟؟؟ هقولكوا مفاجأه
انا قررت ابقي محترم واذاكر !!!!!!!!!!!!! وطبعا مش عارف اذاكر ايه ؟؟؟؟؟؟؟ لاني متأخر في كل المواد !!!!!!! وعاده كنت بذاكر فيزياء لاني كنت بحبها وكمان كنت بحل مسائل وده مكنش متعب بالنسبه الي وكده يبقي رضيت ضميري وذاكرت وطبعا الاحياء مكنتش بفتحها غير علي الامتحانات بتاعت المس ا لما اجيب مجموعه البنات معانا عشان ميبقاش شكلي وحش علي فكره كانت بتتصل بيا تقولي مجموعه البنات معاكوا بكره عشان اذاكر ( وبصراحه هي استغلت الموضوع ده احسن استغلال كانت ساعات تتصل وتقولي وابقي مذاكر وسهرت وكمان صاحي بدري عشان اروح الدرس والاقي مجموعتنا وهي طبعا شايفه عليا علامات السهر وطبعا ببقي مذاكر عايزها تسألني فهي ما بتسألنيش في اليوم ده وبصراحه ببقي متغاظ منها اوي) وعشان كده جبت درجه وحشه في الاحياء !!!! بس اعمل ايه الامتحان كان صعب !!!!!!! المهم بعد ما ذاكرت الفيزياء في اليوم ده بنام عشان اصحي اروح تالت يوم في المدرسه وحصل معانا موقف غريب اوي في اليوم ده في المدرسه

اقولكوا الموقف دخلنا الفصل وقعدنا وكلنا بنرغي مع بعض وكان فيه مدرس انجليزي جديد بس احنا مكناش نعرفه خالص وهو كان لسه ما تخرج وشكله صغير اوي يعني اللي يشوفه يقول في تالته ثانوي او اولي كليه كده يعني المهم احكيلكوا الموقف

المستر الجديد (دخل الفصل): قيام
واحد صاحبي : قيام مين العب بعيد يا امور
المستر الجديد : ولد تعالي هنا
صاحبي: امشي يلا علي فصلك
المستر الجديد: انت اتجننت!!!!!!!!
صاحبي : لا ده انت شكلك عايز تضرب يلا يارجاله نروقه
( واحنا طبعا قايمين نكسره)
المستر الجديد (بينادي علي مستر (م)): يا مستر(م) ايه فصل المجانين دول!!!!!!!!!
مستر (م): معلش يا مستر (ح) هما عمله ايه؟؟؟؟؟؟
احنا (في سرنا): مستر(ح) يا نهار اسود
ويومها صاحبي ده هو اللي اتروق عند الناظر

يتبع بقيه اليوم في المدرسه...................